كتب: خالد عاصم

من أحدث الموبايلات اللي نزلت السوق المصري من Xiaomi خلال الفترة اللي فاتت، موبايل Redmi note 11 اللي بيقدم إضافة متميزة للموبايلات المتوسطة في السوق المصري، وقدر يحقق مبيعات كويسة جدًا خلال الفترة اللي فاتت، بس هل يا ترى الموبايل يستحق فعلًا؟ ده اللي هنعرفه النهاردة في المقال ده.

وما تنسوش إن لو الموبايل عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Redmi Note 11

المواصفات

• أبعاد الموبايل: ٨٫١ × ٧٣٫٩ × ١٥٩٫٩ مم بوزن ١٧٩ جرام
• حماية الموبايل: حماية ضد الغبار ورش المياه طبقًا لمعيار IP53
• الشاشة: شاشة AMOLED بتصميم الثقب أعلى المنتصف قطرها ٦٫٤٣ بوصة بمعدل ٢٠:٩ بتستحوذ على نسبة تبلغ حوالي ٨٤٫٥ في الميه من المساحة الأمامية للهاتف، والشاشة بدقة عرض ٢٤٠٠ × ١٠٨٠ بيكسل بكثافة ٤٠٩ بيكسل لكل بوصة وبتدعم معدل تحديث ٩٠ هيرتز ومحمية بطبقة من زجاج كورنينج جوريلا جلاس الإصدار التالت
• الأداء: بيعتمد الموبايل على معالج كوالكوم سنابدراجون ٦٨٠ 4G بمعمارية ٦ نانوميتر المكون من تمن شرايح ومدمج فيه معالج رسوميات Adreno 610 والموبايل بيصدر عالميًا بإصدارات ٤ /٦٤ جيجابايت و ٦/٦٤ جيجابايت و ٤/١٢٨ جيجابايت و ٦/١٢٨ جيجابايت وبيقبل الموبايل كروت الميموري من خلال منفذ مستقل
• نظام التشغيل: نظام تشغيل اندرويد ١١ بواجهة مستخدم MIUI 13
• الكاميرا الخلفية: كاميرا خلفية رباعية العدسات مكونة من عدسة رئيسية بدقة ٦٤ ميجا بيكسل بفتحة f/1.8 مدعومة بتقنية التركيز التلقائي PDAF ومن عدسة بالغة العرض بدقة ٨ ميجا بيكسل بفتحة f/2.2 بزاوية رؤية 118 درجة ومن عدستين ماكرو وبورتريه بدقة ٢ ميجا بيكسل بفتحة f/2.4 وبتدعم الكاميرا تصوير الفيديو بجودة 1080p بمعدل ٣٠ إطار في الثانية
• الكاميرا الأمامية: بدقة ١٣ ميجا بيكسل بفتحة f/2.4 بتدعم تصوير الفيديو بجودة 1080p بمعدل ٣٠ إطار في الثانية
• الصوتيات: سماعات ستريو – دعم دقة صوت ٢٤ بت/١٩٢ كيلو هيرتز
• تقنيات لاسلكية: واي-فاي – بلوتوث ٥٫٠ – NFC – مرسل الأشعة تحت الحمراء
• المنافذ: ٣٫٥ مم – USB Type-C
• المستشعرات: ماسح بصمة جانبي – التسارع – التقارب – الدوران – البوصلة
• البطارية: سعة ٥٠٠٠ ميللي أمبير في الساعة مدعومة بتقنية الشحن السريع بقوة ٣٣ وات

مزايا وعيوب هاتف Redmi Note 11

مزايا هاتف Redmi Note 11

• أبعاد مقبولة جدًا بفضل إن الموبايل قطره مش كبير وده بيخلي أبعاده مريحة في الاستخدام حتى على مستوى الوزن
• الموبايل بيتميز بحماية ضد الغبار ورش المياه
• شاشة AMOLED ممتازة بإمكانيات كتير زي دعم الدقة العالية ودعمها لمعدل تحديث ٩٠ هيرتز وتصميم الشاشة عصري وجذاب
• شاشة الموبايل محمية بطبقة من زجاج كورنينج جوريلا جلاس
• بيعتمد الموبايل على معالج جديد ممكن مايكونش المعالج الأفضل بس هو من أفضل المعالجات في الفئة السعرية دي
• إصدارات متنوعة بتوفر خيارات واسعة للمستخدمين
• الموبايل بيقبل كروت الميموري من خلال منفذ مستقل مش بيأثر على استخدام شريحتي الاتصال
• نظام تشغيل اندرويد ١١ بواجهة مستخدم MIUI 13 والموبايل هيقبل التحديث للنظام الأحدث اندرويد ١٢
• كاميرا خلفية ممتازة في الفئة السعرية دي وبتتميز بإمكانيات كويسة جدًا
• كاميرا أمامية مقبولة
• صوتيات رائعة بفضل سماعات الستريو ودعم دقة الصوت العالية
• الموبايل بيدعم تقنيات كتير زي NFC ومرسل الأشعة تحت الحمراء
• بطارية قوية جدًا وبتدعم تقنية الشحن السريع القادرة على شحن البطارية من صفر لحد مية في الميه في ٦٠ دقيقة بس

عيوب موبايل Redmi Note 11

• الموبايل بيعتمد على هيكل من البلاستيك
• طبقة الحماية اللي على الشاشة من نوع قديم من أنواع زجاج كورنينج جوريلا
• الكاميرا الخلفية جيدة بس إمكانياتها في تصوير الفيديو مش الأفضل
• الموبايل بيدعم تقنية بلوتوث 5.0 بس اللي تعتبر إصدار قديم شوية

اتعرف على عروض أسعار موبايل Redmi Note 11 من هنا.

اتعرف على عروض أسعار مختلف موبايلات Xiaomi المتوفرة على ياقوطة من هنا.

اتعرف على عروض أسعار مختلف الموبايلات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.