كتب: خالد عاصم

شركة Oppo من بين الشركات المعروفة بتميزها على مستوى الموبايلات المتوسطة بمختلف فئاتها، ولكنها مش بتتمتع بالسمعة نفسها على مستوى الفئة الاقتصادية وخصوصًا إن موبايلاتها المنتمية للفئة دي قليلة بشكل واضح عن الشركات المنافسة المختلفة، ومن بين موبايلات Oppo الاقتصادية دي اخترنا موبايل Oppo A1k عشان نتكلم عنه النهارده ونتعرف على مواصفاته وكمان نتعرف على مميزاته وعيوبه ومتوسطة سعره في السوق المصري، ولو عجبكم الموبايل هتقدروا تطلبوه من خلالنا في ياقوطة وهيوصلكم لحد باب البيت أو مكان ما تحبوا بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Oppo A1k

مواصفات Oppo A1k

• تاريخ الإعلان عن الموبايل: إبريل ٢٠١٩.
• تاريخ إصدار الموبايل: مايو ٢٠١٩.
• أبعاد الموبايل: ٨.٤ × ٧٣.٨ × ١٥٤.٥ مم.
• وزن الموبايل: ١٧٠ جرام.
• صناعة الموبايل: الموبايل معمول من هيكل وظهر من البلاستيك.
• شرائح الموبايل: شريحتين.
• شاشة الموبايل: موبايل Oppo A1K بييجي بشاشة قطرها ٦.١ بوصة معمولة من شرائح  ISP LCDومعدل الشاشة ١٩.٥:٩ بدقة شاشة ١٥٦٠ × ٧٢٠ بيكسل بكثافة ٢٨٢ بيكسل لكل بوصة والشاشة بتشغل حوالي ٨٠.١ % من مساحة الموبايل الأمامية والشاشة محمية بزجاج كورنينج جوريلا جلاس الإصدار الثالث.
• أداء الموبايل: الموبايل بيعتمد على البروسيسور الاقتصادي MediaTek Helio P22 وده بروسيسور بمعمارية ١٢ نانوميتر ثماني النواة بسرعة ٢.٠ جيجا هيرتز للشرايح التمانية وفئتها Cortex-A53 والبروسيسور ده مدمج بيه بروسيسور جرافيكس PowerVR GE8320 وبييجي الموبايل بإصدار واحد بذاكرة عشوائية سعتها ٢ جيجابايت رام وبذاكرة داخلية سعتها ٣٢ جيجابايت وبيقبل الموبايل كروت الميموري لحد ٢٥٦ جيجابايت عن طريق منفذ مستقل.
• نظام التشغيل: نظام تشغيل أندرويد ٩ باي بواجهة مستخدم ColorOS 6.
• الكاميرا: موبايل Oppo A1K بييجي بكاميرا خلفية بعدسة واحدة بقوة ٨ ميجا بيكسل بفتحة مستشعر f/2.2 المدعومة بتقنية التركيز التلقائي العادية وكمان مدعومة بتقنية HDR وبتدعم تصوير الفيديو بجودة 1080p بمعدل ٣٠ إطار في الثانية، أما الكاميرا الأمامية فبقوة ٥ ميجا بيكسل بفتحة f/2.0 ومدعومة بتقنية HDR وبتدعم تصوير الفيديو بجودة 720P.
• المنافذ: منفذ ٣٫٥ مم – منفذ microUSB 2.0
• مستشعرات الموبايل: الموبايل فيه مستشعرات التقارب والتسارع والبوصلة
• البطارية: بيعتمد موبايل Oppo A1K على بطارية سعتها ٤٠٠٠ مللي أمبير في الساعة.
• الألوان المتاحة من الموبايل: الأسود – الأحمر.

مزايا وعيوب Oppo A1K

مزايا Oppo A1K

• الموبايل أبعاده من حيث العرض والطول معقولة جدًا وبتخلي استخدامه سهل.
• وزن الموبايل خفيف شوية بس مش بشكل يخليك تحس إنه ممكن يقع منك بسهولة.
• شاشة الموبايل قطرها ٦٫١ بوصة وده قطر مقبول جدًا خصوصًا في ظل شاشات الموبايلات اللي بقت كبيرة جدًا دلوقتي.
• شاشة الموبايل بتوفر مساحة رؤية ممتازة وده لاعتمادها على معدل ١٩.٥:٩ اللي بيتيح مساحة رؤية ممتازة جدًا خصوصًا في الفرجة على مقاطع الفيديو والقراية وتصفح الإنترنت.
• الشاشة محمية بزجاج كورنينج جوريلا جلاس الإصدار الثالث.
• موبايل Oppo A1K بيشتغل بنظام تشغيل اندرويد ٩ باي.
• المساحة الداخلية للموبايل كويسة جدًا بالنسبة للفئة السعرية وبالنسبة للرامات.
• الموبايل بيقبل كروت الميموري لحد ٢٥٦ جيجابايت ومن خلال منفذ مستقل مش بيأثر على استخدام شريحتين الاتصال.
• كاميرا الموبايل الخلفية بتدعم تصوير الفيديو عالي الجودة 1080p بمعدل ٣٠ إطار في الثانية.
• الموبايل فيه منفذ ٣٫٥ مم.
• الموبايل فيه راديو إف إم.
• بيدعم الموبايل خاصية USB OTG
• بطارية Oppo A1K ممتاز من حيث السعة اللي بتبلغ ٤٠٠٠ ميللي أمبير في الساعة.

عيوب Oppo A1K

• الموبايل معمول من البلاستيك.
• الحواف المحيطة بالشاشة عريضة شوية وخصوصًا الحافة السفلية.
• دقة عرض الشاشة ١٥٦٠ × ٧٢٠ بيكسل يعني جودة الشاشة 720P بس وإن كان معتاد بشكل كبير في الموبايلات الاقتصادية.
• الموبايل بيعتمد على معالج ضعيف نسبيًا خصوصًا بالمقارنة بالموبايلات اللي فرق السعر بينها وبينه مش كبير.
• الموبايل مش بيتوفر بإصدارات رام وميموري داخلي كتير.
• الكاميرا الخلفية أحادية بعدسة واحدة وكمان مستواها متواضع حتى مع المقارنة بالموبايلات المنافسة.
• الكاميرا الامامية لموبايل Oppo A1K هي كمان ضعيفة شوية.
• بيعتمد الموبايل على منفذ microUSB 2.0.
• البطارية مش بتدعم تقنية الشحن السريع.
• الموبايل مفيهوش ماسح بصمة.

شوف عروض أسعار موبايل Oppo A1k من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.