كتبت: ميّ نور

شوفنا في السنتين اللي فاتوا تطور كبير جدًا وملحوظ في مجال صناعة الموبايلات، وشوفنا كمان تنافس لعدد أكبر من الشركات في الأسواق، بعد ما كانت المنافسة الشرسة بتدور ما بين أبل وسامسونج وسوني، بقى عندنا دلوقتي شركات صينية ناجحة كتيرة قدرت تدخل المجال وتطور فيه وتجبر الشركات الكبيرة إنها تبدأ تقدم التقنيات الجديدة والمتميزة اللي بتقدمها الشركات دي، ومن أهم التطورات اللي شوفناها في الموبايلات الذكية مؤخرًا هي الكاميرا الخلفية المزدوجة اللي نقلت تجربة التصوير في الموبايلات نقلة رهيبة، بقينا من خلالها بنعرف نتحكم مدى اتساع الكادرات والإضاءة والمؤثرات في الصور وغيرها كتير من المميزات، وعشان كده النهارده في ياقوطة هنكلمكم عن أحسن ٣ موبايلات في الأسواق بكاميرا خلفية مزدوجة عالية الدقة مالهاش مثيل. ولو عجبك موبايل وعاوز تشتريه، تقدر من خلالنا تعرف أحسن الأسعار ليه وتقارن بينهم وتطلبه كمان، وهيوصل لغاية عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعوده وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Samsung Galaxy S9 Plus

المواصفات

المميزات

• شاشة الموبايل كبيرة وبتيجي بدقة عالية جدا، وكمان جاية مع الأبعاد الجديدة وده يخليها مناسبة لمشاهدة الأفلام ومقاطع الفيديو، وتم تصنيفها كأحسن شاشة لعام ٢٠١٨ لحد دلوقتي.
• الشركة ركزت على الكاميرا الخلفية جدًا، وبتقول إن الكاميرا بتاعتها هي أفضل كاميرا موجودة في الوقت الحالي، وده بسبب حاجات كتير أهمها فتحة العدسة اللي جت بحجم f/1.5 واللي بتعتبر أوسع فتحة عدسة في أي موبايل حتى الآن، وده بيسمحلها تستقبل كميات أكبر من الضوء في أي صورة عشان تطلعها واضحة، كمان فتحة العدسة التانية كانت f/2.4 وده بيساعد في حالة الصور اللي بالنهار وفيها إضاءة عالية جدًا ممكن تحرق الصورة، العدسة دي هتقدر تاخد القدر المناسب بس من الضوء اللي يسمح بالتصوير بجودة عالية.
• الشركة طورت تقنية الواقع المعزز وتقدر بعد كد تعمل إيموجي متحركة بنفس شكل وشك، كل اللي هتعمله إنك هتخلي كاميرا السيلفي تاخد لك صورة وتقدر تحولها بعد كده لكرتون تستخدمه كإيموجي مع أصحابك في الشات.
• الكاميرا الأمامية جودتها عالية وفتحة العدسة بتاعتها f/1.7.
  التصوير البطيء اتطور بشكل كبير جدًا وملحوظ لأول مرة.
• الموبايل حاصل على معيار IP68 ودا أعلى معيار في مقاومة المياه والغبار.
• دعم الشحن اللاسلكي والشحن السريع.
  

العيوب

• الموبايل جه ببطارية بسعة ٣٥٠٠ مللى أمبير ودي نفس السعة بتاعة السنة اللي فاتت اللي جت مع Galaxy S8، في حين فيه شركات تانية بتقدم موبايلات في نفس الفئة ببطاريات أعلى بكتير.
• الرامات جت بحجم ٦ جيجابايت، وده نفس الحجم اللي كان موجود في Galaxy S8، في حين بعض الشركات المنافسة بتقدم رامات ٨ جيجابايت.
• تصميم الموبايل مفيهوش أي تطوير عن السنة اللي فاتت غير نقل مكان مستشعر البصمة فقط.
• منفذ الميموري بيستخدم نفس منفذ شريحة الاتصال التانية للاسف.

تجربة المستخدم

• الكاميرا في الموبايل تكاد تكون أحسن كاميرا موبايل في الأسواق لحد دلوقتي، وبنصح بيها أي حد مهووس بالتصوير وعاوز يشتري موبايل بأحسن كاميرا ممكنة.
• الألوان بتاعة الشاشة أقرب للواقعية وجميلة جدًا، ودقة الصورة عالية وواضحة بشكل كويس.
• الموبايل خفيف جدًا في الوزن، حتى عن Galaxy S8 وده بيخلى التحكم فيه بإيد واحدة حاجة سهلة وممكنة.
• الموبايل أداءه عالي جدًا وخصوصًا مع الالعاب، سواء كانت عادية أو تقيلة.
• بطارية الموبايل بتتشحن بسرعة كبيرة وده بسبب تقنية الشحن السريع.
• واجهة المستخدم بتاعت الموبايل مريحة وشكلها جميل جدًا.
  

شوف موبايل Samsung Galaxy S9 Plus من هنا.

