كتبت: شروق نبيل

رغم إن كتير من الناس بتقلق من اسم حلة الضغط، وكتير كمان بيخاف من وجودها في البيت لأسباب من الطفولة زي صوت الصفارة العالي، أو كلام مغلوط عن إنها قنبلة موقوتة.

لكن التطور الكبير اللي وصلنا ليه، وكمان الانتشار الملحوظ لحلل الضغط، والأهم قدرتها على تسوية أصناف كتيرة من الأكل في وقت قليل وبطعم لذيذ ومختلف عن الحلل العادية. الأسباب دي كلها خلت كتير من الناس تتجه لاستخدام وشراء حلل الضغط.  ولإن الموضوع محير لإن الأنواع المتاحة في السوق كتيرة جدًا والاختيار بينهم بيكون صعب، هنعرض النهارده في ياقوطة أهم المواصفات اللي مهم تخليها في بالك وانت بتشتري حلة ضغط مناسبة ليك.

ومش كده وبس، تقدر من خلال ياقوطة تعرف أشهر أنواع حلل الضغط الموجودة في السوق، ولو عجبتك حلة منهم وعاوزي تشتريها تقدر تعرف أحسن الأسعار ليها وتقارن بينهم من خلالنا وهتوصل لغاية عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعوده وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

مواصفات حلة الضغط

• حدد النوع: حلة كهربائية ولا حلة بوتاجاز. الفرق ما بينهم إن واحدة بتحتاج مصدر خارجي للحرارة وواحدة فيها نظام حرارة داخلي.
• حلة الضغط اللي بتستخدم على البوتاجاز بتتميز بإن درجة حرارتها عالية وسريعة في عملية الضغط وتفريغ الضغط وكمان بتحافظ على الضغط لفترة طويلة. النوع ده بيعيش لفترة طويلة.
• حلة الضغط الكهربائية بتتميز بإنها مريحة وعملية مش بتحتاج متابعة كل شوية لكن بتاخد وقت أطول من حلة الضغط اللي بتستخدم على البوتاجاز عشان توصل لدرجة الحرارة المناسبة لتسوية الأكل وكمان وقت اطول في تفريغ الضغط.
• اتأكد إن الحلة تقدر تتحمل لغاية ١٥ درجة لكل .٤٥٣ من الكيلو جرام في مساحة البوصة المربعة.
• اتأكد من وجود عوامل امأن زي صمام أوتوماتيك لتخريج البُخار، وتقليل الضغط جوه الحلة.
• اتأكد من وجود مؤشر لتنظيم الضغط بيوصل لـ ١٥ درجة ضغط جوي عشان تتحكم في الدرجة وكمان تقدر تعرف نسبة الضغط وتقللها لو زادت عن الحد المطلوب.
• اختار مواد الصنع المناسبة ليك، ودي أشهر الأنواع المتاحة
• الاستانلس ستيل ١٠/١٨ من أكتر الأنواع متانة ومقاوم للتآكل وبيعيش كتير. لكنه مكلف شوية هو عبارة عن ١٨٪ كروم و١٠٪ نيكل.
• الألومنيوم وزنه خفيف وسعره مناسب وكمان أسرع من الاستانلس ستيل في توصيل الحرارة لكن مش متين ولا بيعيش طويل.
• نوع الاستانلس ستيل والألومنيوم مع بعض بيوفر سرعة الألومنيوم ومتانة الاستانلس ستيل.
• اتأكد من اختيار الحجم المناسب لحجم أسرتك ولاحتياجاتك في الطبيخ. السعة في حلل الضغط بتترواح بين ٤ لتر و١٠ لتر.
• اختار حلة ضغط بمقابض متينة وسهلة الشيل، عشان الحلة بتبقى تقيلة وممكن تقع لو المقابض مش متينة.
• اختار حلة بييجي معاها رف شبكي عشان تطبخ الأكل على البخار، وده هيساعدك تطبخ أكتر من صنف في نفس الوقت.
• من أهم الحاجات هي نوع الغطاء عشان ده أهم عامل أمان، لازم يكون نظام الغطاء بيتقفل بإحكام ومينفعش يتفتح إلا لما الحلة تتخلص من الضغط اللي جوه الحلة بالكامل، وكمان ما يبدأش في تكوين الضغط إلا لو الحلة مقفولة كويس.
• الضمان لازم يكون من الشركة المصنعة.
• اتأكد من إن قطع غيار الحلة متوفرة في السوق وكمان منافذ الخدمة والصيانة متوفرة.
• اختار ماركة محترمة وموثوق فيها زي نوفال، أو فاجور، أو تيفال.

لو حابب تشتري حلة ضغط ممكن تشوف كل الأنواع والموديلات المتوفرة من هنا.

ولو حابب تشوف الدليل الكامل لاختيار أفضل حلة ضغط من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.