شهري.. أسهل وأسرع تطبيق تقسيط في مصر
كتب: خالد عاصم
النهارده هنتكلم بالتفصيل عن تطبيق شهري أسرع وأسهل تطبيق للتقسيط في مصر واللي بيتميز بمميزات كتير هنتكلم عنها وهنشرحها كلها من خلال المقال ده، وماتنساش إنك تقدر تستخدم التقسيط من خلال شهري من خلال الضغط على الأيقونة الخاصة بيه وانت بتصفح المنتجات المختلفة من على موقع ياقوطة.
إيه هو تطبيق شهري
تطبيق شهري هو تطبيق إلكتروني بتقدر من خلال تقسط أي منتج إنت عايزة متوفر من خلال التطبيق بالشراكة مع موقع سوق، وبيتميز التطبيق بمجموعة كبيرة جدًا من المميزات اللي هنتكلم عنها دلوقتي باختصار قبل ما نشرحها بالتفصيل بعد كده، فمن بين المميزات دي إنه أسهل تطبيق للتقسيط في مصر من حيث الأوراق المطلوبة وسرعة الرد على طلبك، وكمان على عكس تطبيقات وخدمات تقسيط تانية كتير، تطبيق شهري مش بيطلب منك مقدم ولا ضامن وكمان مفيش أي شكل من أشكال التواصل الشخصي سواء من خلال زيارات ليك أو زيارات تقوم بيها، يعني كل حاجة بتتم من خلال التطبيق، فلو ما بتحبش الزحمة أو اللف على المحلات أو بهدلة الأوراق والطلبات، يبقى تطبيق شهري هو التطبيق المثالي ليك.
إزاي تقدر تقسط من تطبيق شهري
تطبيق شهري بيتيح إمكانية الحصول على رصيد تقدر من خلال تقسط كل المنتجات اللي إنت عايزها، يعني على عكس كتير من خدمات وتطبيقات التقسيط التانية تقدر تقسط أكتر من منتج بنفس الرصيد اللي هتطلبه يعني مش محتاج تقدم طلب تقسيط منفصل لكل منتج هتطلبه، وطبعًا فيه شروط معينة وخطوات محددة للحصول على الرصيد وكيفية استخدامه ودي هنتكلم عنها بعد شوية.
إزاي تقدر تستخدم تطبيق شهري
نزل التطبيق من على جوجل بلاي أو آب ستور وبعد كده افتح التطبيق بعد تثبيته على موبايلك، ومن بين آلاف المنتجات المتوفرة على التطبيق اختار المنتج اللي إنت عايزة. وبعد كده اطلب الحصول على رصيد، وهيتطلب منك مجموعة من البيانات اللي هتحتاج تدخلها عشان تقدر تحصل على الرصيد وتبدأ تصرفه في تقسيط المنتجات اللي إنت عايزها.
كيفية الحصول على رصيد من تطبيق شهري
كل اللي عليك إنك تحدد المنتج اللي عايز تقسطه، أو تدخل على طول من خلال تطبيق شهري وتقدم على طلب للحصول على رصيد، عشان يطلب منك التطبيق مجموعة من البيانات زي اسمك وبيانات بطاقاتك وبيانات وظيفتك أو تفاصيل دراستك لو كنت طالب، وطبعا رقم التليفون ده بالإضافة للمستندات الأساسية اللي هتتطلب منك، ودلوقتي هنتكلم بالتفصيل عن شروط طلب رصيد من شهري.
شروط وخطوات الحصول على رصيد من تطبيق شهري
إيه الأوراق المطلوبة للحصول على رصيد؟
تطبيق شهري بيطلب منك نوعين من المستندات، الأول هو بطاقة الرقم القومي السارية اللي بتصورها وبترفع صورتها على التطبيق، أما التاني فهو أي إيصال مرافق خاص بسكنك سواء كان تمليك أو إيجار قديم، والإيصالات دي زي إيصال الكهرباء أو المياه أو الغاز أو التليفون الأرضي، وده كمان بيتصور وبيتعت عن طريق التطبيق.
