كتبت: منى عوض

شركة فودافون مصر واحدة من أكبر شركات الاتصالات في مصر، وكعادة الشركة في محاولتها تقديم مميزات وعروض كتيرة لعملائها، بتحاول إنها ترضي شريحة تانية من عملائها محبي استعمال أجهزة التابلت.

هنتكلم النهارده عن تابلت Vodafone Tab Mini7 3G، وهنتعرف من خلال الريفيو ده على أهم مواصفات ومميزات وعيوب التابلت، ولو عجبك وعايز تشتريه تقدر تعرف أحسن الأسعار ليه وتقارن بينهم وتقدر كمان تطلبه من خلال ياقوطة وهيوصل لحد عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

المواصفات

وصف التابلت

• الجهة الأمامية من التابلت بتتميز بوجود الشاشة وفوقها سماعة المكالمات والكاميرا الأمامية.
• الجهة الخلفية فيها شعار شركة فودافون في نص الجهاز وفوقها الكاميرا الخلفية، أما بجانب الكاميرا فهنلاقي السماعات الخلفية للتابلت.
• الجهة اليمنى بتتميز بوجود زرار الباور وتحته هنلاقي أزرار التحكم في مستوى الصوت.
• الجهة اليسرى فيها منفذ مخصص لشريحة الاتصال ومنفذ تاني لتركيب كارت ميموري خارجي.
• الجهة العليا فيها منفذ لتركيب السماعات الخارجية 3.5 ملم (الهاند فري).
• أما الجهة السفلى من التابلت فهي يتحتوي على منفذ الـ USB 2.0 اللي هيخليك تقدر تشحن التابلت مرة تانية أو توصله باللاب توب أو جهاز الكمبيوتر بتاعك.

التصميم

المزايا

• أبعاد التابلت: ١٨٩٫٢ × ١٠٧٫٦ × ٩٫١٥ ملم.
• وزن التابلت خفيف ٢٥٥ جرام.

العيوب

• مش بيدعم وجود مستشعر بصمة الإصبع.
• مش بيدعم وجود لمبة إشعارات LED.

تجربة المستخدم

• تصميم التابلت كويس ووزنه معقول وده لإن فودافون نجحت في توزيع وزن التابلت على جسمه بشكل متساوي.

الشاشة

المزايا

• شاشة TFT بحجم ٧ بوصة بدقة ٦٠٠ × ١٠٢٤ بكسل ومعدل كثافة ١٧٠ بكسل لكل بوصة، وكمان بتدعم خاصية اللمس المتعدد.

العيوب

• دقة الشاشة ضعيفة.
• شاشة التابلت مش مزودة بأي طبقة حماية ضد الكسر أو الشرخ.

تجربة المستخدم

• الشاشة حجمها كويس وأدائها مقبول إلى حد ما ولكنها مش قوية وزوايا الرؤية بتاعتها مش كويسة قوي في الإضاءة الخارجية، ولإنها مش مزودة بأي طبقة حماية إضافية فالسمتخدم يشتري اسكرينة حماية للشاشة.

الأداء

المزايا

• نظام تشغيل الموبايل هو مارشميلو 6.0، وبيدعم وجود معالج من النوع MediaTek ومعالج رسومي ARM Mali وكمان فيه ذاكرة عشوائية ١ جيجابايت.
• ممكن نضيف ميموري خارجي مساحته بتوصل لحد ٦٤ جيجابايت.
• بيدعم مستشعر التسارع ومستشعر القرب، وكمان بيدعم الاتصال بالبلوتوث 4.1 والاتصال من خلال الواي فاي والـ GPS.
• بيشغل راديو الـ FM.
• فيه منفذ لشريحة الاتصال وبيدعم شبكات الجيل الثاني والثالث.

العيوب

• مساحة الميموري الداخلي للتابلت قليلة ٨ جيجابايت بس.
• مفيهوش تقنية التواصل قريب المدى NFC.

• أداء التابلت ضعيف جدًا يعني مش هينفع نستخدمه غير في التطبيقات الخفيفة لكن مع التطبيقات أو الألعاب التقيلة هتلاقي إن التابلت بيهنج جدًا وبيسخن، ده غير إن المساحة التخزينية بتاعته بتتملي بسرعه لأنها ٨ جيجابايت بس وبالتالي بتتسبب في بطء الجهاز.
• صوت سماعة إجراء المكالمات مقبول والصوت بيكون مسموع بشكل كويس.
• نظام التشغيل مش بيقبل التحديث للنظام الأحدث نوجا.

الكاميرا

المزايا

• بيدعم وجود كاميرتين الأولى هي الكاميرا الخلفية ودي دقتها ٢ ميجابكسل وبتدعم تصوير مقاطع فيديو بدقة ٧٢٠ ميجابكسل وعدد لقطات بيوصل لحد ٣٠ لقطة في الثانية، أما الكاميرا الأمامية فدقتها ٢ ميجابكسل برضه.

العيوب

• الكاميرات مش بتدعم وجود فلاش LED.

تجربة المستخدم

• التابلت مش خيار مناسب لأي مستخدم محب للتصوير، ودقة الصور الخاصة بالتابلت ضعيفة حتى في ظروف الإضاءة القوية.

البطارية

المزايا

• سعة البطارية كبيرة ٢٥٨٠ مللي أمبير.

العيوب

• البطارية غير قابلة للإزالة.
• مش بتدعم خاصية الشحن السريع ولا خاصية الشحن اللاسلكي.

تجربة المستخدم

• سعة البطارية كويسة إلى حد ما وممكن تقعد يوم كامل من الاستخدام الخفيف.

شوف تابلت Vodafone Tab Mini7 3G من هنا.

شوف أهم أجهزة التابلت الأكتر شعبية على ياقوطة في عام ٢٠١٧ من هنا.

لو بتدور على تابلت بيدعم اتصال الشريحة بشبكة الإنترنت شوف المقال ده.

ولو محتار تشتري تابلت ولا لابتوب يبقى شوف المعركة الملحمية بينهم من هنا.