مقارنة مواصفات موبايل Honor 10 Lite وموبايل Oppo A7 وموبايل Xiaomi Redmi Note 6 Pro

مقارنة Honor 10 Lite و Oppo A7 و Redmi Note 6 Pro | مجلة ياقوطة

كتب: خالد عاصم

موبايلات الفئة المتوسطة هي الأشهر والأكتر انتشارًا دلوقتي مش بس في السوق المحلي في مصر ده كمان على مستوى عالمي، ومن بين أشهر موبايلات الفئة المتوسطة في مصر دلوقتي الموبايلات اللي بتنتمي للشركات اللي نقدر نسميهم بملوك الفئة المتوسطة، وهي شركات Honor وOppo وHuawei، ومنهم اخترنا موبايل Honor 10 Lite وموبايل Oppo A7 وموبايل Xiaomi Redmi Note 6 Pro اللي هنقارن بينهم النهارده.

فمن خلال المقال ده هنعمل مقارنة بين مواصفات موبايلات الفئة المتوسطة الممتازة، موبايل Honor 10 Lite وموبايل Oppo A7 وموبايل Xiaomi Redmi Note 6 Pro وهي موبايلات قريبة في المواصفات والأسعار، وطبعًا لو عجبكم أي موبايل من التلاته هتقدروا تطلبوهم من خلالنا في ياقوطة وهتوصلكم لحد باب البيت أو مكان ما تحبوا بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

مواصفات موبايلات المقارنة

مواصفات Honor 10 Lite

  • تاريخ إصدار الموبايل: نوفمبر ٢٠١٨
  • تاريخ طرح الموبايل في الأسواق: نوفمبر ٢٠١٨
  • أبعاد الموبايل: ٨ × ٧٣٫٦ × ١٥٤.٨ مم
  • وزن الموبايل: ١٦٢ جرام
  • شرايح الاتصال: شريحتين.
  • شاشة الموبايل: موبايل Honor 10 Lite بييجي بشاشة كاملة بشق قطرة المياه الصغير ومعدلها ١٩:٥:٩ وبتشغل حوالي ٨٣٫١ في الميه من مساحة الموبايل الأمامية وقطرها ٦.٢١ بوصة، دقة الشاشة ٢٣٤٠ × ١٠٨٠ بيكسل وكثافتها ٤١٥ بيكسل لكل بوصة والشاشة مصنوعة من شرائح IPS LCD 
  • الإمكانيات الداخلية: الموبايل بيعتمد على HiSilicon Kirin 710 وده بروسيسور ثماني النواة سرعته ٢.٢ جيجا هيرتز لأربع شرائح Cortex-A73 وبسرعة ١٫٧ جيجا هيرتز لأربع شرائح Cortex-A53 ومدمج فيه بروسيسور جرافيكس Mali-G51 MP4 ، الموبايل بيصدر بإصدارين بذاكرة عشوائية سعتها ٣/٤ جيجابايت رام وذاكرتها الداخلية  ٦٤ جيجابايت، وبيصدر بإصدارين تانيين برامات ٦ جيجابايت رام بذاكرة داخلية سعتها ٦٤ أو ١٢٨ جيجابايت، والموبايل بيقبل كروت الميموري لحد ٥١٢ جيجابايت
  • نظام التشغيل: الموبايل بيشتغل بنظام تشغيل أندرويد ٩ باي
  • واجهة المستخدم: EMUI 9.0
  • الكاميرا الخلفية: الكاميرا الخلفية مزدوجة قوتها ١٣ ميجا بيكسل بفتحة مستشعر f/1.8 للعدسة الأولى المدعومة بتقنية التركيز التلقائي PDAF وبقوة ٢ ميجا بيكسل للعدسة التانية الخاصة باستشعار عمق الصورة والكاميرا مدعومة بتقنية HDR ومدعومة بإضاءة فلاش ليد فردي وبتقدر تصوير الفيديو بجودة 1080p بمعدلات ٣٠/٦٠ إطار في الثانية
  • الكاميرا الأمامية: أما الكاميرا الأمامية لموبايل Honor 10 Lite فقوتها ٢٤ ميجا بيكسل بفتحة مستشعر f/2.0 والكاميرا مدعومة بتقنية HDR وبتقدر تصور فيديو بجودة 1080p بمعدل ٣٠ إطار في الثانية
  • منفذ ٣٫٥ مم: متوفر
  • منفذ يو إس بي: microUSB
  • ماسح البصمة: خلفي
  • مستشعرات الموبايل: التقارب والتسارع والبوصلة
  • البطارية: نوعها ليثيوم أيون غير قابلة للإزالة وسعتها ٣٤٠٠ مللي أمبير في الساعة

شوف  موبايل Honor 10 Lite من هنا.

