كتب: خالد عاصم

من بين الشركات الصينية الموجودة في الأسواق العالمية والمصرية قدرت شركة Oppo إنها تثبت نفسه وتبني قاعدة شعبية واسعة وكبيرة مبنية على الثقة النابعة في الأساس من قدرة الشركة على تقديم موبايلات ممتازة من حيث الإمكانيات وبسعر مقبول جدًا خصوصًا على مستوى موبايلات الفئة فوق المتوسطة ومنها موبايل Oppo F9 اللي نزل السوق المصري قريب وبيتمتع بإمكانيات رائعة جدًا هنتكلم عنها النهارده.

فمن خلال مقال النهارده هنتعرف على مواصفات موبايل Oppo F9 وهنعرف كمان مميزاته وعيوبه بعد ما نتكلم عن إمكانياته وأكيد هنتعرف على سعره في السوق المصري. وماتنسوش لو موبايل Oppo F9 عجبكم وعايزين تشتروه، تقدروا من خلالنا في ياقوطة تعرفوا أحسن أسعاره وتقرنوا بينها وتقدروا كمان تطلبوه من على الموقع ويوصلكم لحد البيت أو لأي مكان تحبوه في أسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Oppo F9

مواصفات Oppo F9

• تاريخ الإعلان عن الموبايل: أغسطس ٢٠١٨.
• تاريخ طرح الهاتف في السوق: أغسطس ٢٠١٨.
• أبعاد الموبايل: ٨ × ٧٤ × ١٥٦٫٧ مم.
• وزن الموبايل: ١٦٩ جرام.
• شاشة الموبايل: شاشة الموبايل كاملة بشق صغير جدًا وقطرها ٦٫٣ بوصة ومعدلها ١٩:٥:٩ وده بيخليها تشغل حوالي ٨٤٫٠ ٪ من مساحة الموبايل الأمامية. والشاشة بتقدم دقة عرض ٢٣٤٠ × ١٠٨٠ بيكسل بكثافة ٤٠٩ بيكسل لكل بوصة والشاشة مصنوعة من شرائح IPS LCD ومحمية بزجاج كورنينج جوريلا جلاس الإصدار السادس واللي بيتعبر أحدث الإصدارات.
• أداء الموبايل: موبايل Oppo F9 بيتميز بمعالج MediaTek Helio P60 ثماني النواة وسرعته 2.0 جيجا هيرتز لأربع شرائح من Cortex-A73 وبسرعة 2.0 جيجا هيرتز لأربع شرائح من Cortex-A53 والمعالج مدمج بمعالج جرافيكس Mali-G72 MP3. والموبايل بيصدر بإصدارين بذاكرة داخلية ٦٤ جيجابايت وبيختلفوا على مستوى الذاكرة العشوائية اللي سعتها ٤ جيجابايت رام أو ٦ جيجابايت رام وممكن زيادة مساحة الموبايل التخزينية بكروت الذاكرة الخارجية لحد ٢٥٦ جيجابايت.
• نظام التشغيل: الموبايل بيشتغل بنظام تشغيل أندرويد 8.1 أوريو عليها واجهة مستخدم ColorOS 5.2.
• الكاميرا: الموبايل الكاميرا الخلفية بتاعته مزدوجة بقوة ١٦ ميجا بيكسل وفتحة مستشعر f/1.8 للعدسة الأولانية وبقوة ٢ ميجا بيكسل وفتحة مستشعر f/2.4 للعدسة الثانية، أما الكاميرا الأمامية فقوتها ٢٥ ميجا بيكسل بفتحة مستشعر f/2.0.
• البطارية: بطارية الموبايل سعتها ٣٥٠٠ مللي أمبير في الساعة وبتدعم الشحن السريع بالتقنية الجديدة VOOC Flash

مميزات Oppo F9

• برغم أن الموبايل شاشته كبيرة فأبعاده مش ضخمة يعني ممكن استخدامه بإيد واحدة في بعض الحالات بسهولة وكمان وزنه خفيف إلى حد كبير.
• شاشة موبايل Oppo F9 ممتازة على مستوى الحجم والدقة والمعدل فالشاشة كبيرة ومساحتها الرؤية فيها ممتازة ومعدل الشاشة بيخليها مثالية للفرجة على الأفلام ولعب ألعاب الفيديو أما الدقة فمتميزة جدًا بالنسبة لموبايل بالسعر ده بس ده مايمنعش وجود عيب في الشاشة هنتكلم عنه بعدين.
• الموبايل بيعتمد على تصميم الشق أعلى الشاشة الصغير اللي يادوب بيشمل الكاميرا الأمامية وبيتميز عن الشق الكبير الموجود في الموبايلات التانية.
• الشاشة محمية بأحدث أنواع زجاج كورنينج جوريلا جلاس وده أقوى من الإصدار الخامس اللي مستخدم في موبايلات الموبايلات العالية المتوفرة في السوق دلوقتي.
• بروسيسور الموبايل من أحدث وأقوى بروسيسورات الفئة المتوسطة وبيتميز بقوة وسرعة وثبات ممتازين وكمان بيتمتع بإمكانيات الذكاء الاصطناعي المتميزة.
• إصدار الموبايل بذاكرة عشوائية ٦ جيجابايت سريع جدًا ومحقق نتائج ممتازة في مختلف الاختبارات.
• كل إصدارات الموبايل بتقبل كروت الذاكرة الخارجية.
• الكاميرا الخلفية لموبايل Oppo F9 مزدوجة عدستها الرئيسية قوية جدًا والعدسة التانية مهمتها تصوير صور بتأثير بورتريه وكمان بتتمتع بتقنيات الذكاء الاصطناعي.
• الكاميرا الأمامية للموبايل قوية جدًا.
• الموبايل بيدعم منفذ 3.5 مم يعني ممكن يتوصل بيه سماعات خارجية سواء سماعات رأس أو سماعات كبيرة.
• الموبايل فيه ماسح بصمة قوي ودقيق.
• الموبايل فيه مستشعر الدوران يعني ممكن يشغل تطبيقات وألعاب الواقع الافتراضي المختلفة.
• بطارية الموبايل بتبقبل الشحن السريع بأحدث التقنيات واسمها VOOC Flash

عيوب Oppo F9

• المواد المصنوع منها الموبايل مش قوية قوي.
• شاشة الموبايل مصنوعة من شرائح IPS LCD ودي أقل من شرائح OLED خصوصًا عند استخدام الموبايل في ضوء الشمس المباشر.
• الذاكرة الداخلية للموبايل محدودة بمساحة ٦٤ جيجابايت ومفيش اختيارات تانية.
• جودة تصوير فيديو الكاميرا الخلفية محدود.
• إضاءة فلاش ليد الكاميرا الخلفية فردية وكان من الأفضل تكون. مزدوجة.
• الكاميرا الأمامية للموبايل مفيهاش فلاش ليد.
• الموبايل مفيهوش أي سبل حماية غير ماسح البصمة
• الموبايل بيعتمد على منفذ microUSB للشحن ونقل البيانات وده منفذ مش جديد وأقل سرعة من USB Type-C
• بطارية الموبايل مش عظيمة بس يمكن الشحن السريع يعوض ضعفها شوية.

شوف موبايل Oppo F9 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من 2007 ومن سنة 2013 تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من 1000 تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة 1999 وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.