كتب: محمد عبد الرحمن

ارتفاع وتغير أسعار الموبايلات شبه المستمر خلى كتير من المستخدمين يبقى أكبر طموح ليهم يلاقوا موبايل بإمكانيات كويسة وبسعر أكتر من ٢٠٠٠ جنيه، لكن شركة ميزو قلبت المعادلة دي وأصدرت موبايل Meizu m5c واللي فيه إمكانيات ومميزات كتيرة وبسعر أقل من ٢٠٠٠ جنيه.

وفي الريفيو ده هنتعرف مع بعض أكتر على مميزات وعيوب الموبايل، ولو عجبك تقدر تعرف أحسن الأسعار ليه وتطلبه من خلال ياقوطة وهيكون عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

مواصفات موبايل Meizu m5c

*ممكن تشوف مواصفات الموبايلات بالتفصيل من mobihub من هنا.

موقع mobihub هو موقع مصري بيعرض عليك تشكيلة كبيرة من الموبايلات لأكبر وأشهر الشركات في مصر والعالم وتقدر تعرف من خلاله مختلف أنواع الموبايلات وإمكانياتها ومميزاتها وعيوبها وكمان أسعارها وتقدر تقارن بين أسعار الموبايلات من عليه.

وصف موبايل Meizu m5c

• الموبايل مصمم من البلاستيك.
• الجهة اليمنى للموبايل هنلاقي زراير الصوت، وزرار الباور.
• الجهة الشمال للموبايل موجود فيها منفذ لشريحتين الاتصال.
• الجهة العليا للموبايل هنلاقي منفذ لسماعات الأذن.
• الجهة السفلية للموبايل هنلاقي ميكرفون المكالمات، ومنفذ الشحن، وسماعة الموبايل الخارجية.
• شاشة الموبايل فيها كاميرا سيلفي، ولمبة إشعارات LED، وفيه زرار الـ Home واللي فيه مستشعر بصمة الإصبع كمان.
• ضهر الموبايل فيه كاميرا وفلاش LED.

التصميم

المزايا

• وزن الموبايل خفيف ١٣٥ جرام لإنه مصمم من البلاستيك.

العيوب

• تصميم الموبايل وشكله تقليدي جدًا ومفيش فيه أي لمسة جمالية.
• الموبايل متاح بمستشعر للبصمة في بعض الدول ودول تانية لأ، واللي من ضمنها مصر.

تجربة المستخدم

• وزن الموبايل وأبعاده بيسهلوا على المستخدم استعمال الموبايل بإيد واحدة ولوقت طويل ومن غير أي مشاكل.
• زرار البصمة للموبايل هو اللي بيقوم بكل الوظايف من تنقل جوه الموبايل وحماية وتأمين الموبايل، دوسة واحدة عليه تروح لشاشة الـ Home ولمسة واحد عليه يبقى رجوع للخلف.
• جسم الموبايل الخلفي مصنوع من بلاستيك مش بيظهر البصمات ودي نقطة مهمة وتهم مستخدمين كتير.
• مكان سماعات الموبايل مناسبين للمستخدم، لكن للأسف صوتهم مش قوي وغالبًا هتواجه صعوبة في سماع الجرس لو كنت في مكان زحمة.

الشاشة

المزايا

• شاشة IPS LCD بحجم مناسب ٥ بوصة وبتيجي ودقة وضوح ١٢٨٠×٧٢٠ بكسل، وكثافة بكسلات ٢٩٤ بكسل في البوصة.
• الشاشة بتدعم لغاية ١٠ نقاط لمسية.

العيوب

• شاشة الموبايل مش مزودة بأي طبقة حماية.

تجربة المستخدم

• حجم شاشة الموبايل مقبول بالنسبة للتصفح ومشاهدة الفيديوهات المختلفة.
• زوايا الرؤية والسطوع مقبولة في ظروف الإضاءة المختلفة، وفي أشعة الشمس، لكن لازم تاخد بالك من إنك تعلي الإضاءة الخاصة بالشاشة لإن الوضع التلقائي مش كويس في تعديل والإحساس بالضوء المحيط والألوان باهتة.

