كتبت: أمنية عزمي

تلفزيون جي هانز ال 32 بوصة بيتمتع بجودة صورة عالية الوضوح بدقة 1080 بكسل، ألوانه طبيعية، صوته واضح، وبيتميز بتعدد المنافذ زي USB وال HDMI  اللي بتضيف متعة اختيار البرامج والأفلام من خلال توصيلهم بالشاشة ويبقى جمعت كل اللي نفسك فيه في شاشة واحدة بسعر منافس جدا، لكن هل المواصفات والسعر لوحدهم كفاية إنك تقرر تشتريه! دا اللي هنجاوب عليه في المراجعة دي مع ياقوطة وهنوضح أعم مواصفات ومميزات وعيوب تليفزيون جي هانز 32 بوصة- LED FHD– 32PL12 وهننقل لك رأي المستخدمين فيه ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

بنفكرك إنك ممكن تشتري تليفزيون جي هانز 32 بوصة- LED FHD- 32PL12 من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• رقم الموديل: 32PL12
• حجم الشاشة بالبوصة: 32
• نوع العرض: FHD|LED
• بلد المنشأ: الصين
• الاتصال: HDMI|USB

المميزات

• الشاشة مصممة بحواف رفيعة وشكل جميل، وحجمها مناسب لدقتها الكاملة FHD بدقة 1920×1080 بكسل بتقدر تشوف فيها كل التفاصيل الصغيرة بوضوح عالي.
• شاشة ليد بإضاءة خلفية، بيظهر فيها تباين اللون الأسود وكمان بتظبط سطوع الشاشة بشكل أتوماتيكي وبتديك جودة عالية للصورة واقتصادية في سعرها.
• التلفزيون مزود بمنفذين HMDI بتقدر توصله بالألعاب زي البلاي ستيشن وبأجهزة اللاب توب وتستمتع بالمحتوى على الشاشة الكبيرة.
• مزود بمنفذين USB اللي بتوصل الفلاشة من خلاله أو الهارد درايف وتتفرج على المحتوى المفضل على شاشة أكبر.
• مصمم بقاعدة تصميمها ذكي من ناحية الارتفاع والسمك وبزوايا تحافظ على ثباته بشكل جيد في حالة الصدمات.
• سمك الشاشة رفيع ودي ميزة تساعدك انك تعلقه عالحائط وبالتالي تستغل مساحة المكان بشكل أفضل.
• مزود بريموت كنترول بتتحكم فيه عن طريقه من بعد وانت في كامل استرخائك وراحتك

العيوب

• من أنواع الشاشات اللي الليد فيها قابل للتلف بسهولة وبعد فترة قليلة بتلاقي نقط في الشاشة.
• مش مذكور فترة ضمان.
• مش بتقدر تشوف الشاشة من الزوايا.
• غير مزود بمنفذ VGA.
• لا يحتوي على منفذ RF الخاص بالإيريال الأرضي.
• مفيش غير مركز صيانة واحد على مستوى الجهمورية وبالتالي بيكون في صعوبة في الوصول ليهم، بالإضافة إن في شكاوى من سوء خدمة ما بعد البيع.

خدمة العملاء

• توكيل صيانة جي هانز ليهم مقر وحيد في عمارات العبور- صلاح سالم- الخط الساخن 01202020373
• ناس كتير بتشتكي من مستوى سوء الصيانة واستجابتهم وسوء المعاملة وتدني مستوى الإصلاح وإن الأجهزة بتروح وترجع بنفس العيب أكتر من مرة.

تجربة المستخدم

• الناس اللي جربوه في منهم بيقول كويس وفي منهم واجه مشاكل معاه زي ان كارت الشاشة اتحرق وصلحه في التوكيل وباظ تاني بعدها بوقت قليل، وفيه شكوى من ان الصيانة ومستوى الفنيين لا يفقهوا شيئ في التصليح ومفيش قطع غيار.

شوف تليفزيون جي هانز 32 بوصة- LED FHD– 32PL12 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من 3 سنين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.