كتب: خالد عاصم

السوق المصري في مجموعة مش قليلة من الموبايلات اللي بتوفر تجربة الشاشة الكبيرة ونظام تشغيل اندرويد بكل ما فيه من مميزات وبسعر منخفض جدًا بس تقريبًا مفيش موبايل منهم زي موبايل Itel S15 على مستوى الفئة السعرية المنخفضة جدًا اللي بيوفرها وعلى مستوى الكاميرا الأمامية تحديدًا اللي مفيش زيها في الفئة السعرية دي وتعتبر منافسة بقوة لفئات سعرية أعلى كمان.

من خلال المقال ده هنتكلم عن أرخص موبايل اندرويد بشاشة كبيرة في مصر وهو موبايل Itel S15 اللي هنتعرف على مواصفاته الكاملة وعلى مميزاته وعيوبه ومتوسط سعره في مصر، ولو عجبكم الموبايل هتقدروا تطلبوه من خلالنا في ياقوطة وهيوصلكم لحد باب البيت بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Itel S15

المواصفات

• أبعاد الموبايل: ٨.٩ × ٧٤.٧ × ١٥٦٫٧ مم.
• وزن الموبايل: ١٥٣ جرام.
• البناء والصناعة: هيكل وظهر من البلاستيك بزجاج أمامي.
• شرائح الاتصال: إصدار ثنائي الشريحة.
• شاشة الموبايل: شاشة  بتصميم شق قطرة المياه قطرها ٦.١ بوصة ومعدلها ١٩.٥:٩ وده بيخليها تشغل حوالي ٨١.٢ في الميه من مساحة الموبايل الأمامية. والشاشة بتقدم دقة عرض ١٥٢٠ × ٧٢٠ بيكسل بكثافة ٢٨٢ بيكسل لكل بوصة والشاشة مصنوعة من شرائح IPS LCD ومحمية بطبقة زجاج مقاوم للخدش.
• أداء الموبايل: معالج UniSoc Spredtrum SC7731E بمعمارية ٣٢ نانوميتر رباعي النواة وسرعته ١.٣ جيجا هيرتز لأربع شرائح من Cortex-A7 والمعالج مدمج بمعالج جرافيكس Mali T820 MP1. والموبايل بيصدر بإصدار بذاكرة عشوائية ١ جيجابايت رام بذاكرة داخلية سعتها ١٦ جيجابايت وممكن زيادة مساحة الموبايل التخزينية بكروت الذاكرة الخارجية من خلال منفذ مستقل.
• نظام التشغيل: الموبايل بيشتغل بنظام تشغيل أندرويد ٩ باي إصدار اندرويد جو
• الكاميرا: الموبايل الكاميرا الخلفية بتاعته مزدوجة بعدسة رئيسية بقوة ٨ ميجا بيكسل وبعدسة تانية دقتها ٠٫٨ ميجا بيكسل لاستشعار عمق الصورة، أما الكاميرا الأمامية فعدستها بقوة ١٦ ميجا بيكسل.
• منفذ توصيل السماعات السلكية ٣٫٥ مم: متوفر.
• منفذ الشحن ونقل البيانات: microUSB.
• ماسح البصمة: خلفي.
• المستشعرات: التسارع –  التقارب.
• البطارية: بطارية الموبايل قابلة للإزالة سعتها ٣٠٠٠ مللي أمبير في الساعة.

مزايا عيوب موبايل Itel S15

مزايا موبايل Itel S15

• الميزة الأولى والأبرز هي السعر المنخفض جدًا للموبايل واللي بيخليك تقدر تمتلك موبايل اندرويد بأقل ميزانية ممكنة.
• الموبايل وزنه خفيف جدًا وأبعاده مدمجة يعني مش هياخد أي مساحة كبيرة من شنطة الإيد ومش هيضايقك في جيبك.
• بيعتمد الموبايل على تصميم شق قطرة المياه اللي بيضيفله جاذبيه عصرية مش بتتوفر كتير في موبايلات الفئة السعرية دي.
• الشاشة إمكانياتها مقبولة بالنسبة للفئة السعرية وكمان كثافتها عالية.
• لو بتحب الموبايلات المدمجة اللي شاشاتها صغيرة فأكيد هتكون دي ميزة بالنسبالك في الموبايل.
• شاشة الموبايل بطبقة زجاج مضادة للخدش.
• الموبايل بيقبل كروت الميموري.
• الموبايل بيشتغل بنظام تشغيل اندرويد ٩ إصدار اندرويد جو المخفف واللي بيوفر تجربة اندرويد متميزة جدًا رغم الأداء الضعيف للموبايل
• الكاميرا الخلفية دقتها ٨ ميجا بيكسل ودي دقة مقبولة جدًا لموبايلات منخفض السعر بالشكل ده وكمان فيه عدسة تانية للعزل
• الكاميرا الأمامية ممتاز بالنسبة لموبايل بالفئة السعرية دي فالكاميرا دقتها ١٦ ميجا بيكسل وكمان مدعومة بتقنيات مختلفة عشان تقدر تحسن من جودة صور السيلفي حتى في الإضاءة المنخفضة.
• الموبايل فيه ماسح بصمة.
• الموبايل بيدعم خاصية Face Unlock
• البطارية سعتها ٣٠٠٠ ميللي أمبير في الساعة ودي سعة مثالية هتخلي الموبايل يقدر يقدم أداء ممتاز خصوصًا إنه مش بيستهلك بطارية بشكل كبير.
• البطارية قابلة للإزالة وده بيتيح فرصه استخدام بطارية إضافية في أي وقت أو سهولة تغيير البطارية لو حصلها أي مشكلة>

عيوب موبايل Itel S15

• الموبايل بناءه ضعيف وتعرضه للكسر أو خدش الضهر محتمل وعشان كده هتحتاج تحافظ عليه قدر الإمكان.
• الحواف اللي حوالين الشاشة كبيرة شوية وكان من الممكن تقليلها وخصوصًا إن ده مش هيأثر بشكل كبير على سعر الموبايل وهيدي مساحة أكبر لزيادة قطر الشاشة داخل الأبعاد المدمجة دي.
• البروسيسور يعتبر من أضعف البروسيسورات المتوفرة في السوق دلوقتي وده طبيعي بالنظر لسعر الموبايل ولو مكانش الموبايل بيشتغل باندرويد جو كان هيبقة الأداء سيء جدا فالموبايل هيكون كافي لاستخدامات أولية بسيطة بس.
• الموبايل إصداراه على مستوى الرامات ضعيف بييجي برامات ١ جيجابايت بس.
• السعة التخزينية الداخلية للموبايل محدودة جدًا ١٦ جيجابايت بس.
• أقصى مساحة تقدر تزودها عن طريق كروت الميموري هي ٣٢ جيجابايت بس.
• البطارية مش مدعومة باي تقنية شحن سريع وده متوقع في الفئة السعرية دي.

اتعرف على عروض أسعار موبايل Itel S15 المتوفرة على ياقوطة من هنا.

اتعرف على عروض أسعار مختلف الموبايلات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.