كتب: خالد عاصم

كل سنة بتظهر صيحة جديدة في عالم الموبايلات، وكانت الصيحة من السنة اللي فاتت هي سعي الشركات لتطوير موبايلات بشاشات كاملة بأقل حواف ممكنة حوالين الشاشة، وده اللي وصلنا في الآخر لتصميم جديد جدًا ظهر بيه موبايل Oppo Find X اللي دمج الكاميرا الأمامية جوا إطار الموبايل وده خلاه يقدر يوصل لأقصى درجة ممكنة من الحافة العلوية للهاتف، وبكده قدر Oppo Find X يحقق اللي موبايلات كتير بتسعى لتحقيقه وعشان كده عدد كتير جدًا من الشركات اتبعت نفس التصميم ده في موبايلاتها.

النهارده من خلال المقال ده هنتكلم بشكل خاص عن موبايل Oppo Find X وهنتعرف من خلال المقال على مواصفات الموبايل وكمان هنتعرف على مميزات وعيوبه وسعره في الأسواق المصرية. وماتنسوش لو عجبكم الموبايل تقدروا تطلبوه من خلالنا في ياقوطة وهيوصلكم لحد باب البيت أو مكان ما تحبوا بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Oppo Find X

 المواصفات

• أبعاد الموبايل: ٩.٤ × ٧٤٫٢ × ١٥٦٫٧ مم.
• وزن الموبايل: ١٨٦ جرام.
• البناء والصناعة: هيكل من الألومنيوم بزجاج من الأمام والخلف
• شرايح الاتصال: شريحتين.
• شاشة الموبايل: موبايل Oppo Find X بييجي بشاشة كاملة، قطر شاشة الموبايل ٦٫٤٢ بوصة بمعدل ١٩:٥:٩ وده بيخليها تشغل حوالي ٨٧٫٠ % من مساحة واجهة الموبايل، دقة الشاشة ٢٣٤٠ × ١٠٨٠ بيكسل وكثافتها ٤٠١ بيكسل لكل بوصة والشاشة مصنوعة من شرائح AMOLED ومحمية بزجاج كورنينج جوريلا الإصدار الخامس.
• الإمكانيات الداخلية: الموبايل بيعتمد على بروسيسور كوالكوم سنابدراجون ٨٤٥ وده بروسيسور ثماني النواة سرعته ٢٫٨ جيجا هيرتز لأربع شرايح Kryo 385 Gold وبسرعة ١٫٧ جيجا هيرتز لأربع شرايح Kryo 385 Silver ومدمج فيه بروسيسور جرافيكس Adreno 630، الموبايل بيصدر بإصدار بذاكرة عشوائية سعتها ٨ جيجابايت رام وذاكرتها الداخلية  ٢٥٦ جيجابايت، والموبايل مش بيقبل كروت الميموري.
• نظام التشغيل: الموبايل بيشتغل بنظام تشغيل أندرويد ٨٫١ أوريو بواجهة مستخدم ColorOS 5.1
• الكاميرا الخلفية: الكاميرا الخلفية مدمجة في هيكل الموبايل ومزدوجة ودقة العدسة الأولى ١٦ ميجا بيكسل وقوة العدسة التانية ٢٠ ميجا بيكسل والكاميرا الخلفية مدعومة بمثبت صورة بصري وبتقنية التركيز التلقائي PDAF وكمان بتقدر تصور الفيديو بأكتر من جودة وأكتر من معدل ومدعومة بإضاءة فلاش ليد فردي.
• الكاميرا الأمامية: أما الكاميرا الأمامية لموبايل Oppo Find X فهي كمان مدمجة في هيكل الموبايل وقوة العدسة ٢٥ ميجا بيكسل بفتحة مستشعر f/2.0 مدعومة بتقنية HDR وبتصور بجودة فيديو 1080p بمعدل ٣٠ إطار في الثانية.
• منفذ ٣٫٥ مم: الموبايل مش بيقبل توصيل السماعات عن طريق منفذ ٣٫٥ مم.
• منفذ يو إس بي: نوعه USB Type-C
• ماسح البصمة: مش متوفر.
• مستشعرات الموبايل: التقارب والدوران والبوصلة والتسارع وكمان مستشعر مسح وجه المستخدم Face ID
• البطارية: نوعها ليثيوم أيون وهي بطارية غير قابلة للإزالة سعتها ٣٧٣٠ مللي أمبير في الساعة مدعومة بتقنية الحن السريع المتميزة VOOC

مميزات وعيوب Oppo Find X

مميزات Oppo Find X

• تصميم جديد تماما على عالم الموبايلات بيخلي موبايل Oppo Find X متميز ورائد في فئته.
• الشاشة بتوصل لمعدلات ممتازة من احتلالها لمساحة الموبايل الأمامية.
• الموبايل قوي معمول من هيكل من الألومنيوم ومحمي بزجاج مقوى من الجهتين الأمامية والخلفية.
• مساحة رؤية الموبايل ممتازة جدًا. وكمان فكرة إن مفيش شق في شاشة الموبايل بيخليه أكتر من ممتاز في الفرجة على الأفلام وممارسة ألعاب الفيديو.
• الشاشة مصنوعة من شرائح AMOLED.
• الشاشة محمية بزجاج كورنينج جوريلا الإصدار الخامس.
• بيعتمد Oppo Find X على المعالج الأقوى كوالكوم سنابدراجون ٨٤٥ ثماني النواة.
• رامات الموبايل عالية جدا وسعتها ٨ جيجابايت رام.
• إصدارات الموبايل على مستوى الذاكرة الداخلية ممتازة ٢٥٦ جيجابايت.
• كاميرا الموبايل الخلفية قوية جدًا.
• الكاميرا الأمامية للموبايل ممتازة.
• الموبايل بيدعم تقنية مسح وجه المستخدم.
• موبايل Oppo Find X بيشغل تطبيقات وألعاب الواقع الافتراضي بسهولة.
• الموبايل بيعتمد على منفذ USB Type-C.
• بطارية الموبايل قوية وكمان بتدعم تقنية الشحن السريع الممتازة VOOC.

عيوب Oppo Find X

• الموبايل مش محمي ضد الغبار والغمر في المياه وده بسبب صعوبة إحكام المساحات الصغيرة اللي موجودة في هيكل الموبايل بسبب الكاميرا المدمجة فيه.
• شاشة الموبايل مش بتدعم أي تقنيات استثنائية.
• دقة شاشة الموبايل أقل من 1440p اللي هي الجودة الأعلى لشاشات الموبايلات الرائدة.
• الموبايل مش بيقبل كروت الذاكرة الخارجية.
• الموبايل مفيهوش منفذ ٣.٥ مم يعني مابيقبلش توصيل السماعات السلكية بشكل مباشر ومن غير محوّل.
• الموبايل مفيهوش ماسح بصمة وبيعتمد على مسح وجه المستخدم بس وكان الأفضل يكون فيه أكتر من طريقة للتأمين.
• سعر الموبايل مرتفع شوية بالنسبة لموبايلات Oppo المعتادة.

شوف أحسن عروض موبايل Oppo Find X من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.