مراجعة مواصفات وأسعار مضخة الثدي اليدوية ميديلا هارموني
كتبت: يارا الحميلي
من أهم الأدوات للأم في مراحل الرضاعة الأولى، وكمان الام اللي بتشتغل وفي نفس الوقت عايزة تتمسك بالرضاعة الطبيعية، مضخة الثدي، مش بس لإنها بتساعدها على إنها تقدر تبعد عن الطفل فترة من غير ما تلجأ للبن الصناعي ولكن كمان ممكن تزود اللبن.
عشان كده ياقوطة هتعرضلك واحدة من أكبر المضخات شعبية وهي ميديلا هارموني، وفي المقال ده هنتعرف على مواصفات، ومميزات، وعيوب المضخة، ولو عجبتك وعايزة تشتريها تقدري تعرفي أحسن الأسعار ليها وتطلبيها من خلالنا وهتوصل لغاية عندك في أسرع وقت.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعوده وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
المواصفات
- النوع: شفاطات الحليب.
- الماركة: ميديلا.
- الرقم المميز للسلعة: 2724328530466
- صنع في سويسرا.
المميزات
- استخدامها سهل.
- إسم ميديلا معروف بجودته في مجال مضخات الثدي.
- فيه مرحلتين، مرحلة تحفيز الثدي ومرحلة التشفيط، وبكدة بيقدر يحاكي الرضاعة الطبيعية وده بيطلع كميات أكبر من اللبن.
- صوته مش عالي فممكن استخدامه في أي مكان، وممكن استخدامه جنب الطفل وهو نايم.
- قطع غيار ميديلا متوفرة دايمًا.
- مناسب جدًا للأمهات اللي مش بتعمل تشفيط كل يوم ومناسب في السفر.
- سهل تنضيفه.
- سهل تركيبه وفكه.
- مش بيحتاج كهرباء ولا بطاريات.
- حجمه صغير جدًا فسهل يتاخد في أي مكان.
- بييجي معاه ببرونة كالما ودي ببرونة بتحاكي الحلمة فمش بتعمل التباس الحلمات اللي عادة بييجي لما الطفل اللي بيرضع طبيعي بيتعرض للبرونة فبيرفض الرضاعة الطبيعية لإن الببرونة بتبقى أسهله وبتنزله اللبن أسرع.
- ممكن المكونات بتاعته تتحط في غسالة الأطباق.
- مش بيسبب أي نوع من الالتهبات أو التشققات.
- بييجي معاه صمامين إضافيين.
- بيعيش سنين طويلة جدًا.
- بيساعد الأم على إنها تزود اللبن بتاعه.
- مفيهوش أسلاك فمش بيتلعبك وأسهل في الاستخدام.
- ممكن تحطي فيها أي ببرونة مش بس ميديلا لو عايزة تشفطي لمدة أطول من غير ما تضطري تبدلي الببرونة.
- ممكن تستخدميه في العربية وفي السفر مع غطاء الرضاعة.
- حل كويس للأمهات اللي بتحتاج تبعد عن ولادهم ومش عايزة ترضعهم صناعي.
- مفيد للأمهات اللي بيعانوا من الحلمة المقلوبة عشان بيساعدهم إنهم برضعوا طبيعي.
- بييجي معاه دليل إرشادات مفصل بكل اللغات.
- سهل جدًا التحكم فيه.
- كويس في حالة إنه يبقى احتياطي لأي مشكلة تحصل للمضحة الأساسية.
- خالي من البروبيلين واللي بيعتبر من مسببات السرطان.
- مش لازم تستخدمي واقي للحلمة معاه.
- سهل تخزينه لإنه مش بياخد مكان.
- ممكن تستخدميه مباشرة مع مضخة مديلا.
العيوب
- مش كل الناس عندها الصبر بتاع المجهود اليدوي اللي بتحتاجه الأنواع اليدوية.
- بياخد وقت طويل شوية، تقريبًا نص ساعة لتحضير الرضعة.
- سعره غالي شوية بالنسبة للأنواع التانية.
- الصمام بتاعه عايز عناية خاصة لإنه ممكن يتقطع بسهولة.
- هتضطري تغلي المكونات بتاعته كل يوم بتستخدميه فيه.
- أحيانًا القمع اللي بييجي معاه مش بيبقى مناسب وممكن تضطري تطلبي.
- إيدك مش هتبقى فاضية وده معناه إنك مش هتعرفي تعملي حاجة تانية، وإنتي بتستخدميه.
- في ناس بيحسوا إنه مش بيفضي كل اللبن.
- إيدك هتوجعك بعد فترة من الضخ.
- بيجير لو ماتنضفش كويس.
- معمول من البلاستيك مش من السيليكون وده بيخليه مش مريح بالنسبة لبعض الناس.
- مش بيشتغل في كل المعقمات وممكن يسيح.
- المقبض ساعات بيطلع من بعضه وبيحتاج يتظبط من الأول.
- قوته مش عالية قوي زي المضخة الكهربائية.
- بيوجع شوية لو تم استخدامه لفترات طويلة.
- بياخد فترة عقبال ما تتدربي عليه.
- الصمام لو اتحط في مية مغلية بيبدأ يفك.
- مش مزدوج، يعني مش هتقدري تستخدميه في الناحيتين مرة واحدة.
- مش بييجي معاه شنطة حرارية ولا تلج لحفظ حرارة اللبن، وهتضطري تشتري شنطة حرارية لو هتشيلي اللبن لفترة أطول من أربع ساعات.
ممكن تشوف مضخة ثدي مديلا هارموني اليدوية من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
يارا الحميلي، أنا أم لطفلين، بكتب عن الأمومة والحياة الأسرية، عشان كده هتلاقوا دايماً في مقالتي عن التجربة الشخصية، يعني بكتب عن الحاجة كأن جربتها فعلاً أو على الأقل اتكلمت ودورت حد استخدمها بالفعل عشان أضمن إن المعلومة تكون فعلاً مظبوطة. مؤمنة جدًا إن مفيش حاجة اسمها الأفضل لطفلك عشان كل طفل مختلف. عشان كده دايمًا مقالاتي هتلاقوا فيها بحث ومقارنة موضوعية عشان تقدروا تحددوا إنتم إيه الأفضل ليكم ولأطفالكم. أنا أم عاملة وعندي شغف بكل ما يخص الطفل. عندي تجارب في الكتابة في صحف زي الأهرام ويكلي، والأهرام الاستراتيجي ومجلة بيبا.