كتبت: منى عوض

الصيف دخل علينا بتقله خلاص، بس السنة دي درجات الحرارة مرتفعة جدًا لدرجة إن الناس ما بقتش مستحملة أي حاجة، وكمان من المعروف إن زيادة الأحمال على شبكات الكهرباء نتيجة تشغيل التكييفات أو المراوح بشكل كبير بيخلي الكهرباء تقطع كتير. بس دلوقتي خلاص مابقاش فيه أي داعي للقلق من انقطاع الكهرباء بشكل مفاجئ أو انتظار فاتورة كهرباء عالية بسبب التكييفات مع المروحة القابلة للشحن المتعددة الاستخدامات. المروحة دي مش هتوفر ليك هواء منعش بس، لأ دي كمان هتوفرلك إضاءة بلمبات الليد LED القوية وممكن كمان تشحن موبايلك عليها لو حبيت.

وعشان ياقوطة يهمها راحتك، هنستعرض خلال المقال ده ١٠ أنواع مختلفة من المراوح القابلة للشحن ومميزاتها وعيوبها، مش كده وبس، ده انت كمان هتقدر تعرف وتقارن بين أفضل الأسعار للمراوح دي وممكن تطلبها أونلاين وتوصل لغاية عندك في أسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

١- مروحة جينيريك قابلة للشحن مع إضاءة LED

المميزات

• مروحة قابلة للشحن.
• إضاءة ليد: يوجد ٣٢ وحدة إضاءة بمستويين سطوع مختلفين.
• عدد السرعات: سرعتين.
• عدد الريش: ٣ ريش.
• عدد ساعات عمل المروحة مع الإضاءة: ٤ ساعة.
• عدد ساعات عمل الإضاءة: ٢٥ ساعة وحتى ٥٠ ساعة.

العيوب

• لا توجد عيوب مقارنةً بسعر المروحة ومدة تشغيلها وشحنها.

تجربة المُستخدم

المروحة الأنيقة دي ممكن توفر لك سرعتين مختلفتين، ده غير إنها بتحتوي على ٣٢ وحدة إضاءة ليد من خلالهم تقدر تستمتع بالضوء بمستويين سطوع مختلفين. وكمان لازم تاخد بالك إنك لو ناوي تستخدم المروحة بس هتلاقي إن مدة شحنها هتدوم معاك لحد ٨ ساعات وبعدين ترجع تشحنها تاني، بس لو كنت ناوي تستخدم الإضاءة مع المروحة في نفس الوقت فمدة تشغيلها هتوصل لغاية ٤ ساعات بس.

شوف مروحة جينيريك من هنا.

٢- مروحة يونيلايف قابلة للشحن وبكشاف – ١٤ بوصة

المميزات

• مروحة قابلة للشحن ببطارية سعة ٦ فولت – ٧ أمبير.
• إضاءة ليد: يوجد.
• عدد السرعات: سرعتين.
• عدد الريش: ٣ ريش.
• مدة الشحن: ٢٠ – ٢٤ ساعة.
• عدد ساعات عمل المروحة: ٤٫٥ إلى ٧ ساعات.
• عدد ساعات عمل الإضاءة: ٢٥ إلى ٥٠ ساعة.

العيوب

• طول المدة اللي بتستغرقها عملية إعادة شحن البطارية.
• الشبكة الأمامية للمروحة مش بتدور زي بقية المراوح التانية في جميع الاتجاهات، وبالتالي مش هيتم الهواء في كل أنحاء الغرفة، ده غير إنك ممكن تضطر تقعد بشكل مباشر قدام المروحة عشان تحس بتيار الهواء.

تجربة المُستخدم

مروحة يونيلايف اللي حجمها بيوصل لـ ١٤ بوصة ممكن توفرك سرعتين مختلفتين لما تيجي تشغلها، بس حسب أي سرعة هتختار بتزيد أو بتقل مدة تشغيل المروحة، يعني لو اخترت السرعة العالية فمدة تشغيل المروحة هتدوم لحد ٤٫٥ ساعة تقريبًا أما لو اخترت السرعة المنخفضة فمدة التشغيل هتستمر لحد 7 ساعات ده لإن سعة بطاريتها القابلة للشحن ٦ فولت – ٧ أمبير.

ده غير إنها مزودة بـ ٢٠ لمبة ليد وبالتالي لو حبيت تشغل الإضاءة بتاعتها الـ ٢٠ لمبة كاملين هتلاقي إن مدة شحن المروحة بتدوم لحد ٢٥ ساعة أما لو شغلت ١٠ لمبات بس فهتدوم لحد ٥٠ ساعة، وكمان المروحة دي بتاخد وقت بيتراوح بين ٢٠ – ٢٤ ساعة عشان تعيد شحنها وبالتالي استخدامها مرة تانية.

شوف مروحة يونيلايف القابلة للشحن من هنا.

٣- مروحة مور إم بي قابلة للشحن

المميزات

• مروحة قابلة للشحن.
• إضاءة ليد: يوجد.
• عدد السرعات: ٣ سرعات.
• عدد الريش: ٣ ريش.
• مدة الشحن: ١٢- ١٥ ساعة.
• شبكة دائرية لتوزيع الهواء في كل أنحاء المكان.
• يو أس بي: يدعم.
• عدد ساعات عمل المروحة: ٣٫٥ إلى ٧ ساعات.
• عدد ساعات عمل الإضاءة: ٧٫٥ ساعة.

العيوب

• مفيهاش عيوب مقارنة بكل المميزات اللي فيها.

