كتبت: أمنية عزمي

تلاجة ألترا بتتميز بمواصفات مهم جدا تواجدها في أي نوع، والنوفروست من أهم المميزات الكبيرة فيها لأنك مش بتضطر تدوب التلج من الفريزر كل شهر وبتوفر عليك مجهود كبير ووقت والأهم إنها بتوفر عندك المساحة كاملة في الفريزر للتخزين، التلاجة حجمها كبير بسعة كلية 370 لتر، ومن الفئة A في استهلاك الطاقة، وفيها جهاز منبه في الباب علشان لو ما اتقفلش كويس، وفيها خاصية إزالة الروائح الكريهة من التلاجة وبتحافظ عالأكل صحي وطازج لفترات طويلة، دا غير إنها بتشتغل بفاعلية في الطقس الاستوائي، مزايا كتير في ثلاجة ألترا- نوفروست- 370 لتر هنتكلم عنها في المراجعة دي مع ياقوطة وهنوضح أهم مواصفاتها ومميزاتها وعيوبها ورأي المستخدمين فيها علشان نساعدك تكون فكرة كاملة عنها، ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وهتوصلك لغاية عندك في أقرب وقت.

بنفكرك إنك ممكن تشتري ثلاجة ألترا- نوفروست- 370 لتر- فضي- URF370 من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• النوع: ثلاجة إتنين باب.
• نظام التبريد: نوفروست.
• السعة باللتر: 370 لتر.
• عدد سنوات الضمان: 10 سنوات.
• العرض: 700 ملليميتر.
• الإرتفاع: 1775 ملليميتر.
• العمق: 675 ملليميتر.
• اللون: فضي.
• مكان الفريزر: علوي.
• شاشة عرض: متوفر.

المميزات

• تعمل بتقنية نوفروست اللي بيدوب التلج بشكل أتوماتيكي وبيوفر عليك مجهود كبير والأهم انه بيمنحك المساحة كاملة للفريزر طول الوقت وكمان بيحافظ على البرودة المطلوبة وبيخليها أسرع بنسبة 40% علشان تحافظ على مستوى التبريد وعلى الأغذية طازجة بشكل دائم.
• مصنفة من الفئة A اللي معروفة بإنها أعلى كفاءة وأقلهم استهلاك للكهرباء.
• موتور قوي بيوفر في الطاقة حتى 30% أقل من الطاقة المستهلكة.
• بتتميز بحجم كبير وسعتها اللترية 370 لتر والحجم ده من الفئات اللي عليها طلب عالي لأنه مثالي.
• تعمل بنظام تنقية الهواء من الروائح الغير مستحبة عن طريق الفلاتر الكربونية وبالتالي بتحافظ على كل ما بداخلها طازج وصحي لأطول فترة.
• مصممة ببابين وتصميم المقابض فيها داخلية علشان تحافظ على الشكل الانسيابي للتلاجة ولونها الفضي بيخليها قطعة أثاث أنيقة بتضيف جمال لأي مكان تكون فيه.
• الأرفف الداخلية للتلاجة مصنعة من الزجاج الكريستال الغير قابل للكسر واللي بيتحمل الأوزان وقابل لتعديل مكانه بالشكل اللي يتناسب مع الأحجام المختلفة.
• مزودة بمفاتيح منفصلة للتحكم في درجات الحرارة داخل الثلاجة والفريزر بشكل منفصل، بالإضافة لذاكرة لحفظ وضع التشغيل.
• مزودة بشاشة رقمية بتقدر تتحكم من خلالها في درجات الحرارة.
• فيها إضاءة داخلية بتنور التلاجة بالكامل علشان تمنحك رؤية أوضح.
• موتور قوي يعمل في درجات الحرارة المرتفعة والطقس الاستوائي.
• مزودة بمواد عازلة بتمنع تسريب البرودة وبتحافظ على الحرارة الداخلية وبالتالي بتقلل من استهلاكها للكهرباء.
• تقسيمتها من الداخل مريحة وفيها أرفف في الباب بمساحات مختلفة لزجاجات المية والعصائر ومكان للبيض ودرج كبير شفاف للخضار والفاكهة اللي بتقدر تكشف المحتويات جواه بسهولة.
• مزودة بدرج خاص لصناعة مكعبات الثلج.
• عليها ضمان لمدة 10 سنوات.

العيوب

• مش بتحتوي على تكنولوجيا الإنفرتر اللي بتتحكم في تغيير التردد الكهربائي.
• تقنية النوفروست بتستهلك الكهرباء بشكل عالي.
• درج الخضار الواحد الكبير بيكون عرضة للكسر وصعب في التعامل معاه خاصة بالأوزان، والأفضل الدرجين المنفصلين.
• خدمة الصيانة من بي تك سيئة جدا.

خدمة العملاء

• العلامة التجارية ألترا تحت إدارة مؤسسة بي تك، ورقم صيانة بي تك 19966.
• مستوى الصيانة سيئ جدا وكل الناس بتشتكي منهم وفي شكاوى ضدهم كتير.

تجربة المستخدم

• التلاجة جديدة لسه وما قابلناش ناس جربتها، لكن بصفة عامة 95% من اللي اشتروا أجهزة بصيانة بي تك بيشتكوا إن مستوى التعامل مع الصيانة سيئ جدا والفنيين المسؤلين عن الاجهزة مستواهم ضعيف والأجهزة بتبوظ وهي جديدة.

شوف ثلاجة ألترا- نوفروست- 370 لتر من هنا.

**قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من سنة ونص. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.