الأداء

المزايا

• الموبايل بييجي ببروسيسور رباعي النواة بتردد ١٫٢ جيجاهرتز، ورام ٢ جيجابايت، وميموري داخلي ١٦ جيجابايت، وممكن تزود ميموري خارجي.
• الموبايل بيشغل شريحتين اتصال، وبيدعم تقنية الاتصال للجيل الرابع، وكمان بيدعم الـ otg والجيروسكوب.
• الموبايل مزود ببرنامج تسجيل الاتصال الصوتية.

العيوب

• الموبايل مش مزود براديو FM.
• مش بييجي مع الموبايل حزمة برامج وتطبيقات جوجل بلاي.
• ما تقدرش تشغل على الموبايل شريحتين اتصال وميموري خارجي في نفس الوقت.

تجربة المستخدم

• أداء الموبايل في فتح البرامج بطيء شوية في فتح البرامج وبطء كمان في الاستجابة للأوامر لكنه عمومًا مقبول، ومع الألعاب الأداء مرضي لو كانت ألعاب خفيفة ومن غير جرافيك عالي.
• رغم إن الموبايل مش بييجي معاه حزمة برامج وتطبيقات جوجل، فالمستخدم يقدر ينزلها والميزة هنا إنه بيختار البرامج اللي بيحتاجها وبس، مش مفروض عليه برامج زيادة على ميموري الموبايل وما يقدرش يحملها.
• تقدر توصل وتتحكم في البرامج المفتوحة على موبايلك عن طريق السحب من أسفل الشاشة لأعلاها واللي هتظهر على شكل كروت محددة تقدر تتحكم فيهم إما بالقفل أو الإخفاء، أو فتح برنامجين على الشاشة.
• تقدر تصور شاشة الموبايل فيديو كمان، وتاخد Screen Shot طويلة بأكبر من حجم الشاشة.
• ميموري الموبايل الداخلية بيتبقى منها للمستخدم ٩ جيجا ودي سعة مرضية لكتير من المستخدمين.
• وضع Easy Mode دي ميزة حلوة للمستخدمين الكبار في السن واللي من خلالها تقدر تحول أيقونات الموبايل لحجم كبير وواضح، وفيه كمان وضح الأطفال واللي بتضيف من خلاله البرامج أو الألعاب اللي الأطفال بيلعبوا عليها وتحمي باقي برامجك الخاصة.
• مستخدمين كتير اشتكوا من إن نغمة الموبايل مش عالية وبتبدأ بشكل تصاعدي مع إنهم خلوا صوت النغمات على الآخر، والحل إنك تشيل علامة تفعيل زرار الـ Fade-In وكده المشكلة هتتحل.

الكاميرا

المزايا

• كاميرا الموبايل الخلفية بقوة ٨ ميجابكسل، مزودة بفلاش، بتصور فيديو بدقة ٧٢٠ بكسل.
• سيلفي الموبايل بقوة ٥ ميجابكسل، بتصور فيديو بدقة ٤٨٠ بكسل.

العيوب

• سيلفي الموبايل ضيق شوية ولازم تبعد إيدك علشان تاخد صور واضحة وفيها أكتر من شخص.

تجربة المستخدم

• سيلفي الموبايل مميز وصوره منورة في الإضاءة العالية أو جوه البيت.
• تصوير الفيديو للموبايل صوته معقول، مش الأفضل لكنه مش وحش وأحسن من موبايلات كتيرة في نفس الفئة السعرية.
• الكاميرا الخلفية للموبايل صورها عادية جدًا ومش مميزة خالص.
• لو كنت من المستخدمين اللي بيقلقوا من خدش الكاميرا الخلفية لموبايلاتهم فكاميرا الموبايل مش بارزة خالص.

البطارية

المزايا

• بطارية قوية بسعة ٣٠٠٠ مللي أمبير.

العيوب

• البطارية مش بتدعم تقنية الشحن السريع.
• البطارية مدمجة وما تقدرش تغيرها بنفسك.

تجربة المستخدم

• الموبايل بيكمل معاك لغاية يوم كامل من الاستعمال متوسط أو الشاق، والشاشة بتدي وضع Screen On ٥ ساعات تقريبًا.
• البطارية بتتشحن شحنة كاملة في ساعتين ونص بس.

شوف موبايل Meizu m5c من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.