إيه أقل مبلغ وأكبر مبلغ للرصيد؟
تطبيق شهري بيتيح الحصول على رصيد من ٣٠٠٠ جنيه لحد ٣٧٠٠٠ جنيه.
أعمل إيه لو عايز أقسط منتج سعره أقل من ٣٠٠٠ جنيه؟
تقدر تقسط أي منتج سعره أقل من ٣٠٠٠ جنيه بشرط إن يكون أقل قسط في الشهر هو ١٠٠ جنيه لمدة ١٢ شهر بمعنى إنه يكون إجمالي سعر المنتج بعد التقسيط ١٢٠٠ جنيه، بس ده مش معناه إمكانية الحصول على رصيد بأقل من ٣٠٠٠ جنيه، وده معناه إنك تقدر تطلب ٣٠٠٠ جنيه كحد أدني وتقسط منتج بقسط ١٠٠ جنيه كحد أدنى شهري بالتقسيط على ١٢ شهر.
إيه شروط السن المتعلقة بطلب رصيد؟
ممكن طلب رصيد من تطبيق شهري لو سنك ٢١ سنة كحد أدني لحد ٦٥ سنة كحد أقصى.
هل فيه حد أدني للدخل عشان أقدر أطلب رصيد؟
من مميزات تطبيق شهري إنه مش بيحدد حد أدني لدخل، وبيطلب منك التطبيق بس عند الحصول على رصيد إنك تحدد دخلك الشهري، وبيقوم التطبيق أوتوماتيكيًا بتحديد أقصى قيمة رصيد ممكن تحصل عليها بناء على دخلك ده، بمعنى إنك تقدر تقدم على رصيد بأي دخل.
صلاحية الرصيد قد إيه؟
صلاحية رصيدك ككل مدتها ٦ شهور كاملة، بشرط إنك لازم تقسط منتج في أول شهر، لأنك لو حصلت على الرصيد وقعدت شهر كامل من غير تقسيط أي منتج فالرصيد ده هيتلغي وهتحتاج تعمل طلب جديد، أما لو قسط منتج في أول شهر فتقدر تستخدم باقي رصيدك لحد ست شهور بعدها بيتسحب الرصيد وبتحتاج تعمل طلب جديد بعدها.
لو احتجت رصيد جديد بعد انتهاء صلاحية رصيدي أعمل إيه؟
لو انتهت فترة رصيدك على تطبيق شهري هتقدر تطلب رصيد جديد بتقديم طلب جديد بس بشرط إنك تكون انتهيت فعليًا من فترة التقسيط الأولى اللي اخترتها وإنك تكون سددت بالفعل المبلغ الكامل لقيمة المنتج.
إيه هي فترات التقسيط المتاحة؟
تقدر تقسط من على تطبيق شهري بحد أدني ٣ شهور وبحد أقصى ١٨ شهر.
هل ممكن أعمل طلب باسم حد تاني من على موبايلي؟
تطبيق شهري يهمه إن كل شخص يستفيد بالرصيد والقسط اللي يناسبه، وعشان كده مش مسموح بإنك تعمل طلب باسم أي حد تاني من على موبايلك أو برقم موبايلك، يعني لو عايز تعمل طلب باسم والدك مثلًا فلازم والدك يعمل الطلب ببياناته ومن على موبايله وبرقمه، وطبعًا تقدر تساعده في إدخال البيانات أو في فيهم أي طلبات أو إجراءات مش مفهومة.
إيه مدة الموافقة على طلب حصول رصيد؟
خلال 7 أيام بحد أقصى وبعد توقيع العقد من خلال التطبيق.
هل بيتم أي زيارات أو استعلام في البيت أو زيارات شخصية متبادلة؟
كل إجراءات التقسيط من أول الحصول على طلب الرصيد لحد إتمام عملية التقسيط بتتم عن طريق التطبيق، ومش هيكون فيه طلب زيارة للشركة، كل اللي هيحصل بس مكالمة تليفون للتأكد من البيانات، أما باقي الإجراءات فبتتم من خلال التطبيق من أول طلب الرصيد لحد ما يوصلك عقد هيتطلب منك تمضيه من خلال التطبيق بعد الموافقة على طلب الحصول على الرصيد، وعملية الموافقة على الرصيد بتتم أوتوماتيكيًا.