موبايل Apple iPhone X

المواصفات

المميزات

• موبايل iPhone X هو أول موبايل عمل خاصية فتح القفل عن طريق التعرف على وش المستخدم ثلاثي الأبعاد.
• الكاميرا بتاعة الموبايل كويسة جدًا وتقنية البورتريه فيها متطورة، كمان فيها الواقع المعزز واللي من خلاله تقدر تعمل إيموجي متحرك لشكلك وتستخدمه في الشات مع أصحابك، وبالرغم من إن سامسونج قدرت تنافس أبل في الكاميرا دلوقتي، إلا أن كاميرا iPhone X مازالت حتى الآن تعتبر كاميرا ثورية جدًا بسبب التعديلات الرهيبة اللي دخلتها أبل على إمكانيات التصوير.
• التصوير في الإضاءات المنخفضة بيكون عالي جدًا، وده بفضل الفلاش LED الرباعي اللي بييجي مع الكاميرا.
• التصميم بتاع الموبايل كويس جدًا، حتى إن شركات كتير الفترة الأخيرة بدأت تقلدها زي أوبو وهواوي وإل جي وغيرهم.
• الشاشة بتاعة iPhone X هي أحسن شاشة اتعملت لموبايل ابل، وده بسبب إن شركة سامسونج هي اللي عاملاها واللي معروف إنها متميزة في المجال ده.
• الموبايل حاصل على أعلى معيار لمقاومة المياه والغبار IP68.

العيوب

• سعر الموبايل غالي جدًا، حتى بعد ما سعره نزل شوية لسه أغلى من غيره، حتى أغلى من موبايل Galaxy S9 واللي لسه نازل من قريب وجاي بإمكانيات قريبة جدًا له.
• الشركة غيرت طريقة فتح الأبليشكنز الموجودة في الخلفية عن باقي التليفون وخلتها عن طريق إنك تلمس الشاشة أكتر من لمسة بطريقة معينة وده خلى ناس كتير مش متعودة عليها.
• البطارية ضعيفة في مقابل بطاريات الشركات المنافسة في نفس الفئة.
• مفيش أي وسيلة تانية لفتح الموبايل غير بصمة الوش، ولو حصل فيها عطل هيكون صعب على المستخدم إنه يفتحه بسهولة.

تجربة المستخدم

• الموبايل تصميمه جميل والتحكم فيه بإيد واحدة سهل وبسيط.
• الشاشة بتقدر تعرض الصور بجودة عالية جدًا.
• الكاميرا الخلفية بتقدر تصور صور بتفاصيل واضحة لدرجة كبيرة جدًا وهي واحدة من أحسن الكاميرات الموجودة في العالم.
  الموبايل أداؤه سريع ومش بيهنج أو بيتأخر في فتح الأبليشكنز.
• البطارية بس اللي هتواجهك معاها مشكلة، وغالبًا هتحتاج باور بانك بعد فترة من الاستخدام.

شوف موبايل iPhone X من هنا.

موبايل LG V30 Plus

المواصفات

المميزات

• لحد نهاية ٢٠١٧ فتحة العدسة بتاعة الكاميرا الخلفية للموبايل ده كانت أوسع فتحة عدسة في الموبايلات وكانت بتسمح بدخول كمية ضوء كبيرة علشان كدا كنا بنشوف الصور بتاعت الكاميرا دي بتفاصيل أوضح من أي كاميرا تانية لحد ما سامسونج تفوقت عليها ونزلت موبايل Galaxy S9.
• تصوير الفيديو في الموبايل بيجي مع خصائص كتيرة بتخليه مشابه لكاميرات التصوير الاحترافية زي خاصية الزووم من أي نقطة في الكادر، وده على عكس الموبايلات التانية اللي بتخلي الزوم في نص الكادر، يعني ممكن تصور فيلم كامل من الموبايل ويطلع بجودة عالية وقريبة للكاميرات الاحترافية.
• سماعات التليفون متميزة جدًا وبتقدم صوت عالي بنقاء مظبوط.
• شاشة الموبايل حجمها مناسب جدًا لإنك تشوف فيديوهات وأفلام عليها.
• البطارية قوية وتقدر تعيش معاك فترة كويسة.
• الموبايل حاصل على أعلى معيار لمقاومة المياه والغبار IP68.

العيوب

• صعوبة إنك تلاقي الإكسسوارات بتاعة الموبايل في مصر.
• حجم الموبايل كبير شوية.
• الكاميرا الأمامية كانت ممكن تبقى أحسن من كده، وفيه كاميرات كتير في الفئة دي أحسن من كده.

تجربة المستخدم

• الصور اللي بتاخدها بالكاميرا الخلفية للموبايل جودتها عالية جدًا وبتقدر تلقط تفاصيل كتيرة قوي.
• حواف الموبايل منحية علشان كدا سهل تمسكه لفترة طويلة من غير ما تتعب.
• وزن الموبايل مش تقيل بالنسبة لحجمه.

شوف موبايل LG V30 Plus من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.