كتبت: نيدهي زالافاديا شاه وفاطمة سيف

إيقاع الحياة بقى سريع، وعشان كده لما بنشتري الأجهزة المنزلية بنخلي في بالنا عامل الوقت والجودة المقدمة من المُنتج ده. من أهم الأدوات اللي وجودها في المطبخ مهما جدًا هي حلة الضغط (أو ما يُعرف بالحلة البرستو). وفيه ستات كتيرة بتحس بالقلق أو الخوف منها ومن التعامل معاها خصوصًا لو كان فيه ذكريات مش لطيفة معاها. زمان كانوا بيتعاملوا مع الحلة دي على إنها قنبلة ممكن تنفجر في أي وقت وتبوظ الأكل كله. لكن حلة الضغط الحديثة بقت أفضل بكتير خصوصًا إنها موفرة للوقت والمجهود والمال وآمنة جدًا على مطبخك وسلامتك وبتقدم طعم للأكل شهي وكمان صحي. فمش هتندمي أبدًا بالاستثمار في حلة ضغط هتوفر الوقت والفلوس وتقديم طعام صحي على مدى العمر.

عن طريق ياقوطة هتقدري تعرفي إزاي حلة الضغط بتشتغل، ومميزات حلة الضغط عن الحلل العادية. مش كده وبس، هتقدري كمان تعرفي أفضل الأنواع والموديلات الموجودة في السوق وأفضل الأسعار ليهم، ولو عجبك موديل تقدري تطلبيه ويكون عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

يرجع تاريخ بداية تصنيع أول حلة ضغط لسنة ١٦٧٩، اللي اخترعها فيزيائي فرنسي اسمه (دينيس بابان). ومن وقتها شهدت حلة الضغط تحولات ضخمة، على الرغم من استخدام نفس مفهوم صناعة حلة الضغط إلا إن استخدامها كان خطير بسبب قلة وجود عوامل السلامة فيها. حلة الضغط الحديثة مش خطيرة بالمرة، بسبب إضافة خاصية تفريغ الضغط الزايد فيها لمنع احتباس الضغط جواها. وكمان صوتها مش عالي زي الأول.

آلية عمل حلة الضغط

الطهي بالضغط هو عملية استخدام البخار الناتج عن الماء أو أي سائل آخر لطهي الطعام في وعاء مغلق. والضغط ده بيُستخدم لطهي الطعام عن طريق غليان السوائل جوه الوعاء. البخار المُحاصر بيزود الضغط جوه الوعاء فبيزود من سرعة طهي الطعام. وهنا ممكن نسأل سؤال، إزاي الضغط ده بيسرّع عملية الطهي؟ الإجابة بسيطة جدًا وهي إن زيادة الضغط بيرفع من درجة غليان الماء جوه الوعاء. درجة غليان الماء في الضغط الطبيعي (زي الضغط جوه حلة الطهي العادية) هي ١٠٠ درجة مئوية، لكنه جوه حلة الضغط بتوصل درجة غليان الماء لـ ٢٥٠ درجة مئوية. بالإضافة لارتفاع درجة الحرارة جوه حلة الضغط وعشان كده المأكولات بتستوي بسرعة مقارنةً بوسائل الطهي الأخرى.

شوف موديلات مختلفة لحلة الضغط من هنا.

فوائد استخدام حلل الضغط

استخدام حلة الضغط بيوفّر الوقت والمجهود والمال والعناصر الغذائية المتواجدة في الطعام، وعلشان كده فاستخدام حلة الضغط يُعتبر مكسب كبير بالنسبة لك.

سرعة الطبخ

 استخدام حلة الضغط بيقلل بشكل كبير من الوقت اللازم للطهي. وبالتحديد حلة الضغط بتقلل وقت الطهي لتلت الوقت المطلوب. فالطعام اللي بياخد ساعة واحدة للطهي بيتم طهيه في حلة الضغط من ١٥-٢٠ دقيقة. وكلنا عارفين إن تقليل الوقت المستغرق في طهي الطعام مريح جدًا، وده سبب اختيار الناس للوجبات سريعة التحضير واللي بيُفضل إنها تكون صحية وده اللي بتوفره حلة الضغط ليك.

توفير الطاقة والمال

توفر حلة الضغط حوالي  ٧٠٪ من الوقت المطلوب للطهي وده معناه استهلاك أقل بنسبة ٧٠٪ من الغاز أو الكهرباء. وكمان حلة الضغط بتحتاج كمية مياه أقل بكتير من المياه المُستخدمة للطهي لو هنقارنها بالغليان في الحلة العادية، ودي خطوة مهمة في الحفاظ على البيئة ومورادها.

شوف من هنا إزاي تعيش في بيت صديق للبيئة وتوفر كمان.

