مراجعة سماعات أذن بلوتوث جوي رووم JR-T03 TWS
كتبت: أمنية عزمي
الناس بقت متحمسة ومتابعة طول الوقت كل ما هو جديد في عالم التكنولوجيا بتطوراته السريعة لمواكبة العصر، السماعات البلوتوث الوايرلس انتشرت بشكل كبير في الفترة الأخيرة خاصة بعد ما شركات كتير بقت تنزل منها إصدارات بمواصفات عالية وأسعار معقولة جدًا، السماعات دي بتفرق جدًا للناس اللي بيحبوا يسمعوا موسيقى أوقات كتير بشكل أساسي مش لمجرد المكالمات، غير إن في ناس بتستخدمها بسهولة طول الوقت بدون ما تعطل شغلها نظرا لأنها سلسة جدا في الاستعمال وبتديك حرية الحركة بشكل كبير، من الأنواع اللي منتشرة ومشهورة بجودتها ومواصفاتها الحلوة وسعرها المعقول هي جوي رووم موضوع مراجعتنا النهاردة.
تابعونا مع ياقوطة هنتكلم عن سماعات أذن بلوتوث جوي رووم JR-T03 TWS وهنتكلم عن أهم مواصفاتها ومميزاتها وكمان عيوبها ورأي المستخدم فيها ولو عجبتك وحبيت تشتريها هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
المواصفات
- اللون: أبيض.
- الموديل: JR-T03
- أبعاد المنتج: 107 db±3db
- الكود التعريفي للمنتج: JO326EL0C1Y4ENAFAMZ
- بلد المنشأ: الصين.
المميزات
- بيتميز بشبكة بلوتوث 0 شبكة لاسلكية قوية مميز باستقرار الإشارة وقوة ووضوح الصوت مع بطارية عالية الكفاءة.
- بتقدر تستخدمها في حيز ببعد 10 أمتار وبالتالي بتكون بحريتك في المكان.
- الإتصال بيتم بكلتا الأذنين بشكل مستقل ودا بيدي قوة للصوت كأنك بتتكلم وجها لوجه، وكمان تقدر تستخدم سماعة واحدة فقط أو السماعتين مع بعض وتبدل بين الشمال واليمين.
- مزودة بميكروفون مزيل للضوضاء واستخدامها في الأماكن المزدحمة بيكون مريح والصوت واضح، بتوفر إتصال قوي ووضوح عالي للمكالمات وبتدعم الصوت الستيريو.
- حجمها صغير ووزنها خفيف يناسب معظم الناس بسهولة.
- بتستقبل وترسل الموجات بين الهاتف والسماعة بكل وضوح، وبتقدر توصلها بأكتر من جهاز من غير ما يكون في بينهم ارتباط زي إنك تسمع من خلالها موسيقى وأغاني من موبايل تاني.
- إمكانية استخدام شخصين للسماعة، لو حابب تسمع صوت ستيريو قوي بتلبس السماعتين، وتقدر تلبس واحدة وتدي صديقك واحدة في حالة لو بتتفرجوا أو تسمعوا محتوى مشترك.
- محمية من الصدمات في حالة سقوطها، مغلفة بطبقة خفيفة من السيليكون تحميها من صدمات الوقوع وكمان بتحميها من التعرق لو بتستخدمها وانت بتلعب رياضة.
- سهلة التثبيت، بمجرد ما تشغل البلوتوث عالموبايل وتفتح صندوق السماعات جنب الموبايل هيكتشفها تلقائيا وتظهر رسالة إذن لتشغيل السماعة.
- بتتحول لحالة Power On بمجرد سحبها من صندوق الشحن الخاص بها، وبترجع لحالة Power Off بمجرد إعادتها للصندوق.
- التحكم السلس باللمس في استخدام السماعة واستجابتها سريعة، بضغطة واحدة بتشغل موسيقى، لاستقبال المكالمات وانهائها بضغطة قصيرة، لرفض المكالمة بتضغط ضغطة طويلة، لو حبيت ترجع الأغاني بتضغط 3 مرات على السماعة الشمال، و 3 مرات على السماعة اليمين لو حبيت تقدم أغنية.
- متوافقة مع كل أنواع الهواتف الذكية ونظام أندرويد و IOS .
- مميزة بإمكانية شحنها سلكي ولاسلكي، مرفق معها ساحن لاسلكي بيشحن صندوق السماعات بمجرد وضعه عليهاـ بالإضافة لميزة الشحن السريع، مدة شحنها بتترواح ما بين 40 دقيقة لساعة.
- بطارية 350 ميجاهيرتز مع الصندوق الشاحن، بتستمر في وضع الاستعداد 20 ساعة، و2.50 ساعة سماع موسيقى، و 2.50 ساعة مكالمات.
- علبة الشاحن ذكية بتحفظها والسماعة بتفضل متصلة بالعلبة عن طريق مغناطيس بيحافظ على ثباتها حتى لو قلبت العلبة السماعات بتفضل محتفظة بثباتها.
- يأتي معها جراب لحفظ العلبة مصنوع من السيليكون لتوفير حماية كافية، وحامل لتعليقها في الحزام أو الشنطة.
العيوب
- سعة البطارية مش كبيرة وبالتالي بتحتاج تشحن كذا مرة، يعني الاستخدام قصير المدة.
- مش بتدعم شبكة الجيل الرابع.
- الأماكن المزدحمة بتستخدم نفس التردد 2,4 جيجاهيرتز ودا بيخلي جودة الإتصال تضعف في الأماكن دي زي الكافيهات والجيم وأماكن التجمعات بشكل عام.
- حجن السماعة مش بيناسب الجميع وعلشان كده لازم تجربها الأول.
تجربة المستخدم
- الصوت فيها ضعيف وجودته مش حلوة سواء في المكالمات أو سماع الموسيقى.
- البطارية عمرها قصير في الطبيعي وبعد فترة من الاستخدام بتضعف أكتر وبتحتاج شحن طول الوقت.
شوف سماعات أذن بلوتوث جوي رووم JR-T03 TWS من هنا
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
كاتبة المقال
أمنية عزمي، بكتب من أكتر من سنة ونص، مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.