مواصفات وتقييم مضرب بيض وايت ويل
كتبت: سارة عمار
مضرب البيض من الأجهزة الكهربائية اللي لا غنى عنها في أي بيت مصري، وخصوصًا لو بتحبوا تتفننوا في الوصفات والأكلات وبتتابعوا قنوات الطبخ وعايزين تعملوا أشهى الأطباق. ياقوطة جابتلكم كل حاجة عن مضرب البيض من وايت ويل وهتعرفكم حقيقة الحلو والوحش فيه، فاقروا اللي جاي بتركيز!
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
الوصف
| اللون | أبيض. |
| طريقة التحكم | يدوي. |
| الاستخدامات | أحادي الاستخدام. |
| القدرة | ٣٥٠ وات. |
المزايا الموجودة فيه
- هتلاقوا فيه ٥ سرعات أول، وده كويس أوي عشان نضرب كل حاجة كريم شانتيه على أقل سرعة، أو البيض اللي بيكون عايز سرعة أسرع، أو السكر مع السمنة بتاعت البيتفور ودي أحسن سرعة ليها الرابعة والخامسة، كلها سرعات محتاجينها وتلزم أي ست بيت.
- الخلاط نفسه من البلاستيك وبيتنظف سهل فوطة ناشفة وبيتمسح ويبقى زي الفل، دراع المضرب بقى يتغسل بس يتنشف كويس عشان ماتصديش مع الرطوبة.
- السلك بتاعه طويل ويستحمل وجاك الفيشة متين بس حاولوا تظبطوا لفه معينه اللي هيا دواير كبيرة عشان ما يبوظش منكم.
العيوب اللي لقيناها فيه
- الزرار اللي فوق اللي بنضغط عليه عشان دراع المضرب تطلع أحيانًا بيعلق ولازم ليه تكة جامدة.
- أول ما تشوفوا رقم أقل من ٥٠٠ وات أعرفوا انه لازم تريحوا الماتور كل حبة يعني 3 دقايق ووقفوه يرتاح شوية.
- مش حيقدر يضرب ليكم حاجة سميكة أو طالعة من الثلاجة يعني حته زبدة محطوطة في الثلاجة ممكن يتحرق لو حاولتوا تضربوها بيه، وطبعًا ماينفعش أبدًا تضربوا بيه المجمدات، براحة عليه في الاستخدام.
- مالوش قاعدة يوقف عليها أو يتسند عليها لحد مانزود المقادير بتاعتنا، مضطرين نجيب حد يساعدنا ويمسكه.
- عشان هوا يدوي مالوش حتى حامل، طيب إذا مالوش حامل اعمله حته حديدة كحامل بس عشان مايوقعش ومايفضلش الواحد ماسكه والمطبخ يتبهدل من الأكل اللي بيقع منه.
الصيانة
هو في الحقيقة النوع ده ليه ضمان بس المضرب في حد ذاته كجهاز لا ليه قطع غيار ولا ليه تصليح ده هوا كله على بعضه موتور لو باظ خلاص شكرًا على كده، لكن الضمان برضه ينفع لو فتحتوا العلبة لقيتوه بايظ أو فيه عيب ظهر من التصنيع نفسه، وكمان الموزع بتاعه موثوق فيه وليه اسم كبير في عالم الأجهزة.
شوف مضرب البيض من وايت ويل ٣٥٠ وات من هنا.
وفي زيه حاجات أقوى وإمكانيات أعلى ومتعدد الاستخدامات زي محضر الطعام مولينيكس وده تمنه أكتر من ٣٠٠٠ جنيه، ممكن تشوفوه من هنا.
احكيلنا تجربتك مع المضرب في كومنت.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.