غذاء صحي

عند استخدام طريقة الضغط المطبوخ، علشان الأكل يفضل مُحتفظ بطعمه المميز بيحتاج سوايل كتيرة ووقت أطول علشان يستوي ودرجات حراري كبيرة. كل الحاجات دي بتأثر على المعادن والفيتامينات الموجودة في الأكل وبتقلل منها. في حين إن الطهي في حلة الضغط بيحتفظ بجزء كبير من المواد الغذائية والمعادن والفيتامينات بسبب احتياج الحلة دي لكمية قليلة من المياه ووقت أقل في الطهي، وده كله بيحفظ مذاق الأكل المميز وكمان أثبتت الدراسات العلمية الحديثة إن الخضار المطبوخ بواسطة الغليان بيفقد كمية كبيرة من الفيتامينات مقارنة مع الطبخ المضغوط.

فاعلية الطبخ والتنظيف

الطهي في حلة الضغط مش بيسيب وراه فوضى زي الطهي في المقلاة العادية، الطهي في حلة الضغط بيخلّي عملية الطهي خالية من تطاير الزيت والروايح وبقع الطعام المتناثرة على سطح الطبخ.

سهولة الطبخ

مش هتحتاجي تضيفي مياه أو السوائل للطعام أو مراقبته دايمًا وقت الطبخ في حلة الضغط. فلو كنتي لسه جديدة في الطبخ ما تشيليش هم.

أنواع حلل الضغط

فيه أنواع وموديلات كتيرة لحلل الضغط متاحة في الأسواق، وممكن نصنفهم لنوعين:

• حلل الضغط المُستخدمة على البوتاجاز.

• حلل الضغط الكهربائية.

• النوعين دول كويسين، وتقدر تختار النوع اللي تحبه سواء الكهربائية أو اللي بتتحط على البوتاجاز. أيًا كان النوع اللي هتختاره من المهم إنك تتأكد إن حلة الضغط تتحمل الضغط لغاية ١٥ درجة لكل ٫٤٥٣ من الكيلو جرام في مساحة البوصة المربعة. وفيه فرق واحد بين النوعين وهو إن حلة الضغط اللي بتُستخدم على البوتاجاز بتحتاج مصدر خارجي للحرارة علشان تسوي الأكل، أما حلة الضغط الكهربائية وجود فيها نظام حرارة خاص بيها.
• حلة الضغط المُستخدمة على البوتاجاز بتوصل لدرجة حرارة عالية وضغط في وقت قصير وبتحافظ على الضغط ده لفترات طويلة. وكمان أسرع في تفريغ الضغط منها. والنوع ده كويس ومتين وبيستحمل وبيعيش لسنين طويلة لو حافظتي عليه بشكل كويس.
• حلة الضغط الكهربائية تعتبر اختيار عملي لإنها مش بتحتاج رقابة خالص. هي بس بتحتاج وقت طويل شوية من المطلوب للحلل المُستخدمة للبوتاجاز علشان توصل لدرجة الحرارة المطلوبة. وبتحتاج برضه وقت أطول علشان تفرّغ الضغط.
• حلة الضغط الكهربائية تعتبر اختيار مثالي للست اللي عندها شغل كتير في البيت أو مش بتحب تبص كل شوية على الأكل وهو بيستوي، وفيه ميزة كمان وهي إن فيه موديلات منها بتيجي بخاصية الطهي البطيء وده ممكن تستخجميه في تسوية الأرز.

اعرف أكتر عن الطهي البطيء من هنا.

تعرف على حلل الضغط المتوفرة في ياقوطة من هنا.

مميزات تسأل عنها عند شرائك حلة الضغط

علشان تختار حلة ضغط مناسبة وتعيش معاك فيه حاجات كتيرة لازم تاخد بالك منها وانت بتشتري الحلة زي:

عامل الأمان

يجب توافر أفضل عوامل الأمان في حلة الضغط لتفادي أي حوادث. من حسن الحظ إن حلل الضغط الحديثة فيها صمام أمان بيقوم بتحرير وإخراج البُخار لتجنب زيادة الضغط جوه الحلة. أفضل الاختيارات هي اللي فيها صمام أوتوماتيك أو بيحرر الضغط بسرعة، وده عامل مساعد لتجنب زيادة الضغط جوه الحلة.

مؤشر تنظيم الضغط 

يجب أن تتوفر في حلة الضغط مؤشر تنظيم الضغط مصمم كويس. لإن من غيره مستحيل نعرف نسبة الضغط جوه الحلة. اتأكد إن حلة الضغط تصل لدرجة ١٥ ضغط جوي وده المطلوب لأغلب وصفات حلل الضغط. مؤشر تنظيم الضغط بيقوم بمراقبة الضغط جوه الحلة وبيقوم بتنبيهك لو زاد الضغط ده لتحرير جزء منه. كمان ممكن من خلال مؤشر تنظيم الضغط تحديد نسبة الضغط اللي هتحتاجيها.

المواد المستخدمة للجسم والقاعدة

في الأيام دي، بيتم استخدام استانلس استيل (الفولاذ المقاوم للصدأ) بجودة عالية لجسم حلة الضغط. ولكن مش كل أنواع الاستانلس استيل شبه بعضها. حاليًا تُصنع حلل الضغط من استانلس استيل ١٨/١٠، وده معناه إنه بيشكل ١٨٪ من الكروم و ١٠٪ النيكل. الكروم بيخليها مقاومة للتآكل وتعيش أطول، في حين يضيف النيكل لمعان ونعومة على السطح الخارجي. عادة الاستانلس استيل مُكلف. لكنه بيكون قوي ومتين وشكله جميل وبيعيش أطول.

