كتبت: منى عوض

إكسسوارات الخروج والشكل الخارجي جزء مهم جدًا بالنسبة لأي سيدة يعني تقريبًا من غيرها هتحسي إن فيه حاجة ناقصاكي وممكن تحسي كمان إن أناقتك مش كاملة، بس مش أي إكسسوارات بتمشي مع أي حاجة وبالتالي هنوصل في النهاية إلى إن اختيار قطع الاكسسوارات ده فن ليه قواعد مختلفة أهمها عدم المبالغة في ارتداء الإكسسوارات وارتداء اللي يناسبك تمامًا. 

وعشان الإكسسوارات فن مهم جدًا قررنا في ياقوطة نتكلم عن أهم ١٠ إكسسوارات هيقدروا يكملوا أناقتك بشكل فائق الجمال، ولو عجبك أي حاجة من اللي هنستعرضهم في مقال النهارده تقدري تعرفي أحسن الأسعار ليها وتقدري كمان تطلبيها من خلالنا وهتوصل لحد باب بيتك في أسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا إن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

شنط الإيد

من المعروف إن شنط الإيد واحدة من أهم الإكسسوارات اللي أي ست في الدنيا بتقتنيها لأسباب مختلفة لدرجة إنك ممكن تلاقي سيدات كتير عندها اهتمام شديد بالشنط وألوانها وأشكالها وخامتها وموضتها المختلفة.

بس فيه حاجات مهمة أي ست أو بنت لازم تاخد بالها منها وهي بتشتري شنطة الإيد المناسبة ليها. وهي إنها لازم تختار موديل واستايل مناسب على شكل جسمها، وكمان لازم تكون حاطة في بالها ومحددة كويس هي عايزة تستخدم الشنطة دي في إيه، وبالتالي هتقدر تحدد إذا كانت محتاجة شنطة كبيرة ولا صغيرة.

ولإن فيه عدد كبير من السيدات مش هتقدر تشتري كل أنواع وألوان شنط الإيد المختلفة وبالتالي حبينا نوضح إن أفضل الشنط في الحالة دي بتكون الشنط ذات الألوان المحايدة. يعني ألوان ماشية مع كل حاجه تقريبًا زي الأبيض والأسود والبني وممكن تجيب شنطة كمان لونها جملي أو أي لون مطرقع كده ومظهره رائع.

ممكن تشوفي تشكيلة متنوعة من حقائب السيدات من هنا.

أدوات الميك أب

كتير من البنات بتهتم بأدوات الميك أب وجودتها. وده لإنه بالنسبة ليهم مهم لإظهار جمالهم. وده شيء كويس بشرط الابتعاد عن البهرجة الزايدة أو يكون مش مناسب لنوع أو لون البشرة. يعني مهم جدًا تعرفي إيه أكتر أنواع الميك أب المناسبة بنوع بشرتك ولونها كمان عشان يبقى مظهرك طبيعي وجذاب.

تقدري تختاري أي نوع من أنواع الميك أب المختلفة من هنا.

الكوفية

الكوفية دورها مش بيقتصر على استكمال أناقتك وبس، لأ دي بتدفي كمان في الشتاء وبتقدر تحافظ على حرارة الجسم خصوصًا لو كنتي بتخرجي بدري للمدرسة او الجماعة او الشغل، أو حتى بتوصلي أولادك للمدرسة.

تقدري تشوفي أشكال وأنواع وألوان مختلفة من كوفيات الشتاء من هنا.

 آيس كاب

الآيس كاب قطعة أنيقة جدًا عشان تقدري تكملي مظهرك الأنيق والمختلف، وممكن تختاري بين ألوانه وأحجامه المختلفة وكمان مادة الصنع يعني ممكن يبقى آيس كاب صوف (وده أفضلهم خصوصًا في البرد الشديد) أو تريكو أو كروشيه كله شيك وكويس جدًا وكمان بيدفي جدًا.

ممكن تشوفي الآيس كاب المناسب ليكي من هنا.

جوانتي

الجوانتي أو الكفوف أيًا كان الاسم اللي بتطلقيه عليها بس هي حاجة شيك جدًا هتقدري تدفي بيها إيدك وتحافظي عليها. وكمان هتحافظي على شياتك وده سواء اختارتي الجوانتي الكامل اللي بيغطي كفة الأيد كلها أو اختاري الجوانتي اللي بيبقى بدون أصابع.

ممكن تختاري الجوانتي المناسب ليكي من هنا.

 اللكلوك

اللكلوك واحد من أهم وسائل تدفئة القدمين في أيام الشتاء شديدة البرودة، يعني هتقدري تلبسيه في البيت وتتحركي بيه بكل هدوء وراحة ورجلك متدفية تمام التمام.

ممكن تختاري اللكلوك والمناسب ليكي من هنا.

 نظارات الشمس

نظارات الشمس واحدة من القطع اللي بتكمل الأناقة ولكنك لازم تستخدميها مش عشان الأناقة والشياكة وبس لأ لازم تعرفي إن نضارات الشمس مهمة جدًا في حماية عينك والمنطقة المحيطة بيها من مخاطر الأشعة الفوق بنفسجية اللي بتسبب ضرر كبير للعين على المدى البعيد.

تقدري تشوفي تشكيلة متنوعة من نظارات الشمس من هنا.

ممكن كمان تشوفي دليل ياقوطة لاختيار نضارة الشمس المظبوطة من هنا.

الساعات

الوقت والحفاظ عليه وتقديره شيء مهم جدًا في حياتنا وفي حياة كل فتاة عصرية، ووجود الساعة أمر مطلوب حتى مع انتشار الموبايلات، ده غير غنها بتكون مهمة لاناقتك الخاصة.

ممكن تختاري ساعتك الأنيقة من خلال مجموعة متنوعة من الساعات من هنا.

اعرفي إزاي تختاري ساعة اليد المناسبة من هنا.

ممكن تعرفي كمان إزاي تختار ساعة رياضية مناسبة من هنا.

عايزة ساعة ذكية ومش عارفة تشتريها بناءً على إيه يبقى هتشوفي إزاى تختاري الساعة الذكية مع ياقوطة من هنا.

الأساور

دايمًا هتلاقي أساور أشكال وألوان حاولي دايمًا تختاري اللي مناسب على إيدك وشكلها وحجمها عشان يظهر جمالها بشكل أكبر.

تقدري تختاري الأساور المناسبة ليكي لأناقة وشياكة أكتر من هنا.

 الحلقان

الحلق قطعة جميلة وأنيقة جدًا ليها مفعول ساحر في تغيير الشكل وإظهار الجمال بشكل كبير جدًا على الرغم من كونها قطعة صغيرة جدًا مش بتعمل أي حاجة غير إنها تتحط في الأذن.

تقدري تختاري الحلق المناسب ليكي من وسط تشكيلة متنوعة من هنا.

وانتي بتدوري على أهم الإكسسوارات اللي تكمل أناقتك ماتنسيش تقري دليل ياقوطة لمعرفة المنتجات غير الأصلية أونلاين.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت إن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.