مين شركاء تطبيق شهري في التقسيط؟
بيتعاون تطبيق شهري حاليًا مع موقع سوق دوت كوم الموقع الأشهر في عالم البيع الإلكتروني، وده معناه إنك تقدر تختار من بين آلاف المنتجات المتوفرة على سوق.
إزاي أقدر أسدد القسط؟
فيه طرق كتير جدًا ممكن تسدد بيه قسطك، زي المحافظ الإلكترونية المختلفة سواء المستخدمة في البنوك أو المستخدمة في شركات المحمول زي فودافون كاش وكمان تقدر تدفع بالكريدت كارد أو من خلال خدمات الدفع الإلكتروني زي فوري وأمان وBee والمتوفرة في كل أنحاء الجمهورية من خلال المحلات والأكشاك والصيدليات وغيرها.
هل أقدر أسدد المتبقي من أقساطي مرة واحدة؟
تقدر طبعًا تسدد المتبقى من أقساطك دفعة واحدة وقت ما تحب.
المنتج بيوصل بعد إيه وفيه مصاريف شحن ولا لا؟
مفيش وقت محدد لتوصيل المنتج بس الطبيعي إنه مش بيتأخر لإن شركة سوق دون كوم هي المسئولة عن الشحن ومعروف عنها إن منتجاتها بتتوصل بأسرع وقت ممكن، اما عن مصاريف الشحن فمن بين مميزات تطبيق شهري إنه مفيهوش مصاريف شحن إطلاقًا.
أعمل إيه لو حبيت أرجع المنتج؟
لو المنتج فيه عيب صناعة تقدر ترجعه في مدة أقصاها 14 يوم من خلال التواصل مع إدارة التطبيق واللي هتساعدك على إرجاع المنتج بما يتوافق مع قانون حماية المستهلك المصري وسياسة استرجاع المنتجات في موقع سوق دوت كوم.
مميزات تطبيق شهري
- أسرع تطبيق من حيث مدة الموافقة على طلب حصول رصيد.
- أقل إجراءات وأقل أوراق مطلوبة للحصول على الرصيد.
- مفيش مشاوير ولا زيارات ولا مقابلات وكل حاجة بتتم من خلال التطبيق يعني تقدر تطلب قسطك وانت في البيت أو النادي أو الشغل أو حتى وانت في المصيف.
- مفيش حد أدني للدخل.
- مفيش رقم محدد لمعدل الآي سكور.
- مش محتاج تدفع مقدم لطلباتك.
- مش مطلوب منك ضامن على عكس خدمات تقسيط تانية كتير.
- الرصيد صالح لمدة ست شهور.
- سداد الأقساط متاح بطرق كتير سهلة ومتوفرة في كل حتة.
- إمكانية سداد كامل مبلغ الأقساط المتبقية من غير رسوم سداد مبكر.
- رصيد بيوصل لحد 37000 جنيه بحد أقصى.
- قاعدة منتجات ضخمة بيوفرها موقع سوق دوت كوم.
- مفيش مصاريف شحن على منتجاتك.
- إمكانية استرجاع المنتج من خلال تطبيق شهري بما يتوافق مع قانون حماية المستهلك المصري وسياسة الاسترجاع في موقع سوق دوت كوم.
- وبنفكرك مرة تانية إن كل ده بيحصل من خلال موبايلك ومن غير ما تبهدل نفسك باللف على المحلات أو الزيارات سواء لبيتك أو للشركة ومن غير ما تروح تقف في طوابير بنوك أو مصالح حكومية، كل ده بشوية بيانات بتدخلها من خلال التطبيق وبس.
حمل تطبيق شهري دلوقتي من خلال متجر بلاي ستور لو موبايلك اندرويد ومتجر اب ستور لو موبايلك آيفون.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.