مواصفات Oppo A7

  • تاريخ إصدار الموبايل: نوفمبر ٢٠١٨
  • تاريخ طرح الموبايل في الأسواق: نوفمبر ٢٠١٨
  • أبعاد الموبايل: ٨.١ × ٧٥٫٤ × ١٥٥.٩ مم
  • وزن الموبايل: ١٦٨ جرام
  • شرايح الاتصال: شريحتين.
  • شاشة الموبايل: موبايل Oppo A7 بييجي بشاشة كاملة بشق قطرة المياه الصغير ومعدلها ١٩:٩ وبتشغل حوالي ٨١٫٦ في الميه من مساحة الموبايل الأمامية وقطرها ٦.٢ بوصة، دقة الشاشة ١٥٢٠ × ٧٢٠ بيكسل وكثافتها ٢٧١ بيكسل لكل بوصة والشاشة مصنوعة من شرائح IPS LCD ومحمية بزجاج كورنينج جوريلا الإصدار التالت
  • الإمكانيات الداخلية: الموبايل بيعتمد على بروسيسور كوالكوم سنابدراجون ٤٥٠ وده بروسيسور ثماني النواة سرعته ١٫٨ جيجا هيرتز لشرائح Cortex-A53 ومدمج فيه بروسيسور جرافيكس Adreno 506، الموبايل بيصدر بإصدارات بتتنوع بين رامات سعتها ٣ جيجابايت رام و٤ جيجابايت رام وذاكرة داخلية سعتها إما ٣٢ جيجابايت أو ٦٤ جيجابايت، والموبايل بيقبل كروت الميموري لحد ٢٥٦ جيجابايت
  • نظام التشغيل: الموبايل بيشتغل بنظام تشغيل أندرويد ٨٫١ أوريو
  • واجهة المستخدم: Color OS 5.2
  • الكاميرا الخلفية: الكاميرا الخلفية مزدوجة قوتها ١٣ ميجا بيكسل بفتحة مستشعر f/2.2 للعدسة الأولى وبقوة ٢ ميجا بيكسل بفتحة مستشعر f/2.4 للعدسة التانية الخاصة باستشعار عمق الصورة والكاميرا مدعومة بتقنية HDR ومدعومة بإضاءة فلاش ليد فردي وبتقدر تصوير الفيديو بجودة 1080p بمعدل ٣٠ إطار في الثانية
  • الكاميرا الأمامية: أما الكاميرا الأمامية لموبايل Oppo A7 فقوتها ١٦ ميجا بيكسل بفتحة مستشعر f/2.0 والكاميرا مدعومة بتقنية HDR وبتقدر تصور فيديو بجودة 1080p بمعدل ٣٠ إطار في الثانية
  • منفذ ٣٫٥ مم: متوفر
  • منفذ يو إس بي: microUSB
  • ماسح البصمة: خلفي
  • مستشعرات الموبايل: التقارب والتسارع والبوصلة
  • البطارية: نوعها ليثيوم أيون غير قابلة للإزالة وسعتها ٤٢٣٠ مللي أمبير في الساعة

شوف موبايل Oppo A7 من هنا.

