استمتع بحفلة شواء لذيذة وشهية مع ياقوطة

كتبت: منى عوض

عملية الشواء بيبقى ليها متعة خاصة بيها سواء أثناء الشوي ذات نفسه أو حتى أثناء تناول الطعام المشوي اللي بيكون طعمه لذيذ وكمان صحي.

ولأننا بنحب دايمًا نقدم كل حاجة تهمكم، ياقوطة حبت إن مقال النهارده يضم أهم مستلزمات الشواء اللي من الممكن استخدامها للاستمتاع بحفلة شواء مميزة، ولو عجبك حاجة منهم وحبيت تشتريها تقدر تعرف أحسن سعر ليها وتقدر كمان تطلبها من خلالنا وهتوصل لحد المكان اللي أنت عايزه في أسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

شواية ماستر من ميانتا 2200 وات

الشواية جزء مهم جدًا في عملية الشواء يعني في العموم هي الجزء الأهم ومن غير وجودها الشواء مش هيتم من الأساس، عشان كدا اختارنالكم شواية ماستر الكهربائية من ميانتا اللي بتيجي بقدرة كهربائية عالية تصل إلى 2200 وات واللي بتتميز بحجم كبير بيخليها مناسبة للعائلات ذات العدد الكبير.

الشواية بتتميز بسطح مناسب تمامًا لطهي وشواء الأكلات المختلفة وهتسمحلك كمان بالتحكم في درجات الحرارة زي ما أنت عايز، ولكن يعيبها أنها بتستهلك كميات كبيرة جدًا من الطاقة الكهربائية.

الشواية بتتميز أيضًا بسهولة تنظيفها لأن أجزائها منفصلة وهتقدر تغسلها بالماء والصابون براحتك أو حتى في غسالة الأطباق بكل سهولة.

ممكن تشوف شواية ماستر من ميانتا HG34109A من هنا.

شواية فحم محمولة من جينيريك

لو أنت من الناس اللي بتحب تشوي في الهواء الطلق وفي أماكن مفيهاش كهرباء أو بتخاف حتى من فاتورة الكهرباء، ففي الحالة دي يفضل اللجوء لاستخدام شواية الفحم اللي تقدر تتنقل بيها من مكان لآخر وتستخدمها في السفاري مثلاً وكمان حجمها مناسب مع الأعداد الكبيرة.

ممكن تشوف شواية فحم محمولة من جينيريك من هنا.

فحم للشواء

فيه مثل بيقول (مفيش دخان من غير نار) ، إحنا ممكن نطبق المثل ده أيضًا على عملية الشواء، لأن مفيش شوي من غير فحم، عشان كده يفضل دايمًا تختار فحم كويس ويقدر يساعدك في إتمام عملية الشواء بجودة عالية.

ممكن تشوف فحم للشواء من هنا.

ولاعة الفحم

ولاعة الفحم عملية أيضًا في إتمام إشعال الفحم بدل ما تقعد تستخدم كبريت ولا الكبريت يقع عليه مياه وتحتاس في الخلاء مثلاً يبقة يفضل إنك تستخدم ولاعة الفحم اللي بتشتغل بالغاز.

ممكن تشوف ولاعة الفحم من هنا.

أسياخ الشواء المعدنية

أسياخ الشواء المعدنية عملية جدًا وتقدر تستخدمها 500 مرة من غير ما تخاف من أنها تبوظ أو تتلف سريعا وكمان من السهل تنظيفها وغسلها، ده بجانب أنها بتتحمل درجات الحرارة العالية وكمان تقدر تمسكها من المقابض العازلة للحرارة المزودة بيها عشان تقلبها على النار بكل سهولة.

ممكن تشوف أسياخ الشواء المعدنية من هنا.

أسياخ الشواء الخشبية

أسياخ الشواء الخشبية عادة بتكون قصيرة وكويسة جدًا مع الشيش طاووق مثلا أو المأكولات الصغيرة والبسيطة دي فهي بتحافظ على الأطعمة ومش بتسبب ثقوب كبيرة فيها وكمان شكلها شيك جدًا وينفع تقدمها في أطباق الطعام عادي، ولكن يعيب النوع دا من الأسياخ إنك مش هتقدر تستخدمه في شوايات الفحم أو على نار عالية للغاية لأنه هيتلف ومش هتقدر تستخدمة أو تقدمه في أطباق الطعام وكمان بتتكسر بكل سهولة رغم إنه من السهل التنقل بيها لحفلات الشواء.

ممكن تشوف أسياخ الشواء الخشبية من هنا.

ملاقيط ستانلس ستيل

الملاقيط دي عبارة عن حامل تقدر تستخدمه في تقليب الأطعمة اللي بتقوم بشوائها بكل سهولة عشان تضمن جودة شواء عالية وطعم شهي.

ممكن تشوف ملاقيط ستانلس ستيل من هنا.

مروحة شواء ريش

مروحة الشواء كمان وجودها ضروري لأنها بتساعد في استمرار إشعال الفحم وكمان بتوزع الهواء بشكل متساوي للتمكن من إتمام عملية شواء الأطعمة بشكل جيد جدًا والاستمتاع أيضًا بالأطعمة ذات المذاق الشهي.

ممكن تشوف مروحة شواء ريش من هنا.

توابل الشواء شيفي ميكس

الشواء بيبقى ليه نكهة مميزة وكمان ريحة مميزة، والمسؤول الأساسي عن دا هي التوابل اللي بتُستخدم في الأطعمة أثناء الشواء.

ممكن تشوف توابل الشواء شيفي ميكس من هنا.

ماشة فحم من سما ستيل

عشان تقدر تحافظ على سخونة الفحم واشتعاله هتحتاج أنك تقلبه كل شوية باستخدام الماشة أو دي حاجة زي ملقاط كبير شوية مصنوع من الأستانلس ستيل عشان تقدر تمسك بيه الفحم وأنت بتولعه أو حتى وأنت حاطه على الشواية وبتبدأ عملية الشواء.

ممكن تشوف ماشة فحم من سما ستيل من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.

Leave a Reply

Your email address will not be published. Required fields are marked *