مراجعة سامسونج جلاكسي تاب 3 لايت
كتبت: منى عوض
هنتكلم النهارده عن سامسونج جلاكسي تاب 3 لايت، وهنتعرف في المقال ده على أهم المواصفات والمميزات والعيوب الخاصة بالتابلت ده، ولو عجبك وعاوز تشتريه تقدر تعرف أفضل سعر ليه وتقارن بينهم وتقدر كمان تطلبها من خلال ياقوطة وهيوصل لحد عندك في أسرع وقت.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
المواصفات
| الشاشة | البروسيسور | الرام | الكاميرا | الميموري | البطارية | الأندرويد |
| ٧ بوصة | ثنائي النواة | ١ جيجابايت | ٢ ميجابكسل | ٨ جيجابايت | ٣٦٠٠ مللي أمبير | جيلي بين 4.2 |
وصف التابلت
- الجهة الأمامية من التابلت فيها الشاشة وفوقها سماعة المكالمات وشعار سامسونج، أما تحت الشاشة في زرار الـ Home الرئيسي في المنتصف وزرار العودة في الجهة اليمنى وزرار تعدد المهام على الجهة اليسرى.
- الجهة الخلفية فيها الكاميرا الخلفية وجنبها السماعات الخلفية وتحتها شعار شركة سامسونج.
- الجهة اليمنى فيها زرار الباور وأزرار التحكم في مستوى الصوت.
- الجهة اليسرى فيها منفذ مخصص لمنفذ شريحة الاتصال من النوع Micro ومنفذ تاني لتركيب كارت ميموري خارجي.
- الجهة العليا للموبايل فيها منفذ لتركيب السماعات الخارجية 3.5 ملم (الهاند فري) وجنبها منفذ الـ USB المخصص للشحن.
التصميم
المزايا
- التابلت مصنوع من البلاستيك.
- أبعاد التابلت: ١٩٣٫٤ × ١١٦٫٤ × ٩٫٧ ملم.
- وزن التابلت ٣١٠ جرام.
العيوب
- التابلت مش بيدعم وجود مستشعر بصمة الإصبع.
- مفيهوش لمبة إشعارات LED.
تجربة المستخدم
- تصميم التابلت أنيق وجودة خامات تصنيعة عالية ووزنه خفيف وده بدوره بيخليه مريح في الاستخدام بإيد واحدة بس.
الشاشة
المزايا
- شاشة TFT بحجم ٧٫٠ بوصة بدقة ٦٠٠ × ١٠٢٤ بكسل ومعدل كثافة ١٧٠ بكسل لكل بوصة.
- الشاشة بتدعم خاصية اللمس المتعدد، بالإضافة إلى تدعيم خاصية ١٦ مليون لون.
العيوب
- دقة الشاشة ضعيفة.
تجربة المستخدم
- الشاشة حجمها كويس وأداء الشاشة مقبول في مشاهدة الأفلام ولكنها مش قوية جدًا، وكمان زوايا الرؤية بتاعتها مش الأفضل، وبالتالي فيه صعوبة في استخدامها تحت أشعة الشمس.
الأداء
المزايا
- نظام تشغيل التابلت هو جيلي بين 4.2، وبيتميز بوجود معالج من النوع Marvell PXA986 ثنائي النواة Cortex A9 بسرعة 1.2 جيجا هرتز، بجانب معالج رسومى Vivante GC1000، وذاكرة عشوائية ١ جيجابايت.
- الذاكرة الداخلية للموبايل ٨ جيجابايت، وممكن نزودها بإضافة كارت ميموري خارجي مساحته بتوصل لحد ٣٢ جيجابايت.
- بيدعم مستشعر التسارع.
- يدعم الاتصال بالبلوتوث والاتصال من خلال الواي فاي، والـ GPS و GPRS.
العيوب
- مش بيدعم تقنية التواصل قريب المدى NFC وتقنية OTG اللي بتسمح بتوصيل موبايلين بيدعموا الخاصية دي ببعض لتبادل الملفات فيما بينهم.
- مش بيدعم تشغيل راديو FM.
تجربة المستخدم
- التابلت بيقدم أداء كويس جدًا خلال تصفح الإنترنت ولعب الألعاب الخفيفة، ولكنك هتواجه بطء إلى حد ما خلال استخدام التطبيقات والألعاب التقيلة.
- المساحة التخزينية للموبايل بتتملي بسرعه لأن مساحتها صغيرة جدًا وبالتالي فهي ممكن تتسبب في بطء الجهاز، بس التابلت فيه منفذ مخصص لتركيب كارت ميموري خارجي عشان المستخدم يتفادى النقطة دي.
الكاميرا
المزايا
- الكاميرا الخلفية دقتها ٢ ميجابكسل بتدعيم خاصية وضع العلامات الجغرافية وكمان إمكانية تصوير مقاطع فيديو.
العيوب
- مش بيدعم وجود كاميرا أمامية.
- الكاميرا مش بتدعم وجود فلاش LED.
تجربة المستخدم
- الكاميرا هتقدملك صور كويسة في الإضاءة المرتفعة ولكن جودة الصور دي بتقل جدًا في الإضاءة المنخفضة.
البطارية
المزايا
- سعة البطارية كبيرة ٣٦٠٠ مللي أمبير.
العيوب
- البطارية غير قابلة للإزالة.
تجربة المستخدم
- سعة البطارية كويسة وبتدوم لحد يوم كامل من الاستخدام الخفيف والمتوسط ولحد ٨ ساعات من الاستخدام الكثيف.
شوف سامسونج تابلت 3 لايت من هنا.
تقدر تشوف أهم أجهزة التابلت الأكتر شعبية على ياقوطة في عام ٢٠١٧ من هنا.
لو بتدور على تابلت بيدعم اتصال الشريحة بشبكة الإنترنت يبقى اقرأ المقال ده.
ولو محتار تشتري تابلت ولا لابتوب يبقى شوف المعركة الملحمية بينهم من هنا.
وممكن كمان تشوف أفضل موبايلات في السوق المصري من سعر ٢٠٠٠ جنيه وحتى ٣٥٠٠ جنيه من هنا.
وممكن تشوف المقال ده اللي بيصنفلك الهواتف على حسب اهتمامك.
ممكن تشوف أفضل ١٢ تابلت بسعر يبدأ من ١٢٠٠ جنيه من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال