كتبت: أمنـية عـزمي

سماعة شاومي ريدمي ايردوتس من فئة السماعات المتوسطة اللي بتوفر مواصفات كويسة بسعر معقول وأدائها عالي، السماعة لاسلكية بتشتغل ببلوتوث إصدار 5.0، بتوفر تغطية عالية لمسافة 10 متر، السماعتين بيوفروا حوالي 4 ساعات متواصلة من سماع الموسيقى، وبتستمر في وضع الاستعداد حوالي 150 ساعة، سعة كل سماعة لوحدها 40 مللي أمبير، وسعة علبة الشحن 300 مللي أمبير، السماعات بتستغرق وقت شحن حوالي ساعة ونص، وعلبة الشحن بتتشحن في ساعتين، السماعات خفيفة في وزنها وبتوفر تجربة ارتداء مريحة للفترات الطويلة، وعلبة الشحن حجمها صغير وسهل تاخدها معاك في أي مكان.

تابعنا مع ياقوطة هنتكلم بالتفصيل عن سماعة بلوتوث من شاومي ريدمي ايردوتس وهنتعرف على أهم مواصفاتها ومميزاتها وكمان عيوبها ورأي المستخدم فيها ولو عجبتك وحبيت تشتريها هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

بنفكرك إنك ممكن تشتري سماعة بلوتوث من شاومي ريدمي ايردوتس من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

مواصفات سماعة بلوتوث من شاومي ريدمي ايردوتس

• الموديل: Redmi Airdots 2
• النوع: في الأذن
• اللون: أسود
• متوافق مع: كافة الأجهزة
• طرق الإتصال: بلوتوث 5.0

مميزات سماعة بلوتوث من شاومي ريدمي ايردوتس

• وزنها خفيف جدا حوالي 1 جرام لكل سماعة، بتوفر تجربة إرتداء مريحة، مصممة بشكل رائع يخليها مريحة في إرتدائها وثباتها عالي في الأذن خاصة الجزء الداخلي المصمم بشكل محكم للأذن ومش من السهل انها تسقط حتى في الحركة السريعة.
• بتتميز بشبكة لاسلكية قوية من خلال بلوتوث 5.0 المميز باستقرار إشارته وبيتطابق تلقائيا مع نوع موبايلك بمجرد تشغيلها، بالإضافة لتوفر خاصية توسيع نطاق البلوتوث فيها.
• بتوفر مجال إتصال لمدى 10 أمتار، يعني تقدر تستخدمها في بيئة مفتوحة أو تتحرك بسهولة وقت استخدامها.
• متوافقة مع كل أنواع الهواتف الذكية ونظام أندرويد و IOS .
• بتوفر صوت مسموع وواضح في المكالمات ومش بتحتاج تعلي مستوى الصوت فيها، بالنسبة للموسيقى بتحس بتقسم الموسيقى والآلات والصوت الستريو بشكل جيد.
• السماعة بتستمر معالك حوالي 4 ساعات استخدام.
• شحن السماعات بيستمر معاك في حالة استخدامها لسماع الموسيقى واجراء المكالمات لمدة 4 ساعات، وبتستمر لمدة 150 ساعة في وضع الاستعداد بدون استخدام، وبيتم شحن بوكس السماعات في ساعتين، وتقدر تشحن بها السماعات تقريبا 3 مرات.
• السماعات بيتم التحكم فيها بالضغط على زرار واحد في السماعة حجمه كبير، ضغطة واحدة بتشغل موسيقى، لاستقبال المكالمات وانهائها بضغطة قصيرة، لرفض المكالمة بتضغط ضغطة طويلة، لو حبيت ترجع الأغاني بتضغط ضغطة طويلة على السماعة الشمال ولتقديم الأغاني بتضغط ضغطة طويلة عالسماعة اليمين.
• مزودة بلمبة ليد بتقدر تتابع منها وضع السماعات وهي في الشحن حتى لو العلبة مغلقة.
• سهلة التثبيت، بمجرد ما تشغل البلوتوث عالموبايل وتفتح صندوق السماعات جنب الموبايل هيكتشفها تلقائيا وتظهر رسالة إذن لتشغيل السماعة.
• علبة الشاحن ذكية بتحفظها والسماعة بتفضل متصلة بالعلبة عن طريق مغناطيس قوي بيحافظ على ثباتها حتى لو قلبت العلبة السماعات بتفضل محتفظة بثباتها بشكل عالي.
• مزودة بمخدات أذن متعددة المقاسات، تقدر تغير حجم المخدات المطاطية اللي بتدخل في الأذن بما يتناسب مع حجم أذنك وبالتالي بتكون محكمة بشكل أكبر وتناسب الجميع بعكس الأنواع التانية.

عيوب سماعة بلوتوث من شاومي ريدمي ايردوتس

• غير مزودة بميكروفون مزيل للضوضاء والمكالمات مش بتكون واضحة في الزحمة.
• جودة الصوت فيها متوسطة، بمعنى إنك لما بتسمع موسيقى في بعض الأغاني بتسمع زنة في الصوت لو عليت مستوى الصوت للآخر.
• عمر البطارية يعتبر متوسط ومش بتستمر فترات طويلة.
• لا تدعم معايير مقاومة الماء والتعرق وبالتالي بيكون استخدامها للرياضيين غير مناسب.
• الشاحن عادي مش USB Type-C ودي من سلبياتها.
• لا يوجد مؤشر لبيان مستوى البطارية في علبة الشاحن، مجرد لمبة ليد واحدة بتدي إضاءة حمراء لما الشحن يخلص.
• لا يمكن التحكم بمستوى الصوت من خلال السماعة وبيتم التحكم عن طريق الموبايل.

تجربة المستخدم لسماعة بلوتوث من شاومي ريدمي ايردوتس

• السماعة سيئة جدا وأوقات بتعلق وصوتها مش حلو وفي ضوضاء في الصوت.
• اشتريتها أون لاين وطلع المنتج سيء وكوبي مش أصلي ومش بتشحن.
• السماعة مش أصلية وبعد أقل من شهر من الاستخدام البوكس بتاعها مش بيقفل دا غير العيوب الموجودة في السماعة.
• جيدة في سماع الموسيقى لكن جودة الصوت في المكالمات بتتغير كتير وأوقات كتير مش بترضى تشحن.
• جودة السماعة ممتازة بس لازم تتأكد إنها الأصلية، والصوت فيها حلو سواء مكالمات أو موسيقى.

شوف سماعة Xiaomi Redmi Airdots TWS من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال         

أمنية عزمي، بكتب من 4 سنين، مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.