سعر مكنسة باناسونيك الـ ١٩٠٠ وات
كتبت: منى عوض
باناسونيك من الشركات اللي بتسعى دايمًا أنها تقدم منتجات مميزة للعالم، وده طبعًا في ظل شعارها (حياة أفضل، عالم أفضل) اللي بيتناسب تمامًا مع رؤية الشركة، عشان كده هنتكلم النهارده عن المكنسة الكهربائية باناسونيك الـ ١٩٠٠ وات، وهنتعرف من خلال الريفيو ده على مواصفاتها ومميزاتها وعيوبها، ولو عجبتك تقدر تعرف أفضل سعر ليها وكمان تطلبها من خلال ياقوطة وهتوصل لغاية عندك في أسرع وقت.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
المواصفات
| موديل المكنسة | MC-CG711 |
| القوة | ١٩٠٠ وات. |
| نوع المكنسة | ذات أكياس. |
| سعة المكنسة | ٦ لتر من الغبار والأتربة. |
| طول سلك المكنسة | ٨ متر. |
| الخامة الأساسية المصنوع منها المكنسة | البلاستيك. |
| بلد المنشأ | ماليزيا. |
| الضمان | عام. |
المميزات
- بتتميز بوجود محرك قوي بقوة شفط هايلة هيخليك تقدر تنضّف كل أنواع الأرضيات والسجاد والمشايات بسرعة وكفاءة عالية.
- بتتميز بوجود فلتر مقاوم للبكتيريا يتضمن معدن النحاس في القماش الخاص به عشان ينقي الهواء الخارج من المكنسة من أي بكتيريا وبالتالي الحصول على بيئة صحية تمامًا، فمن المعروف إن النحاس الموجود في الفلتر بيساعد في التخلص من الروائح عن طريق الربط الكيمائي وبالتالي المحافظة على نظافة الفلتر وتحسين جودة هواء الأوضة.
- بتتيمز بوجود مفتاح جرار للسرعات.
- سعة الكيس المخصص للأتربة مناسبة جدًا لأنها بتقدر تجمع لحد ٦ لتر من الغبار والأتربة، وكمان من السهل فك الكيس ده وتنضيفه وتركيبه مرة تانية.
- بتتميز بوجود عمود معدني متداخل وقابل للإطالة للوصول لكل الأماكن بسهولة تامة.
- سلك المكنسة طويل بيوصل لحد ٨ متر وبالتالي هتوصل لأماكن كتير عشان تنضفها بكل سهولة ومش هتحتاج إنك تغير مكان الفيشة كل شوية.
- بييجي معاها أداة لتنظيف الشقوق وفرشاه للغبار، وملحقـات لتنظيف الستائر والمفروشات.
العيوب
- بكرة العجلة بتاعة المكنسة مش مرنة وناعمة، وبالتالي ممكن تسيب أثر لعلامات جر المكنسة على الأرض.
- مش بتدعم وجود واقي مرن ضد الصدمات.
- المكنسة صناعة ماليزي على الرغم من إن بعض الناس بتفضل باناسونيك الصناعة الياباني أكتر لأن جودتها دايمًا بتكون أعلى.
خدمات ما بعد البيع
- خدمة العملاء: تقدر تتواصل مع خدمة العملاء في أي وقت عن طريق الأرقام اللي بتوفرها شركة باناسونيك.
- الصيانة: توكيل باناسونيك غني عن التعريف يعني تقدر تتواصل بكل سهولة وأمان مع خدمة العملاء لو واجهت أي مشكلة أو عطل مع المكنسة وهما هيبعتولك فنيين متخصصين لحد البيت.
- قطع الغيار: تقدر تلاقي قطع الغيار متوفرة بس سعرها بيكون غالي شوية.
شوف المكنسة الكهربائية باناسونيك الـ ١٩٠٠ وات من هنا.
تقدر تشوف موديلات أكتر من المكانس الكهربائية باناسونيك من هنا.
وكمان تقدر تشوف موديلات وأنواع أكتر للمكنسة الكهربائية من هنا.
أما لو عايز تشوف دليل لشراء المكنسة الكهربائية ممكن تقرا المقال ده.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال