كتب: خالد عاصم

لما الكهرباء بتقطع في الصيف فأكتر حاجة ممكن تضايقنا هي إن المراوح أو التكييفات بتقف بطبيعة الحال، ومع الحر الشديد اللي احنا فيه حاليًا فده هيمثل مشكلة، بس المشكلة دي ممكن التغلب عليها أو تقليلها على أقل تقدير وبسهولة وفلوس قليلة جدًا، والسر في مراوح الشحن الصغيرة اللي بتعتمد على بطاريات قابلة للشحن وتقدر تستخدمها عشان ترطب الجو وتقلل إحساسك بالحر طول فترة انقطاع التيار. وفي المقال ده هنتعرف على مجموعة من أفضل مراوح الشحن الصغيرة المتوفرة على ياقوطة.

ولو أي منتج من اللي هنتكلم عنهم عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أبرز مراوح الشحن بالبطارية على ياقوطة

مروحة مكتب مقاس ٤ بوصة بالشحن

مروحة صغيرة مقاس ٤ بوصة بأبعاد ٤٢ × ١٠٦ × ١٤٠ مم وبوزن ١٨٨ جرام بس يعني صغيرة جدًا وخفيفة جدًا ورغم كده هتقدر من خلال الموتور الصامت اللي بتعتمد عليه إنك تهون عليك الحر في الوقت اللي المروحة أو التكييف الأساسيين مش شغالين فيه، فلو أنت قاعد على مسافة قريبة مش هتحس أوي بالحر وكمان بتقدر تتحكم في قوة المروحة من خلال تلات سرعات. المروحة بتحتاج تشحن بالكامل في ٥ ساعات وبتقدر تشتغل لحد ٨ ساعات على أقل سرعة وبتعتمد على بطاريات قابلة للإزالة.

اتعرف على عروض أسعار مروحة مكتب مقاس 4 بوصة من هنا.

مروحة بمرطب هواء قابلة للشحن

مروحة مكتب صغيرة عبقرية لأنها ٣ × ١ فهي فيها مروحة صعيرة بتلات سرعات وإمكانية تعديل توجهها بزاوية ١٨٠ درجة عشان تقدر توجه الهواء في الاتجاه المناسب ليك، أما الحاجة التانية فهي مرطب الهواء أو بخاخ الميه اللي كمان تقدر تتحكم فيه بمستويين مختلفين وده ينفع للتبريد الخفيف أو زيادة قوة المروحة بشكل عام، وكمان فيها حلقية إضاءة من تحت بتقدر تتحكم في ألوانها عشان تضيف إضافة شيك جدًا للمكان اللي بتستخدم فيه، وبتتميز المروحة بشاشة ليد صغيرة عشان تعرض المتبقي في الشحن، وفيها عوامل أمان مختلفة ومانع للانزلاق وكمان تنضيفها سهل غير إنها قابلة للطي.

اتعرف على عروض أسعار مروحة بمرطب قابلة للشحن من هنا.

مروحة للوجه والرقبة قابلة للشحن

سواء كنت في البيت والكهرباء مقطوعة أو كنت بره البيت في مواصلات أو بتتمشى أو بتعمل أي نشاط رياضي مثلًا، فالحر هيأثر بشكل سلبي جدًا على الرقبة والوجه وعشان كده المروحة دي هتكون مثالية بالنسبالك لإنها بتتلبس على الرقبة ومن خلال المروحتين اللي فيها هتقدر تحصل على هواء مرطب مستمر على الرقبة والوجه، وكمان مع إمكانية التحكم في تلات سرعات لحركة الهواء ده غير إمكانية تحريك المراوح بزاوية ٣٦٠ درجة عشان تحصل على اتجاه الهواء المناسب ليك، والمروحة بتقدر تشتغل من ساعتين لعشر ساعات في مرة الشحن الواحدة وعلى حسب سرعة المروحة نفسها.

اتعرف على عروض أسعار مروحة الرقبة والوجه من هنا.

مروحة يد محمولة صغيرة قابلة للشحن والطي

أصغر وأخف مروحة ممكن تستخدمها سواء جوا البيت أو بره البيت، المروحة قابلة للطي وصغيرة يعني تقدر تشيلها في أي مكان وانت بتتحرك وممكن تمسكها بإيدك أو تستخدم المشبك الخاص بيها اللي بيخليك تقدر تركبها على التليفون فتبقى بتستخدم التليفون والهواء جايلك من المروحة، وبتتميز المروحة بوزن خفيف جدًا وموتور صامت تمامًا، وكمان سرعة حركة ممتازة بالنسبة لحجمها.

اتعرف على عروض أسعار مروحة اليد المحمولة من هنا.

مروحة مكتب صغيرة مع بخاخ رذاذ وضوء ليد

مروجة مكتب صغيرة عبقرية لإنها بتتميز بإمكانيات كتير، وأولهم التصميم والهيكل الشفاف الشيك جدًا واللي في نفس الوقت عبارة عن خزان للمياه اللي بيعتمد عليها بخاخ الرذاذ، والبخاخ ده مهمته إنه يرطب الجو ويضيف لمحة برودة وترطيب وكمان ممكن استخدامه كبديل للبخار لحفظ المكياج طول اليوم، المروحة نفسها بتدعم تلات سرعات وممكن تريكها لتلات مستويات رأسية، والمروحة كمان فيها إضاءة دافية ليلية شكلها شيك جدًا لانها بتمر من خلال المياه اللي في المروحة.

اتعرف على عروض أسعار مروحة المكتب بالبخاخ والإضاءة من هنا.

مروحة تبريد صغيرة بدون شفرات

المروحة أو المكيف المحمول القابل للشحن وده حل مثالي للوضع على المكتب خلال الشغل أو على ترابيزة الليفنج وانت بتتفرج على التليفزيون في حالة انقطاع التيار، وده لإن المروحة بتعتمد على المياه الساقعة في إنها تطلع هواء بارد من غير الاعتماد على شفرات للمروحة ومن خلال مخرجين للهواء تقدر تتحكم في المستوى الرأسي لكل واحد فيهم على حدا، وده بيدي جو بارد ومرطب زي استخدام التكييف الصحراوي بس طبعًا على أصغر جدًا.

اتعرف على عروض أسعار مروحة التبريد المكتبية الصغيرة من هنا.

اتعرف على عروض أسعار مختلف مراوح الشحن المتوفرة على ياقوطة من هنا.

اتعرف على عروض أسعار مختلف أنواع المراوح المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.