كتبت: ميّ نور

مهمة تحضير الأكل يوميًا مش دايمًا بتكون سهلة سواء على الستات أو حتى الرجالة، خصوصًا لو الشخص اللي بيحضر الأكل كل يوم قدامه مهام تانية كتيرة في البيت أو الشغل، ده غير إن كتير مننا دايمًا بيكون حريص على إنه يعمل أكل صحي، لكن الموضوع بيكون صعب ومش دايمًا بنعرف نلتزم بيه بسبب ظروف حياتنا ووقتنا وكمان أداوات المطبخ التقليدية اللي مش بتساعدنا في ده، وكتير من خبراء المطبخ دايمًا بينصحوا بتسوية الأكل بالبطيء، وده أحيانًا بيكون صعب على أي شخص وراه مسئوليات كتيرة، لكن دلوقتي بعد التطور اللي التكنولوجيا وصلتله في كتير من المجالات بقينا نسمع عن حلة الطهي البطيء الذكية، واللي انتشرت مؤخرًا في الغرب بصورة كبيرة، لكن لحد دلوقتي ما وصلتش لنفس مستوى الشهرة ده في مصر أو البلاد العربية عمومًا، وعشان كده النهارده في ياقوطة هنتكلم عن حلة الطبخ Crock Pot الذكية وهنقدملكم ريفيو عنها مع أهم مميزاتها وعيوبها، ولو عجبتكم وعاوزين تشتروها تقدروا من خلالنا تعرفوا أحسن الأسعار ليها وتقارنوا بينهم، وكمان تطلبوها من خلالنا وهتوصل لغاية عندكم في أسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعوده وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

مراجعة حلة الطبخ Crock Pot الذكية

• بتتميز حلة الطبخ Crock Pot الذكية بإنكم ممكن تتحكموا فيها من على بعد من خلال السمارت فون أو التابلت عن طريق تطبيق WeMo®‏ اللي بتحملوه بشكل مجاني لأجهزة الأندرويد والـ iOS وتعملوا Connect بينه وبين حلة الطبخ الذكية، ومن خلاله هتقدروا تتحكموا فيها عن بُعد في أي مكان مهما كنتم، يعني لو انتوا بره البيت لأي سبب وكنتم مركبين الفيشة الخاصة بـ Crock Pot وقررتوا تبدأوا طبيخ، هتقدروا بكل سهولة تفتحوا الأبليكيشن من الموبايل وتختاروا درجة الحرارة اللي محتاجين تسووا بيها الأكل وتبدأوا عملية الطهي في الوقت اللي تحبوه، وممكن كمان توقفوا أو تستكملوا أو تغيروا درجة الحرارة بعد كده براحتكم، ولو قلقانين إنه الأكل ممكن يتحرق، فهي بمجرد ما بتنتهي من الطهي بتبعت تنبيه على الموبايل وبتقوم تلقائيًا بتحويل نفسها من وضع الطهي لوضع الحفاظ على حرارة الأكل فقط، لحد ما توصلوا البيت وتلاقوا الأكل كأنه لسه مطبوخ طازة.
• كمان حلة الطبخ Crock Pot الذكية بتتميز بإنها بتيجي مع شاشة LED عشان تتحكموا فيها يدوي، وتقدروا من خلالها تختاروا درجات الحرارة اللي عايزين تطبخوا بيها، وكمان بتيجي مع ٣ أوضاع، وهي (الطهي السريع، الطهي البطيء، الحفاظ على حرارة الأكل).
• والحلة بتيجي مع جسم خارجي من المعدن، وده اللي بتتولد فيه الحرارة عن طريق التوصيل بفيشة الكهربا، وجواه الحلة الفخار اللي بيتسوى فيها الأكل، وعليها الغطا القزاز الشفاف اللي بيخليكوا تشوفوا مراحل الطهي بسهولة، وفي الجنبين بتيجي مقابض من البلاستيك المقاوم للحرارة عشان تقدروا تحركوا الحلة من خلالها بسهولة.

المميزات

• الحلة بتقدم أكل صحي ومضمون بدون أي زيوت لأن الطهي البطيء بيستخدم الدهون الموجودة في الأكل بس مش بيحتاج لدهون تانية.
• مناسبة للنباتيين واللي محتاجين يحافظوا على رشاقتهم وأصحاب الريجيم والأنظمة الغذائية الصحية.
• طعم الأكل بيكون جميل جدًا وطبيعي، وخصوصُا لو بتعملوا خضار مع لحوم في نفس الطبخة.
• سهلة التنضيف لأنها مش بتجمع أي رواسب صعبة من الأكل.
• آمنة على غسالة الصحون.
• موفرة للوقت والمجهود وبتساعد في عمل أكلات كتيرة ببساطة، وكمان بتتحكموا فيها في أي وقت وأي مكان.
• ممكن توصلها مع أي شبكة انترنت من الجل الثالث أو الرابع أو أي شبكة واي فاي متاحة.
• التطبيق بتاعها WeMo® متاح بشكل مجاني على أجهزة الأندرويد من أول إصدار 4.0 فما فوق، وكمان أجهزة الـ iOS من إصدار 7.0 فما فوق.

العيوب

• استهلاك زيادة على فاتورة الكهرباء.
• مش هتقدر تعمل بعض الأكلات، وهتحتاجوا تحضروا بعض الحاجات بنفسكم الأول.
• الحلة الفخار لو اتحط فيها أي أكل مجمد هتنفجر بمجرد ما تسخن، وعشان كده لازم تطلعوا الأكل قبل ما تستخدموها بفترة وتتأكدوا إنه مش مجمد.
• الأكل بياخد وقت طويل جدًا، ودي ميزة وعيب، لأن فيه ناس هتحتاج الأكل يخلص بسرعة أكتر، يعني لو هتطبخوا لحمة على سبيل المثال فهي هتاخد من ٦ إلى ٨ ساعات على برنامج الطهي البطيء، ومن ٤ إلى ٦ ساعات على برنامج الطهي السريع، وده مش هيكون مناسب مثًلا للعزومات اللي بتيجي فجأة.
• لو فتحتوا غطا الحلة عشان تشوفوا الأكل ده ممكن يعطل الطبخة لمدة نص ساعة كمان.
• لازم يكون فيه إنترنت شغال في البيت وتكونوا موصلينها في الفيشة، ويكون معاكوا إنترنت كمان وإنتوا بره البيت لو محتاجين تتحكموا فيها عن بعد.

تقدر تشوف حلة الطبخ Crock Pot الذكية من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.