كتبت: أمنية عزمي

ترومان من أنواع التكييفات اللي ناس كتير بتشكر فيها رغم إنها بقالها فترة قصيرة في السوق، بالإضافة إن سعرها منافس ومزاياها كتير، بتوفر في استهلاك الكهرباء ودي من أهم المزايا للجميع، وبتنقي الهواء وتوفر جو صحي آمن والميزة دي للناس اللي بتدور على النقاء بشكل خاص مش مجرد التبريد لأنه بيفلتر الهواء من الأتربة والفيروسات وريحة الدخان والأبخرة، بالإضافة لوظيفة التشغيل الصحي الآمن أثناء النوم، وكمان صوته هادي.

هنوصف بشكل مفصل مع ياقوطة أهم مواصفات ومميزات وعيوب تكييف Truman سبليت بارد فقط بلازما ديجيتال- 1.5 حصان وهنتعرف كمان على رأي المستخدم فيه وخدمة ما بعد البيع، ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• الموديل: Truman 12 Cool
• الكود التعريفي للمنتج: TR301HL02LQ5QNAFAMZ
• اللون: أبيض.
• بلد المنشأ: مصر.
• فترة الضمان: خمس سنوات.
• القدرة بالحصان: 1.5 حصان.
• نظام التبريد: بارد فقط.

المميزات

• قدرته 1.5 حصان يعني بيغطي مساحة من 8 ل 15 متر مربع بكفاءة عالية ومصمم بشكل ذكي لتوزيع الهواء في جميع أنحاء الغرفة.
• بارد فقط، ودا بيكون موفر في السعر أكتر وبيوفر الجو المناسب طول فترة الحر والحرارة العالية.
• مزود بتقنية البلازما اللي بتنقي الهواء من الميكروبات والفيروسات والروائح الكريهة وتمنحك هواء صحي نقي.
• يعمل بخاصية الآيونيزر بتعمل على تطهير الهواء من ذرات التراب والروائح الغير مرغوب فيها وبيوفر راحة في المكان بشكل صحي محسوس.
• بيوفر في استهلاك الكهرباء ودي ميزة مهمة خاصة في الاستخدام المتواصل والأسعار المرتفعة للكهرباء.
• مزود بخاصية التشغيل المثالي أثناء النوم، بيظبط درجة الحرارة المناسبة للنوم وبيزود نصف درجة كل ساعة علشان يناسب درجة حرارة الجسم وفي نفس الوقت بيوفر في الكهرباء وبتقدر تحصل معاه على نوم هادئ بدون صوت.
• مزود بشاشة ديجيتال بيظهر عليها درجة الحرارة بشكل كبير واضح في واجهة التكييف بتكون منورة ليد وبتدي شكل أنيق.
• مزود بتايمر، توقيت 24 ساعة للبرمجة يتحكم في وحدة التشغيل، تقدر من خلاله تتحكم في برنامج تشغيل التكييف لمدة 24 ساعة متواصل.
• مزود بمرواح وريش لتوزيع الهواء في كل الاتجاهات أعلى وأسفل ويمين ويسار.
• معالج بدهانات ضد الصدأ والتآكل علشان يتحمل الرطوبة والعوامل الجوية.
• مميز بالهدوء، صوته هادي وملوش ضجيج.
• سهل التركيب وسهل في صيانته علشان لما تيجي تنضف الفلاتر كل فترة.
• مزود بريموت للتحكم عن بعد.
• عليه ضمان 5 سنوات.

عيوبه

• غير مزود بخاصية إعادة التشغيل التلقائي.
• غير مزود بتقنية التنظيف الذاتي ودي مهمة لإنها بتمنع تكون الفطريات والبكتريا داخل جهاز التكييف.
• غير مزود بخاصية التشخيص التلقائي للأعطال.
• غير مزود بخاصية تربو اللي بتعمل على تبريد الحرارة في أقل وقت.

خدمة ما بعد البيع

• رقم الصيانة 15709- 01211115709
• بيوفروا الصيانة في جميع المحافظات، الضمان لمدة 5 سنوات والسعر شامل التركيب.

تجربة المستخدم

•  اللي استخدمه بيشكر فيه وبيقول إن تبريده ممتاز وأثبت نفسه وإن الكباس GMCC نفس النوع اللي بيستخدم في تكييفات كارير، لكن بياخد وقت علشان يبرد المكان لانه مش تربوا والفلاتر بتحتاج تتنضف كل فترة علشان تحافظ على كفاءة التكييف.

شوف تكييف Truman سبليت بارد فقط بلازما ديجيتال- 1.5 حصان من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

أمنية عزمي، بكتب من سنتين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.