وفيه حلل الضغط مصنعة من الألومنيوم. وبتتميز بوزنها الخفيف وسعرها المناسب جدًا وكمان بتوصل الحرارة بشكل ممتاز وأسرع طبعًا من الحلل الاستانلس استيل، لكنه مش في متانة الاستانلس استيل وعمره مش طويل زيه ومع الاستخدام الطويل والمتكرر بيظهر عليه حفر وبقع.

فيه كمان حلل ضغط قاعدتها بتجمع بين الألومنيوم والاستانلس استيل والنوع ده بيوفر متانة وعمر الاستانلس استيل وسرعة توصيل الحرارة الألومنيوم.

السعة

جانب آخر مهم هو سعة حلة الضغط أو حجم الطعام اللي ممكن أن تحتويه. حلل الضغط متوفرة بأحجام تتراوح من ٤ لتر إلى ١٠ لتر. حجم الحلة بيشير لكمية السوائل اللي ممكن تطبخها. وطبعًا فيها مكان إضافي للبخار اللي هينتُج. يجب اختيار النموذج اعتمادًا على حجم الأسرة وكمية ونوع الطعام اللي هيستوي جواها. وده بيختلف من واحد للتاني. علشان كده لازم تفكر كويس في احتياجات ومُتطلبات أسرتك علشان تختار الموديل المناسب ليك.

المقابض

رغم إنها تبان حاجة مش مهمة قوي لكن مهم إننا نفكر فيها بشكل كويس. لما الحلة يكون فيها أكل وسوائل هتبقى أتقل ومهم جدًا إننا نشيلها بشكل كويس وآمن ليها وكمان علشان الأكل ما يقعش منها فقوة ومتانة المقابض بيقلل من فرص وقوع الأكل أو كسره ووقع الحلة وده ممكن يبوظها.

سلة طبخ البخار/ رف شبكي

 يفضل اختيار حلل ضغط فيها سلة للطبخ على البخار أو رف شبكي. وده بيزود من استخدامات الحلة، لإنه هيساعدك تطبخي مكونات مختلفة مع بعض وبيسهل عليكي عملية الفصل بينهم.

الغطاء (نظام القفل)

نظام غلق الغطاء لو كان غير مناسب فده هيكون خطر. البخار المضغوط ممكن يكون خطر جدًا. ولازم يكون نظام قفل الغطاء ما يفتحش إلا بعد تفريغ كل الضغط الموجود جوه الحلة. ولازم كمان يسمح نظام الغلق بعدم تكوين الضغط داخل الحلة إلا بعد غلق الغطاء بشكل كويس قوي.

الضمان

لازم تتأكد إن ضمان الحلة مقدم من الشركة المصنعة. الأجزاء اللي ممكن استبدالها غالبًا بتكون بره الضمان.

توفر قطع الغيار والخدمة

من الضروري أن تتوفر قطع الغيار والملحقات لحلة الضغط في الأسواق. فشراء حلة ضغط يعتبر استثمار كبير زي أي جهاز تاني في البيت. معظم أجهزة طبخ الضغط تستمر لسنوات من غير أي إصلاحات، ولكن إذا كان فيه حاجة لأي إصلاحات في المستقبل، لازم تكون منافذ الخدمة والصيانة متاحة.

فيه أنواع وموديلات وماركات كتيرة لحلل الضغط موجودة في السوق زي نوفال، فاجور، تيفال وهي ماركات موثوق فيها مع قدرات تتراوح بين ٤ لترات إلى ١٠ لتر.

وفي الجدول ده جمعنا ليكم مجموعة من خصائص الحلل دي.

بغض النظر عن العلامة التجارية اللي هتشتريها، فيه مجموعة نصايح لازم تخليها في بالك وانت بتستخدم حالة الضغط.

• ما تسخنش الحلة وهي فاضية، لإنه بيقلل من عمرها.
• عند استخدام مواقد الغاز ما تخليش النار توصل لجوانب الحلة.
• اتأکد من وضع قاعدة حلة الضغط بشكل كويس وثابت على أي مصدر للحرارة.
• عند طبخ أطعمة بتزيد جوه الحلة زي الأرز والخضروات المجففة، ما تملاش الحلة أكتر من النص.
• اتأكد من نضافة منفذ تحرير البخار دايمًا وإنه مش مسدود.

• اتأکد دايمًا من قفل حلة الضغط بشكل كويس وقت الطبخ.
• ما تفتحش الحلة قبل ما تخلص وتفضي البخار الموجود جواها تمامًا.
• ما تستعملش الحلة وجنبك أطفال.

• اقرأ تعليمات التنضيف كويس. وخلي بالك إن مش كل أنواع الحلل تتغسل في غسالة الأطباق.

اختيار حلة الضغط الصحيحة اللي بتلبي احتياجات عيلتك بتوفر ليك سنين طويلة من غير تعب ولا إجهاد وكمان بتوفر في الفلوس.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا فى تعليق أو من خلال صفحة Yaoota.com على فيسبوك.