كتب: خالد عاصم

زي ما بنهتم بإننا نشتري الأجهزة الذكية اللي بتساعدنا في حياتنا لازم كمان نهتم بالملحقات اللي بتكمل الأجهزة دي وبتفتح ليها مجال جديد من الإمكانيات والقدرات، أو الملحقات اللي بتحفظ عليها وبتحميها وخصوصًا لو كانت ملحقات غالية أو مكلفة.

وبتختلف أنواع الملحقات باختلاف استخدامها، ده غير إنها بتختلف كمان باختلاف الأجهزة المتوافقة معاها وطبعًا بتختلف من حيث سعرها، فكل ما الجهاز الأساسي كان سعره غالي كل ما كانت الملحقات سعرها غالي، وده بينطبق على الشركة اللي بتقدمها، وكمان بينطبق على مهمة الملحق ده، فالتوصيلات أسعارها بتختلف عن الشواحن عن السماعات عن الجرابات أو السكرينات بمختلف أنواعها وأشكالها.

النهارده هنتكلم عن واحد من أهم الملحقات اللي أكيد هتحتاجها لو عندك تابلت Apple iPad Pro 12.9 وهو جراب Smart Keyboard Folio الذكي متعدد الوظائف اللي بتقدمه ابل، ولو المنتج عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

اتعرف على جراب Smart Keyboard Folio

أجهزة التابلت بتختلف اختلاف رئيسي عن الموبايلات والاختلاف ده ببساطة هو قطر الشاشة فمن خلال شاشة التابلت الكبيرة واللي في حالة جهاز Apple iPad Pro 12.9 بيقرب قطرها من ١٣ سم بتفتح لينا مجالات استخدام كبيرة جدًا، أهمها إمكانية استبدال اللابتوب بالتابليت في بعض المهام، وخصوصًا إننا بنتكلم عن تابلت قوي وبيتمتع بإمكانيات رائدة ممتازة تخليه مثالي في العديد من المهام المتعلقة بالكتابة والبحث واستخدام الإنترنت وأي حاجة تانية بتدخل في نفس النطاق ده.

في حالة استخدامنا للوحة المفاتيح الافتراضية واللي بتظهر على شاشة التابلت هنكون أدام مشكلتين، المشكلة الأولى هي إن مساحة الرؤية على الشاشة هتقل مساحة الرؤية اللي هنستخدمها وده بيضيع جزء كبير من أكبر ميزة من مميزات التابلت، أما المشكلة التانية فهي كيفية استخدام التابلت من حيث وضعه ومسكته، وده كمان هيضيع جزء تاني من مميزات التابلت، وعشان كده لازم يكون فيه حل نقدر من خلاله إننا نستخدم التابلت استخدام مثالي وفي نفس الوقت نحافظ على المميزات اللي بتميزه عن استخدام الموبايل وبتخليه أقرب لاستخدام اللابتوب.

هنا بتيجي أهمية ودور Smart Keyboard Folio من ابل، وهو المحلق أو الجراب اللي بيقدر يحافظ على الميزتين الأساسيتين للتابلت ويخلينا نقدر نستخدمه الاستخدام الأقرب للابتوب، وده لأن Smart Keyboard Folio بيتضمن لوحه مفاتيح إنجليزية كاملة مش بيحتاج توصيلها غير لتركيب التابلت جوا الجراب، ومع إمكانية تغيير زوايا وضعية التابلت داخل الجراب هتقدر توصل لزاوية الرؤية الأنسب ليك سواء كنت عايز تكتب أو تشتغل أو حتى تفرج على فيلم من غير ما تحتاج تمسك التابلت في إيدك، أما في حالة إنك مش محتاج تكتب أو تتفرج على حاجة فبيوفر الجراب حماية ممتازة للشاشة والضهر.

مميزات جراب Smart Keyboard Folio

• لوحة مفاتيح إنجليزية كاملة بتوفر استخدام مثالي للتابلت
• غطاء داخلي من الفايبر ناعم على الشاشة وعلى الضهر
• الجراب مش بيحتاج يتوصل بالتابلت من خلال أي أسلاك لأنهم بيعتمدوا على التوصيل من خلال Smart Connector
• كل اللي محتاجه عشان توصل التابلت إنك تحطه في مكانه بس مع مراعاة فتحة الكاميرا ومكان التوصيلات والجراب هيمسك التابلت من خلال المغناطيس
• بيوفر الجراب حماية للشاشة والضهر للتابلت وصعب جدًا إن التابلت يقع من الجراب
• زاويتين لوضع التابلت

عيوب جراب Smart Keyboard Folio

• الجزء اللي فيه الكبيورد بيتفتح بالكامل وده بيخليك محتاج إنك تفتج الجزء ده بالكامل عشان تشوف أي إشعارات ظهرت على الشاشة، وده عكس الجيل السابق من الجراب نفسه اللي كان بيتفتح بشكل جزئي
• فيه ناس كير بتحب ملمس الضهر المصنوع من الألومنيوم والجراب طبعًا بيغطيه
• إزالة التابلت من الجراب بتاخد لحظات زيادة شوية عن الجيل السابق وده ممكن يخليه يعطلك شويه لو محتاج تسحب التابلت من جوا الجراب على طول

اتعرف على عروض أسعار جراب Apple iPad Po 12.9 2018 Smart Keyboard Folio من هنا.

اتعرف على عروض أسعار تابلت Apple iPad Pro 12.9 من هنا.

اتعرف على عروض أسعار مختلف منتجات ابل من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.