كتب: خالد عاصم

أغلب الموبايلات الرائدة السنة دي أسعارها بقت عالية جدًا لدرجة إنها وصلت لحد ٥٠ ألف جنيه في بعض الموديلات، بس تعرف إن فيه موبايلات متفرقش تقريبًا عن الموبايلات دي وسعرها ممكن يوصل لنص أسعار موبايلات ٢٠٢٣ الرائدة؟

من بين الموبيلات دي موبايل OnePlus 10 Pro 5G التي تم طرحه لسنة اللي فاتت واتمتع بإمكانيات أهلته إنه يكون من الأفضل في سنة ٢٠٢٢ ومش بس كده لا ده قادر حتى ينافس موبايلات السنة الحالية الرائدة، وفي المقال ده هنتعرف على أسباب التفوق ده من خلال مراجعتنا الكاملة لمواصفات الموبايل وتحديد مميزاته وعيوبه حتى مع مقارنته بالموبايلات الرائدة الأحدث.

ولو الموبايل عجبك وحبيت تشتريه فعلًا، هتقدر تطلبه من خلالنا في ياقوطة ودلوقتي مع شهري، تقدر تشتري أي موبايل أو تابلت بدون مقدم ولا فوائد ولغاية 36 شهر لدى شركائنا، واللي ممكن تعرفهم من أبليكيشن شهري.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل OnePlus 10 Pro 5G

المواصفات

• أبعاد الموبايل: سمك ٨.٦ مم × عرض ٧٣.٩ مم × طول ١٦٣ مم
• وزن الموبايل: ٢٠١ جرام
• البناء والصناعة: هيكل من الألومنيوم بزجاج كورنينج جوريلا جلاس الإصدار الخامس على الضهر وإصدار Victux على الشاشة
• حماية الموبايل: حماية ضد الغبار والغمر في المياه طبقًا لمعيار IP68
• الشاشة: شاشة LTPO Fluid2 AMLED بقطر ٦٫٧ بوصة بتصميم الثقب أعلى اليسار بمعدل ٢٠:٩ بتستحوذ على نسبة حوالي ٩٠.٠ في الميه من مساحة الموبايل الأمامية، وتبلغ دقة عرض الشاشة ٣٢١٦ × ١٤٤٠ بيكسل بكثافة ٥٢٥ بيكسل لكل بوصة وبتدعم الشاشة ١ بليون لون ومعدل تحديث ١٢٠ هيرتز وبتدعم تقنية HDR10 Plus
• الأداء: الموبايل بيعتمد على معالج كوالكوم Snapdragon 8 Gen 1 بمعمارية ٤ نانوميتر ثماني النواة المدمج فيه معالج رسوميات Adreno 730 والموبايل بيصدر عالميًا بإصدارات بذاكرة عشوائية سعتها ٨ أو ١٢ جيجابايت رام وبذاكرة داخلية من فئة UFS 3.1 سعة ١٢٨ جيجابايت أو ٢٥٦ جيجابايت أو ٥١٢ جيجابايت والموبايل مش بيقبل كروت الميموري
• نظام التشغيل: اندرويد ١٢ قابل للترقية لنظام تشغيل اندرويد ١٣ بواجهة مستخدم OxygenOS 13
• الكاميرا الخلفية: كاميرا خلفية ثلاثية العدسات بعدسة رئيسية بدقة ٤٨ ميجا بيكسل بفتحة f/1.8 مدعومة بتقنية التركيز التلقائي بأشعة الليزر وتقنية multi-directional PDAF ومدعومة بمثبت صورة بصري، أما العدسة التانية فعدسة تليفوتو مقربة بدقة ٨ ميجا بيكسل بفتحة f/2.4 بتقريب بصري 3.3x ومدعومة بمثبت صورة بصري وبتقنية التركيز التلقائي، أما العدسة التالتة فبالغة العرض بدقة ٥٠ ميجا بيكسل بفتحة f/2.2 مدعومة بتقنية التركيز التلقائي، والكاميرا بتدعم تصوير الفيديو لحد جودة 8K ومدعومة بتقنية Auto HDR وبمثبت الصورة الإلكتروني
• الكاميرا الأمامية: كاميرا أمامية بدقة ٣٢ ميجا بيكسل بفتحة f/2.2 بتدعم تصوير الفيديو بجودة 1080p بمعدل ٣٠ إطار في الثانية مدعومة بمثبت صورة إلكتروني
• تقنيات صوتية: سماعات ستريو – دعم دقة صوت ٢٤ بت/١٩٢ كيلو هيرتز
• التقنيات اللاسلكية: واي-فاي ٦ – بلوتوث ٥٫٢ – تقنية NFC
• المنافذ: USB Type-C 
• المستشعرات: ماسح بصمة مدمج أسفل الشاشة – التسارع – التقارب – الدوران – البوصلة – مستشعر طيف الألوان
• البطارية: غير قابلة للإزالة سعتها ٥٠٠٠ ميللي أمبير في الساعة مدعومة بتقنية الشحن السريع بقوة ٨٠ وات وتقنية الشحن اللاسلكي السريع بقوة ٥٠ وات

