كتبت: أمنية عزمي

قلاية بلاك آند ديكر ال 5 لتر فيها مزايا كتير بتنوع استخدامها من خلال الملحقات المجهزة بها، فيها سلة عميقة للقلي مصممة بيد لسهولة حملها، وصينية للخبز والتحميص، ورف للشوي مزود بمجموعة أسياخ للحوم، الشواية مثالية في حجمها ال 5 لتر، وصحية جدا في طهيها الأكلات بدهون أقل بنسبة 80%، تصميم القلاية مميز بنافذة كبيرة زجاج في الواجهة تقدر تتابع من خلالها الأكلات، وفيها تايمر لحد 60 دقيقة، وبتوصل درجات حرارة التشغيل فيها ل 220 درجة، وبتعتمد على تقنية تسخين الهواء لدرجات حرارة عالية جدا وبتمرره على الأطعمة المطلوب طهيها أو تحميرها وبتوصل لنفس النتيجة المطلوبة لكن بشكل صحي أكتر وبسعرات حرارية أقل بكتير من كونه خالي من الدهون المشبعة.

تابعنا مع ياقوطة واتعرف بشكل مفصل على أهم مواصفات ومميزات وعيوب قلاية بلاك آند ديكر AF500-B5– ٥ لتر ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.

بنفكرك إنك ممكن تشتري قلاية بلاك آند ديكر AF500-B5- 5 لتر من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

مواصفات قلاية بلاك آند ديكر AF500-B5– 5 لتر

• العلامة التجارية: بلاك آند ديكر
• الموديل: AF500-B5
• النوع: قلاية بدون زيت
• السعة: 5 لتر
• مؤقت رقمي: 60 دقيقة
• استهلاك الطاقة: 1230 وات

مميزات قلاية بلاك آند ديكر AF500-B5– 5 لتر

• مزودة ببرامج متنوعة لكل أنواع الأكلات تساعدك تبدل حياتك بنظام صحي بدون زيت أو معلقة زيت واحدة، وبالتالي بتبعد عن الدهون الغير صحية.
• مميزة بتقنية الهواء السريع ومن أفضل مميزاتها السرعة في دوران الطعام مع موجات الهواء الساخن في كل أنحاء القلاية ودا بيساعد على خروج الأكل صحي مقرمش ذهبي وخفيف بدون دهون.
• عملية جدا لأن استخداماتها متعددة، ليها أربع إمكانيات للطهي عبارة عن قلي وخبز وشوي وتحميص، وبالتالي بتنوع الوجبات فيها زي البطاطس المحمرة والفراخ المشوية والمخبوزات والمافن بشكل صحي لذيذ وسريع.
• مصممة بشكل عصري جديد وألوان مبهجة بتجمع بين عنصرين الأحمر والأسود اللي بيشكل وحدة ديكور مميزة في مطبخك.
• موتور بقوة 1230 واط ودي واحدة من أهم مميزاتها إنها بتوصل لدرجة حرارة عالية في وقت قصير جدا.
• مزودة بثرموستات بيتم ضبط درجة حرارة القلاية من خلاله حسب نوع الأكلات المطلوب تجهيزها والحرارة بتتراوح من 80 ل 220 درجة مئوية وموضح بالرسم عالجانبين الأكلات اللي تقدر تعملها وتوقيتاتها.
• مزودة بسلة للتحمير عميقة بحجم كبير قابلة للفك ومصممة بيد تساعد على تحريكها وبتعتبر عملية جدا في العائلات الكبيرة.
• متعددة الملحقات، بالإضافة لسلة التحمير بييجي معاها صينية للخبر والتحميص، ورف لشوي اللحوم بمجموعة من الأسياخ بتسهل استخدامه.
• مزودة بخصائص الأمان من خلال مؤقت ذكي (تايمر) يصل ل 60 دقيقة وبيتوقف تلقائيا.
• مصممة بباب بيتم فتحه لأسفل مع وجود نافذة من الزجاج حجمها كبير لمتابعة تحضير الأكلات بسهولة.
• مزودة بمستويات متعددة للحرارة لتنوع نوع القلي زي القلي العميق للبطاطس مثلا والقلي السطحي للبصل أو شرايح الحوم.
• بتوفر الأمان من خلال نظام الغلق التلقائي بعد الانتهاء من الطهي.
• سهلة التنظيف، الأجزاء الداخلية فيها مقاومة للإلتصاق وآمنة للغسيل في غسالة الأطباق.
• آمنة لأنها مش بتحتاج زيت ومحكمة الإغلاق بالتالي هتتخلص من معاناة الزيت الزيت المغلي المتطاير في كل مكان وقت عملية القلي.
• مزودة بأرجل مطاطية تساعد على ثباتها في المكان.
• مزودة بمكان لتخزين السلك بشكل منظم.

عيوب قلاية بلاك آند ديكر AF500-B5– 5 لتر

• بتحتاج وقت أطول من العادي لطهي وتحمير الأكلات لأن حجمها كبير وقدرتها الكهربائية 1230 وات تعتبر متوسطة مقارنة بالأنواع التانية اللي بتصل ل 1800 وات.
• بتحتاج تنضيف بعد كل مرة استخدام علشان الفلاتر ماتتسدش.

خدمة العملاء لقلاية بلاك آند ديكر AF500-B5– 5 لتر

• الرقم الساخن لخدمة العملاء: 19059
• مراكز الصيانة أصبحت متوفرة في أماكن كتير في القاهرة وفي معظم المحافظات.
• أسعار قطع الغيار تعتبر أعلى من مثيلاتها في السوق.
• الآراء متفاوتة عن مستوى الصيانة، ناس بتشكر فيهم جدا وناس بتقول مستواهم محتاج يتحسن.

تجربة المستخدم لقلاية بلاك آند ديكر AF500-B5– 5 لتر

• القلاية إمكانياتها عالية وبيعجبني فيها حامل الشوي بالأسياخ رغم إنه مش بياخد كتير لكن منظم جدا، عيبها انها بتاخد وقت طويل في تسوية الأكل سواء تحمير أو شوي وطبعا بتسحب كهربا عالية.

شوف قلاية بلاك آند ديكر AF500-B5– ٥ لتر من هنا.

 *قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال

أمنية عزمي، بكتب من 3 سنين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.