مواصفات Xiaomi Redmi Note 6 Pro

  • تاريخ إصدار الموبايل: سبتمبر ٢٠١٨
  • تاريخ طرح الموبايل في الأسواق: أكتوبر ٢٠١٨
  • أبعاد الموبايل: ٨.٣ × ٧٦٫٤ × ١٥٧.٩ مم
  • وزن الموبايل: ١٨٢ جرام
  • شرايح الاتصال: شريحتين
  • شاشة الموبايل: موبايل Xiaomi Redmi Note 6 Pro بييجي بشاشة كاملة بشق كبير ومعدلها ١٩:٩ وبتشغل حوالي ٨١٫١ في الميه من مساحة الموبايل الأمامية وقطرها ٦.٢٦ بوصة، دقة الشاشة ٢٢٨٠ × ١٠٨٠ بيكسل وكثافتها ٤٠٣ بيكسل لكل بوصة والشاشة مصنوعة من شرائح IPS LCD والشاشة محمية بزجاج كورنينج جوريلا غير محدد الإصدار
  • الإمكانيات الداخلية: الموبايل بيعتمد على بروسيسور كوالكوم سنابدراجون ٦٣٦ وده بروسيسور ثماني النواة سرعته ١٫٨ جيجا هيرتز لأربع شرائح Kryo 260 ومدمج فيه بروسيسور جرافيكس Adreno 509 الموبايل بيصدر بإصدار بذاكرة عشوائية سعتها ٣ جيجابايت رام وذاكرتها الداخلية  ٣٢ جيجابايت، وبيصدر بإصدارين تانيين برامات ٤ أو ٦ جيجابايت رام بذاكرة داخلية سعتها ٦٤ جيجابايت، والموبايل بيقبل كروت الميموري لحد ٢٥٦ جيجابايت
  • نظام التشغيل: الموبايل بيشتغل بنظام تشغيل أندرويد ٨٫١ أوريو
  • واجهة المستخدم: MIUI 9
  • الكاميرا الخلفية: الكاميرا الخلفية مزدوجة قوتها ١٢ ميجا بيكسل بفتحة مستشعر f/1.9 للعدسة الأولى المدعومة بتقنية التركيز التلقائي dual pixel PDAF وبقوة ٥ ميجا بيكسل بفتحة مستشعر f/2.2 للعدسة التانية الخاصة باستشعار عمق الصورة والكاميرا مدعومة بتقنية HDR ومدعومة بإضاءة فلاش ليد مزدوجة وبتقدر تصور الفيديو بجودة 1080p بمعدل ٣٠ إطار في الثانية
  • الكاميرا الأمامية: أما الكاميرا الأمامية لموبايل Xiaomi Redmi Note 6 Pro فمزدوجة هي كمان وقوتها ٢٠ ميجا بيكسل بفتحة مستشعر f/2.0 للعدسة الأولي وبقوة ٢ ميجا بيكسل بفتحة مستشعر f/2.2 للعدسة التانية الخاصة باستشعار عمق الصورة والكاميرا مدعومة بتقنية HDR وبتقدر تصور فيديو بجودة 1080p بمعدل ٣٠ إطار في الثانية
  • منفذ ٣٫٥ مم: متوفر
  • منفذ يو إس بي: microUSB
  • ماسح البصمة: خلفي
  • مستشعرات الموبايل: التقارب والتسارع والبوصلة والدوران
  • البطارية: نوعها ليثيوم أيون غير قابلة للإزالة وسعتها ٤٠٠٠ مللي أمبير في الساعة

شوف موبايل Xiaomi Redmi Note 6 Pro من هنا.

بعد ما اتعرفنا على مواصفات الموبايلات التلاتة هنقدر من خلال المواصفات دي نقارن بين بينهم، وهنلاقي إن التلاتة مش بيختلفوا من حيث التصميم كتير مع تأخر موبايل Xiaomi Redmi Note 6 Pro في حالة لو ماكنتش من اللي بيشجعوا الشق الكبير أعلى الشاشة، أما على مستوى الشاشة فهنلاقي إن موبايل Xiaomi وموبايل Honor 10 Lite هما الأحسن ومن غير اختلافات كبيرة بينهم، في الوقت اللي بيتفوق فيه شويه موبايل Xiaomi على مستوى البروسيسور بس موبايل Honor 10 Lite بيتفوق على مستوى إن فيه إصدار منه برامات ٦ جيجابايت رام.

بالنسبة للكاميرا فالموبايلات التلاتة مش بيختلفوا عن بعض كتير على مستوى الكاميرا الخلفية، بس بالنسبة للكاميرا الأمامية فالمنافسة بين موبايل Xiaomi وموبايل Honor وإن كان الأولاني بيتفوق على مستوى إن الكاميرا مزدوجة فالتاني بيتفوق على مستوى إن الكاميرا قوية جدًا ومن بين أفضل كاميرات السيلفي.

أما على مستوى البطارية فموبايل Oppo A7 هو المتفوق بالسعة الأعلى وبييجي موبايل Honor 10 Lite في المرتبة الأخيرة.

يبقالك انت دلوقتي الاختيار بعد ما عملنا اللي علينا وحاولنا نقارن بين الموبايلات التلاتة اللي بيعتبروا من أفضل موبايلات فئتهم السعرية.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *