كتبت: ميّ نور

زمان لما الموبايل كانت شركته تعلن عنه كان بياخد وقت طويل أوي علشان ينزل مصر، وكتير من الموبايلات الكويسة واللي أسعارها مناسبة ماكناش بنعرف نجيبها، بس الفترة الأخيرة كل ده اتغير، بقت في موبايلات كتير في السوق وده كويس بالنسبة للمشتري علشان تبقى قدامه خيارات كتير ومايبقاش محصور ما بين عدد قليل، وعلشان كده في ياقوطة جبنالكم موبايل 2018 Huawei Y7 Prime واللي أخد شهرة كبيرة الفترة الأخيرة وإعلاناته في كل مكان، وخصوصًا وإنت ماشي في محطات المترو في مدينة القاهرة هتلاقي صور لإعلانات الموبايل مع عدد من لاعبي النادي الأهلي المعروفين. ولو عجبك الموبايل وعاوز تشتريه، تقدر من خلالنا تعرف أحسن الأسعار ليه من خلالنا، وتقارن بينهم وكمان تطلبه، وهيوصل لحدّ عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعوده وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

المميزات

• الموبايل جاي بنظام تشغيل أندرويد (أوريو) 8.0 وده أحدث نظام تشغيل.
• فتح الموبايل بخاصية التعرف على الوجه اللي بدأت مع موبايل iPhone X، علشان كده وشك هيبقى بصمة الموبايل، وفي نفس الوقت ممكن تستخدم البصمة عادي لو مش عاوز تستخدم الخاصية دي.
• الشاشة حجمها كبير ٥٫٩٩ بوصة.
• الكاميرا الخلفية بتاعت الموبايل كويسة جدًا وجاية بعدسة مزدوجة.
• البطارية كويسة وجاية بسعة ٣٠٠٠ مللى أمبير.
• الموبايل بيشغل شريحتين اتصال.

العيوب

• الذاكرة الداخلية ممكن تبقى قليلة شوية بالنسبة لبعض الناس ٣٢ جيجابايت.
• الشركة مأعلنتش إن البطارية بتدعم خاصية الشحن السريع، علشان كده البطارية ممكن تاخد وقت طويل.
• الشركة كمان مقالتش إن الشاشة مقاومة للمياه أو التراب.

تجربة المستخدم

• دلوقتي هتقدر تفتح الموبايل بتاعك بنظرة واحدة مع خاصية التعرف على الوجه واللي صعب تلاقيها في أي موبايل بالسعر ده.
• الموبايل الكاميرا بتاعته كويسة ويقدر يصور صورة بجودة عالية وتفاصيل واضحة وكمان الألوان شكلها جميل، ومعاها كمان فلاش LED علشان لو بتحب تصور بعد غروب الشمس.
• المساحة الداخلية بتاعت الموبايل ممكن تتملي منك خصوصًا لو إنت بتنزل تطبيقات والعاب كتير، والحل لده إنك تشتري كارت ميموري، وممكن الموبايل يشيل أي حجم لكارت الميموري لحد ٢٥٦ جيجابايت.
• الموبايل أداءه كويس جدًا، واللي مساعد على ده معالج ثماني النواة نوعه Qualcomm MSM8937 Snapdragon 430 وكمان نظام التشغيل أندرويد أوريو والاتنين بيخلوا أداء الموبايل كويس، صحيح مش أحسن حاجة بس أداء مقبول.
• البطارية ممكن تكمل معاك يوم كامل لو إنت استخدامك مش تقيل قوي، ولما تيجي تشحن البطارية هتاخد وقت طويل شوية.
• شاشة الموبايل الكبيرة هتخليك تتفرج على أفلام ومقاطع فيديو بشكل مريح، وده بسبب الحجم وكمان بسبب الألوان بتاعة الشاشة اللي شكلها طبيعي جدًا.
• الموبايل ممكن يتفتح بطريقتين أول طريقة هي الوجه وتاني طريقة هي البصمة.

شوف موبايل 2018 – Huawei Y7 Prime  من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.