مزايا وعيوب موبايل OnePlus 10 Pro 5G

مزايا موبايل OnePlus 10 Pro 5G

• هيكل بيتميز بمتانة وصلابة متميزة لأن الموبايل بيعتمد على هيكل من الألومنيوم وعلى طبقة من الزجاج المقوى على الشاشة وعلى الضهر
• حماية ضد الغبار والغمر في المياه لحد عمق ١٫٥ متر ولمدة لحد ٣٠ دقيقة طبقًا لمعيار IP68
• الموبايل فيه واحدة من أفضل الشاشات الموجودة في الموبايلات حتى مع مقارنتها بالموبايلات الرائدة الحالية، الشاشة ممتازة على كل المستويات سواء على مستوى الشرائح المستخدمة فيها أو جودتها الفائقة أو إمكانياتها الممتازة زي دعمها لواحد مليار لون ولدعمها لمعدل تحديث ١٢٠ هيرتز ولدعمها لتقنية HDR10 Plus وغيرها من التقنيات اللي خلت الشاشة تاخد اعلى تقييم في اختبارات الشاشات
• الموبايل متميز على مستوى الأداء وقوة معالج Snapdragon 8 Gen 1 واللي قدر يقدم نتايج مذهلة في موبايلات السنة اللي فاتت وعلى الرغم من ظهور إصدار Gen 2 إلا أن Gen 1 هيفضل قادر على تقديم أداء أكتر من ممتاز سواء على مستوى مختلف المهام أو الألعاب
• ذاكرة داخلية قوية من فئة UFS 3.1 والذاكرة العشوائية من فئة LPDDR5 الأحدث والأقوى في عالم الموبايلات
• طبعًا الموبايل هيعتمد على أعلى نظام تشغيل متوفر دلوقتي من اندرويد وهيقبل كمان التحديث المقبل
• كاميرا خلفية من أقوى ما يكون سواء من حيث قوة وتنوع عدساتها ودقة العدسات دي وتقنياتها، وكمان الكاميرا مدعومة من شركة Hasselblad اللي بتقدم تقنياتها للموبايل على مستوى تعديل الألوان وغيرها، وكمان الكاميرا بتدعم جودة تصوير الفيديو لحد 8K وتصوير الفيديو مدعوم بمثبت صورة إلكتروني وبتقدر تصور الفيديو بتقنية Auto HDR
• كاميرا أمامية ممتازة سواء من حيث تصوير الفوتوغرافية أو الفيديو
• صوتيات متطورة بفضل سماعات ستريو وبفضل دعم دقة الصوت العالية وتقنيات الصيغ الصوتية اللاسلكية
• أحدث تقنيات الاتصال اللاسلكي يمختلف أنواعها
• ماسح بصمة مدمج أسفل الشاشة دقيق للغاية وسريع جدًا
• البطارية قوية جدًا ومدعومة بتقنية الشحن السريع بقوة ٨٠ وات القادرة توصل من ١ بالمائة لحد ١٠٠ بالمائة في ٣٢ دقيقة فقط، وكمان بتقنية الشحن اللاسلكي السريع بقوة ٥٠ وات اللي بتقدر تشحن الهاتف بالكامل في ٤٣ دقيقة

عيوب موبايل OnePlus 10 Pro 5G

• الموبايل بيعتمد على تصميم الثقب أعلى اليسار وده طبعًا مش عيب بس لو انت بتفضل تصميم الثقب أعلى منتصف الشاشة فده مش هيكون الموبايل الأنسب
• طبعًا زي ما قلنا إن الموبايل بيعتمد على معالج رائد قوي جدًا ومش هيفرق كتير عن معالجات السنة دي الرائدة بس لو انت عايز الأقوى والأحدث فممكن تشوف موبايل من موبايلات السنة الحالية
• الموبايل مش بيقبل كروت الميموري ومفيهوش منفذ ٣٫٥ مم وإن كانت سمة معتادة في الموبايلات الرائدة دلوقتي وبقى من الصعب جدًا اعتبارها عيب حقيقي

اتعرف على عروض أسعار موبايل OnePlus 10 Pro 5G من هنا.

اتعرف على عروض أسعار مختلف موبايلات OnePlus على ياقوطة من هنا.

اتعرف على عروض أسعار مختلف الموبايلات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.