كتب: محمد حمدي

الدخول على الإنترنت أصبح من الأمور البديهية في حياتنا اليومية، ونقدر نقول إن الإنترنت أصبح داخل في كل تفصيلة في حياتنا اليومية، من الشغل للترفيه للاتصال للمعلومات للدراسة.. إلخ. لكن كتير من الناس بتحتاج تكون متصلة بالإنترنت طوال الوقت حتى لو بره البيت، علشان كده بتظهر أهمية وجود جهاز تابلت بيدعم الاتصال بالإنترنت من خلال شريحة التليفون أو الداتا.

في موضوعنا النهارده هنقدم لكم مجموعة من أقوى أجهزة التابلت اللي بتدعم الاتصال بالإنترنت من خلال شريحة التليفون.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

١- iPad Pro 12.9

المميزات

• سرعة الجهاز ممتازة ويقدر يقوم بمهام كتيرة في نفس الوقت.
• جهاز حديث وشكله الخارجي مميز.
• وزن الجهاز خفيف ومثالي للحركة.
• متوفر إكسسوارات كتيرة للجهاز.
• متعدد الاستخدامات ويقدر ينافس كتير من أجهزة اللاب توب.

العيوب

• الحجم الخارجي للجهاز ممكن يضايق بعض المستخدمين اللي مش بيحبوا الحجم الضخم.
• سعر الجهاز يعتبر غالي جدًا مقارنةً بباقي الأجهزة.
• الجهاز ممكن يحتاج إضافات كتيرة لاستفادة المستخدم بيه، زي الجراب أو السماعات أو لوحة المفاتيح المنفصلة، وكل الأمور دي بتيجي بسعر عالي.

تجربة المستخدم

تعتبر أجهزة أبل من الأجهزة القوية في السوق التكنولوجي، وبتوفر مستوى عالي من الأداء وسرعة تصفح ممتازة ونظام ثابت وقوي، لكن في المقابل الجهاز بييجي بسعر عالي وإكسسوارات غالية محتاجه ميزانية لوحدها.

ممكن تشوف iPad Pro 12.9 من هنا.

٢- iPad 9.7

المميزات

• حجم التابلت مثالي للانتقال من مكان للتاني بسهولة وسرعة.
• وزن التابلت ممتاز وقابل للحمل في أي شنطة بسهولة.
• أداء قوي ونظام ثابت ومتزن.
• الكاميرا تعتبر واحدة من أفضل الكاميرات اللي شوفناها في التابلت مؤخرًا.

العيوب

• مساحة التخزين كانت محتاجة تكون أفضل.
• سعر التابلت يعتبر غالي مقارنةً بباقي الأجهزة.
• عمر الجهاز يعتبر قصير شوية خاصةً مع التحديثات اللي بتطلقها أبل واللي بتجبر المستخدمين على تحديث أجهزتهم.
• رامات الجهاز كانت محتاجة تكون أفضل.

تجربة المستخدم

التابلت يعتبر واحد من أفضل الأجهزة اللي اختبرناها، خاصةً فيما يتعلق بالوزن والحجم، لكن العيب الوحيد اللي حسينا بيه هي إن الجهاز مش بيقدم قيمة كويسة مقابل ثمنه – وثمنه غالي بالمناسبة – بسبب إجبار أبل المستخدمين على تحديث الأجهزة كل فترة. 

ممكن تشوف iPad 9.7 من هنا.

٣- Samsung Galaxy Tab A T285

المميزات

• معالج الجهاز يعتبر قوي وسريع.
• حجم الشاشة الخاصة بالجهاز يعتبر مناسب وجيد.

العيوب

• بطارية الجهاز كانت محتاجة تكون أفضل وتدوم لوقت أطول.
• نظام التشغيل كان المفروض يكون أحدث من أندرويد 5.1.1.
• الجهاز يعتبر بطيء مع ١٫٥ جيجابايت من الرامات.
• كاميرا الجهاز تعتبر ضعيفة.

تجربة المستخدم

الجهاز يعتبر مناسب للمبلغ اللي بيندفع فيه. هو فعلًا مش أقوى جهاز شوفناه لكن أيضًا هو مناسب للسعر والإمكانيات وبيقدم تجربة استخدام جيدة ومقبولة للمستخدمين. لو التابلت كان أسرع شوية كان هيبقى أفضل طبعًا.

ممكن تشوف Samsung Galaxy Tab A T285 من هنا.

٤- Huawei MediaPad T1

المميزات

• سعر التابلت يعتبر رخيص.
• بطارية الجهاز بتدوم لوقت جيد.
• معالج الجهاز متناسب مع باقي إمكانياته وسعره.

العيوب

• الجهاز يعتبر بطيء نسبيًا.
• حجم الشاشة صغير.
• جودة تصوير الكاميرا ضعيفة.

تجربة المستخدم

لو بتدوّر على جهاز رخيص، ومش مستني منه أداء خرافي، يبقى التابلت ده هيكون مثالي بالنسبة لك. لكن لو متوقع أداء عالي وكاميرا قوية وتفاصيل دقيقة، ننصحك تدور على تابلت تاني، وكمان ترتفع بالميزانية شوية.

ممكن تشوف Huawei MediaPad T1 من هنا.

٥- Huawei MediaPad T3

المميزات

• البطارية أدائها متميز جدًا.
• كاميرا الجهاز متوسطة الأداء.
• حجم الشاشة مناسب جدًا
• وزن الجهاز كويس جدًا.

العيوب

• رامات الجهاز كانت محتاجة تكون أسرع.
• سعر الجهاز يعتبر غالي مقارنةً بإمكانياته.

تجربة المستخدم

التابلت ده كان ممكن يكون ممتاز لو كان سعره أرخص من كده شوية. لكن بالمقارنة بين سعر الجهاز وإمكانياته واستخدامه حسّينا إننا ممكن نلاقي جهاز تاني في نفس الفئة السعرية بمواصفات أفضل من كده بكتير.

ممكن تشوف Huawei MediaPad T1 من هنا.

٦- Lenovo Tab 3 

المميزات

• حجم الجهاز يعتبر جيد.
• قوة الكاميرا مناسبة للجهاز والسعر.

العيوب

• بطارية الجهاز تعتبر ضعيفة وبتنفذ بسرعة.
• إصدار أندرويد كان محتاج يكون أحدث وأفضل.
• كفاءة الشاشة من حيث عرض الألوان مش قوية.

تجربة المستخدم

• الجهاز يعتبر مقبول مقارنةً بسعره، لكن بشكل عام إمكانيات الجهاز كانت محتاجة تكون أفضل خاصة من حيث السرعة والكفاءة.

ممكن تشوف Lenovo Tab 3 من هنا.

Vodafone Tab Mini7 -٧

المميزات

• سعر الجهاز كويس.
• إصدار أندرويد يعتبر جيد مقارنةً بسعر الجهاز وإمكانياته.

العيوب

• المعالج ضعيف وبطيء.
• الكاميرا سيئة للغاية.
• الجهاز يعتبر بطيء في إجمالي أداءه.

تجربة المستخدم

• للأسف الجهاز يعتبر من أسوأ الأجهزة اللي اختبرناها، ويعتبر الخيار الأفضل للمستخدمين في حالة وجود ميزانية محدودة أو لو عاوزين تابلت لمهام بسيطة وصغيرة.

ممكن تشوف Vodafone Tab Mini7 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.