مميزات وعيوب غسالة الأطباق وايت بوينت سعة ١٢ فرد
كتبت: أمنية عزمي
غسالة الأطباق واحدة من أدوات المطبخ العصري، واللي كتير من الناس بيفضل وجودها في البيت لسهولة تنضيف وتعقيم أدوات الطبخ من حلل وأطباق وملاعق وغيرهم. هنتكلم النهارده عن غسالة الأطباق وايت بوينت سعة ١٢ فرد، وهنتعرف على مواصفاتها ومميزاتها وعيوبها، ولو عجبتك الغسالة وعاوز تشتريها تقدر من خلال ياقوطة تتعرف على أحسن الأسعار وتقارن بينهم، وممكن كمان تطلبها من خلالنا وهتوصل لغاية عندك في أسرع وقت
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
المواصفات
| كود المنتج | WH042HLADRIWNAFAMZ |
| اللون | فضي. |
| بلد المنشأ | تركيا. |
| الخامة الأساسية | إيناميلد. |
| مدة الضمان | خمس سنوات. |
| الأبعاد | عرض ٦٠ × عمق ٦٠ × ارتفاع ٨٥ سم. |
المميزات
- تسع حتى ١٢ فرد. كبيرة، يعني تقدر تستخدمها في العائلات الكبيرة أو العزومات وبتاخد كميات كبيرة من المواعين.
- بتوفر في المية بنسبة ٤٠٪ أكبر من الغسيل اليدوي العادي، يعني مثلًا لو بتستخدم ١٠ لتر مية في الغسيل اليدوي هي هتستهلك ٦ لتر.
- بتوفر في الكهرباء لو استغنيت عن مرحلة التجفيف بالحرارة وسبت الأطباق تجف بالهوا الطبيعي.
- فيها برنامج نص حمولة. ده مفيد في حالة لو معندكش مواعين كتير ومحتاج تشغلها، وبتاخد وقت قليل علشان تخلص البرنامج، غير لما تضطر تستناها لما تتملي وتشتغل وقت كامل.
- فيها أربع برامج (مكثف-اقتصادي-سوبر-سريع) بتوفرلك كل البرامج اللي ممكن تحتاجها وبتستخدم البرنامج اللي بيناسب الكمية وحالة اتساخ الأطباق وحسب استعجالك كمان.
- بتستهلك كميات أقل من الصابون اللي بتستخدمه في غسيل المواعين العادي، وقدرتها على تنضيف الأطباق الزجاج والكوبايات بتبقى بشكل أفضل.
- بتوفر وقت طويل ومجهود.
- فيها تحكم إلكتروني بالكامل. يعني بتظبط البرنامج وهي بتغسل وتشطف وتعقم وتخلص كله بشكل إلكتروني وبدون تدخل.
- مزودة بمفاتيح تشغيل/إيقاف – البرامج/ تأجيل التشغيل/ البداية/ الإيقاف المؤقت. تشغيل وإيقاف معروفين. تأجيل التشغيل ده بتستخدمه لما تحب تأجل تشغيل البرنامج لوقت معين. البدهية بتظبطه على بداية التشغيل أو البرنامج. الإيقاف المؤقت بتستخدمه لو مش حابب تكمل دورة الغسيل لأي سبب وبتكلمه في الوقت المناسب.
- فيها مؤشر للمية بيوضحلك المنسوب اللي واصلة ليه.
العيوب
- بتاخد حيز من المطبخ لإن حجمها كبير نسبيًا.
- بتحتاج وصلات للمية والصرف.
- بتحتاج تشطف الأطباق بالمية قبل ما تحطها في الغسالة.
- مهم تنضف المواعين من بواقي الأكل الأول، وده موجود في كل الغسالات عمومًا.
- بتحتاج صيانة زي أي جهاز كهربائي وبتحتاج تنضيف كل فترة علشان رواسب الصابون والأملاح وعلشان تشتغل بنفس قدرتها.
خدمة ما بعد البيع
- بتمتاز وايت بوينت بمراكز صيانة معتمدة ومهندسين وفنيين على أعلى كفاءة. دعم فني وبتديك ضمان على الغسالة ٥ سنين. وقطع غيارها الأصلية متوفرة. لكن استجابتهم للعميل مش سريعة وفي شكوى منهم. بالنسبة للتصليح بيتم في البيت. وبالنسبة للصيانة خارج الضمان بيديك سنة ضمان على الصيانة اللي بيقوم بيها فريق العمل.
تجربة المستخدم
- الصيانة مش بيهتموا وبياخدوا وقت كبير جدًا علشان يستجيبوا للمشكلة عند العميل.
- ناس مش بتقدر تغسل فيها حلل وناس بتغسل فيها حلل عادي بس مش أحجام كبيرة.
شوف غسالة الأطباق وايت بوينت سعة ١٢ فرد من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال