أنواع زمزميات المياه
كتبت: يارا الحميلي
المياه ليها فوايد كتير قوي، وعشان كده لازم المية تبقى جزء أساسي من يومنا طول الوقت. وعشان فيه ناس كتير بتنسى تشرب مية، بيبقى الحل إنها تاخد معاها زمزمية في أي مكان. وكمان في الرحلات والمدراس أو الأماكن اللي بيبقى صعب تلاقي فيها مية.
من خلال المقال ده ياقوطة هتعرفك على أحسن أنواع زمزميات في السوق، وخاماتها، ومواصفاتها، بالإضافة للمزايا والعيوب بتاعتها. وتقدر من خلال ياقوطة تعرف أحسن أسعار ليهم وتقارن بين الأسعار المختلفة كمان، ولو عجبك منتج منهم وعاوز تشتريه تقدر من خلالنا تطلبه وهتكون عندك في أسرع وقت.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
أولًا: محتاجين نعرف ليه المية مهمة تبقى معانا في كل وقت؟
- المية مهمة جدًا عشان تنظملك عمليات جسمك الحيوية طول اليوم زي الهضم، والامتصاص، وكمان مهمة في الحفاظ على حرارة الجسم.
- المية بتساعدك على التحكم في السعرات الحرارية بالذات لو كنت بتعمل دايت.
- المية بتدي طاقة لعضلات جسمك.
- وطبعًا المية مهمة جدًا لنضارة بشرتك.
- غير إن المية بتحافظ على صحة الكليتين عن طريق إنها بتخلص الجسم من السموم عن طريق البول.
- وحاجة تانية إن تناول المياه خصوصًا في المواقف الصعبة بيقلل من التوتر.
كمية الماء اللي بيحتاجها الجسم يوميًا
طبعًا الموضوع ده نسبي، يعني هيختلف مع اختلاف عوامل كتير، زي مثلًا الجو حر ولا برد، وكمان وزن وطول الإنسان. والأطباء عامةً اتفقوا على معادلة ممكن من خلالها كل واحد يعرف احتياجه للمية على حسب وزنه. المعادلة كالتالي:
- وزنك × ٣٠ / ١٠٠٠
- فمثلًا لو افترضنا إن وزنك ٨٠ كيلو يبقى احتياجك من المياه ٢،٤ لتر يوميًا.
وعشان يومنا بقى مشغول على طول ياقوطة بتقترح عليك دايمًا يبقى معاك زمزمية عشان تتأكد إنك خدت احتياجك خلال اليوم.
دلوقتي هنعرض عليك أنواع مختلفة من الزمزميات
الزمزميات البلاستيك
- النوع ده بيكون مصنوع من البلاستيك وبيتميز بإن سعره رخيص ولكن مشكلته إن فيه ناس كتير بتشوف إن البلاستيك مش اَمن.
- لو قررت تشتري قزازة أو زمزمية من النوع ده، لازم تتأكد من رمز البلاستيك أو النوع اللي مكتوب على العلبة.
والجدول ده هيوضحلك كل رمز بيدل على إيه
| الرمز |
اسم المادة |
الدلالة |
|
1 |
البولي إيثيلين تريبتالات PET | العبوات دي بتمتص جزء من المواد اللي بتتعبى فيها، وقابلة لنمو البكتيريا، وعشان كده بينصح باستخدامها مرة واحدة بس والتخلص منها بعد كده. |
| 2 | البولي إثيلين عالي الكثافة HDPE | النوع ده جودته عالية ومش بينقل أي مواد غذائية للمادة اللي جوه القزازة. وده من أنسب الأنواع اللي بتستخدم في تصنيع الزمزميات. |
| 3 | بولي فينيل كلورايد PVC | المادة دي مسرطنة وعشان كده مش بتستخدم غير في صناعة المواسير البلاستيكية. |
| 4 | بولي إيثيلين منخفض الكثافة LDPE | النوع ده برضه كويس واَمن ومش بيسبب انتقال المواد الكيماوية للأطعمة لما تكون في درجة الحرارة. |
| 5 | البولي بروبيلين PP | النوع اَمن ومش بيسبب انتقال مواد كيماوية في درجة الحرارة العادية. |
| 6 | بولي ستيرين PS | المادة دي ممكن تنقل المواد المسرطنة من البلاستيك للمشروبات فبينصح نبعد عنها. |
| 7 | يرمز لعدة مواد منها البولي كاربونات | النوع ده أخطرهم كلهم، لإنه بيحتوي على سم البيسفينول أ وبيؤدي لخلل في الهرمونات. |
يعني أنواع البلاستيك الآمنة هي رقم 2 و 4 و5 والباقي مش بينصح باستخدامه.
زمزمية البلاستيك القزاز مع المنظم
المواصفات
- الخامة: بلاستيك
- فيها ٧ أماكن تحط فيه الدواء وتنظمه بالأيام.
- السعة: ٢٠ أونصة (٢٨ مللي لتر تقريبًا).
المزايا
- لو بتاخد دوا هتساعدك تفتكر كل يوم أخدته ولا لأ.
- سهلة جدًا في فتحها وقفلها.
- بتحتفظ بدرجة حراراة المية لحد كبير.
العيوب
- سعرها غالي شوية.
- بتشيل الفلورايد اللي في المية واللي عادةً بيمنع تسوس الأسنان.
ممكن تشوف زمزية المية البلاستيك مع منظم الدواء من هنا.
زمزميات المية القزاز
النوع ده يعتبر اَمن ومن مميزاتها إنها مابتغيرش طعم الحاجة اللي جواها، لكم مشكلتها إنها ممكن تتكسر بسهولة.
قزازة المية الشفافة
المواصفات
- الخامة: قزاز.
- اللون: شفافة.
المزايا
- ميزة القزاز إنه خالي من البسيفينول.
- طعم المياه مش بيتغير فيها.
العيوب
- ماينفعش تتحط في غسالة الأطباق.
- ممكن تتكسر بسهولة.
- مش سهل تاخدها معاك في أي حتة.
ممكن تشوف زمزمية المية القزاز من هنا.
زمزميات المية الاستانلس ستيل
الزمزميات دي سهل قوي تنقلها من مكان للتاني لإنها تعتبر أخف نوع، لكن مشكلتها إنها مش بتحتفظ بحرارة السوائل اللي جواها.
قزازة المياه الاستانلس ستيل-٥٠٠ مللي
المواصفات
- السعة: ٥٠٠ مللي.
- مصنوعة من الفولاذ الصلب.
- غطاء الشرب الداخلي العازل.
- الألوان المتوفرة: أزرق-وردي-خشبي – أخصر-لحمي.
المميزات
- حجمها كويس.
- سهل غسلها عشان ممكن تستخدم معاها درجات الحرارة العالية.
- اّمنة جدًا وخالية من البسفينول أ.
- شكلها جذاب.
- خفيفة جدًا.
- ممكن تحط فيها المشروبات الساقعة والسخنة.
العيوب
- ساعات المية بيبقى فيها طعم بعد ما تتحط فيها.
- لو حطيت فيها مية ساقعة وسيبتها في العربية أو في أي مكان حر المية هتسخن ومش هتحتفظ بدرجة حرارتها.
- اللون اللي براها ساعات بيقشر مع كتر الاستخدام.
- ممكن تتكسر لو وقعت على عكس البلاستيك.
ممكن تشوف زمزمية المية الاستانلس ستيل من هنا.
وممكن تشوف تشكيلة مختلفة ومتنوعة من الزمزميات من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال