كتبت: أمنية عزمي

لما تيجي تشتري أجهزة معمرة لازم تسأل عنها كويس وتعرف مميزاتها وعيوبها ورأي الناس اللي استخدمتها قبل كده خاصة لو الاسم التجاري بتاعها مش مشهور لأن أوقات كتير بتكون في عيوب صناعة مش بتبان غير مع الاستخدام، واتعود متحكمش على منتج من سعره بس إنه أقل من السوق لأن ده ممكن يكلفك مبالغ أعلى في التصليحات أو يكلفك تشتري شاشة تانية خالص وتلاقيك دفعت ضعفين في الآخر.

وواحد من الأجهزة اللي بتعيش لفترات طويلة هي التليفزيون. وهنتكلم في المراجعة دي مع ياقوطة عن شاشة ATA ٤٣ بوصة، بتقنية Smart HD واحد من أكتر التليفزيونات اللي ناس كتيرة شكرت فيه وبترشحه وهنتعرف على أهم مواصفاته ومميزاته وكمان عيوبه ورأي المستخدمين فيه ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

المميزات

• الشاشة 43 بوصة بحواف رفيعة وتصميم جميل، حجم بيظهر فيه دقة وجمال الصورة والألوان.
• شاشة ليد بإضاءة خلفية، بيظهر فيها تباين اللون الأسود وكمان بتظبط سطوع الشاشة بشكل أتوماتيكي وبتديك جودة عالية للصورة واقتصادية في سعرها.
• شاشة كاملة الدقة (Full HD) بدقة 1920×1080 بكسل واللي بتشوف فيها دقة التفاصيل في الصور والألوان وبتكون ممتعة في مشاهدة الأفلام والفيديوهات.
• مزود بمنفذ VGA بتقدر توصل الشاشة من خلاله بالكمبيوتر وتشوف محتوى الكمبيوتر على شاشة التلفزيون.
• الشاشة مزودة بمنفذ HMDI اللي بتقدر من خلاله توصل الشاشة ب DVD أو كمبيوتر وتشوف الأفلام بوضوح وجودة عالية.
• مزود بمدخل يو اس بي اللي بتوصل الفلاشة من خلاله وتقدر تتفرج على صورك أو أفلامك المفضلة أو تستمع بالأغاني اللي بتحبها.
• سمك الشاشة رفيع جدا ودي ميزة تساعدك إنك تعلقه على الحائط وبالتالي تستغل مساحة المكان بشكل أفضل.
• مزود بريموت كنترول بتتحكم فيه عن طريقه من بعد وإنت في كامل استرخائك وراحتك

العيوب

• فترة الضمان سنة واحد ودي فترة قليلة جدًا على ضمان التليفزيونات.
• الشاشة رفيعة وضعيفة والقاعدة مش بتمنحها الثبات المطلوب وعلشان كده بتبقى عرضة للصدمات خاصة لو في أولاد بتلعب أو مكانها في ممر.

خدمة العملاء

• الحقيقة كل الناس بتشتكي من مستوى سوء الصيانة واستجابتهم وسوء المعاملة وتدني مستوى الإصلاح وإن الأجهزة بتروح وترجع بنفس العيب أكتر من مرة.

تجربة المستخدم

• بعض المستهلكين بيشتكوا من عيب عندهم كلهم وهو إن الشاشة بتفصل أو تتحرق بعد فترة قصيرة وأوقات بتشتغل صوت فقط بدون صورة، والصورة بيظهر فيها بقع بيضاء وده عيب صناعة في الليد، وبيشتكوا إن التصليح بيتم على حسابهم حتى وهم في الضمان.

شوف شاشة ATA ٤٣ بوصة، بتقنية Smart HD من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال      

أمنية عزمي، بكتب من 9 شهور. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة 100%.