تجربة المُستخدم

مع المروحة مور البوكس اللي بتتمتع بـ ٣ ريش هتقدر تستمتع بالهواء المنعش لمدة تتراوح بين ٣ ساعات ونص وحتى ٧ ساعات، وده طبعًا بناءً على أنهي سرعة بتختارها من الـ ٣ سرعات اللي بتوفرها ليك المروحة.

ممكن كمان تستخدم الإضاءة الليد المزودة في المروحة لمدة‏ ٧ ساعات ونص تقريبًا متواصلة، ده غير إنك تقدر تشحن موبايلك في نفس الوقت اللي بتستخدم المروحة أو الإضاءة بتاعتها عن طريق فتحة اليو أس بي الموجودة في المروحة. المروحة مزودة بقاعدة ثابتة وبتتمتع بتصميم أنيق وشبكة دائرية لتوزيع الهواء في كل أنحاء الأوضة أو المكان الموجود فيه المروحة.

شوف مروحة مور إم بي القابلة للشحن من هنا.

٤- مروحة قابلة للشحن سفن تك بخمس شفرات – ١٨ بوصة

المميزات

• مروحة قابلة للشحن ببطارية سعة ٢٢٠ فولت – ٥٠ هرتز.
• إضاءة ليد: يوجد.
• عدد السرعات: سرعتين.
• عدد ساعات عمل المروحة: ٣٫٥ إلى ٥ ساعات.
• عدد الريش: ٥ ريش.
• مدة الشحن: ١٢ – ١٥ ساعة.
• المروحة بتدي إضاءة إل إي دي خضراء كمؤشر للعمل.
• المروحة بتدي إضاءة إل إي دي حمراء كمؤشر للشحن.

العيوب

• طول مدة عملية إعادة شحن البطارية بالمقارنة مع المدة اللي بتشتغل فيها المروحة.

تجربة المُستخدم

المروحة بتوفر ليك سرعتين مختلفتين وبتختلف المدة اللي بتستمر خلالها المروحة من غير ما تفصل حسب السرعة اللي بتختارها فلو هتختار سرعة تشغيل عالية هتستمر مدة تشغيل المروحة لحد ٣٫٥ ساعة و ٥ ساعات لو هتختار سرعة التشغيل المنخفضة، ده غير إن مدة شحن المروحة مرة تانية بتتراوح بين ١٢ – ١٥ ساعة متواصلة.

يراعى إعادة شحن المروحة لمدة ٢٠ ساعة قبل الاستخدام لأول مرة، وكمان لازم تاخد بالك إن مؤشر الليد الأحمر بيدل على عملية الشحن أما لما یكون المؤشر أخضر فده بيدل على التشغیل.

شوف مروحة سفن تك بخمس شفرات من هنا.

٥- مروحة مور إم إس تي قابلة للشحن

المميزات

• مروحة قابلة للشحن بقدرة ٤٠ واط.
• إضاءة ليد‏:‏ يوجد.
• عدد السرعات: سرعتين.
• مدة الشحن: ١٢ – ١٥ ساعة.
• عدد ساعات عمل المروحة‏:‏ ٧ ساعات.
• عدد ساعات عمل الإضاءة‏:‏ ٣٫٥ إلى ٥ ساعة.
• عدد الريش‏:‏ ٣ ريش.
• شبكة دائرية لتوزيع الهواء بشكل جيد.

العيوب

• مدة شحن بطارية المروحة كبيرة بالمقارنة مع المدة اللي بتشتغل فيها.

تجربة المُستخدم

المروحة الاستاند دي متوفرة بسرعتين مختلفتين و٣ ريش وكمان شبكة دائرية لتوزيع الهواء بشكل كويس في المكان الموجود فيه المروحة. ممكن توصل عدد ساعات تشغيل المروحة لحد 7 ساعات وكمان ممكن تشتغل كمصباح بس بين ٣ ساعات ونص و ٥ ساعات.

شوف مروحة مور إم إس تي من هنا.

٦- مروحة نوفال ستاند بالشحن فانسي – ١٦ بوصة

المميزات

• مروحة قابلة للشحن ببطارية قدرتها بين ٢٢٠ – ٢٤٠ فولت.
• إضاءة ليد‏:‏ يوجد.
• عدد السرعات: ٣ سرعات.
• عدد الريش: ٣ ريش.
• موتور هادي وقوى.
• حجمها ١٦ بوصة وده بيساعد على توزيع الهواء بشكل أكبر في كل أنحاء الأوضة.
• يمكن التحكم في ارتفاع المروحة.
• قاعدة عريضة لثبات أفضل مروحة.
• مدة الشحن: ١٢ ساعة.
• عدد ساعات عمل المروحة: تتراوح بين ٣ – ٦ ساعات.
• المروحة بتدي إضاءة إل إي دي خضراء كمؤشر للعمل.
• المروحة بتدي إضاءة إل إي دي حمراء كمؤشر للشحن.

العيوب

• المروحة بتتحرك ناحية اليمين والشمال بسرعة كبيرة جدًا أثناء تشغيلها على السرعة العالية وده ممكن يخليك متحسش بالهواء الخارج منها.

تجربة المُستخدم

بتنتشر المروحة نوفال استاند بتلات سرعات مختلفين وموتور هادي مش بيسبب أي إزعاج وقوي في نفس الوقت، بالإضافة لإن فيها لمبة إل إي دي. بتدوم مدة عمل المروحة حتى ٦ ساعات لو على السرعة البطيئة وحوالي ٤ ساعات ونص لو على السرعة المتوسطة و ٣ ساعات تقريبًا لو على السرعة العالية.

لو عايز تعرف المروحة خلصت شحن ولا لأ راقب إضاءة المؤشر، لو كان الضوء لسه أحمر فده دليل على إنها لسه بتشحن أما الضوء الأخضر بيدل على عملية تشغيلها.

شوف المروحة نوفال ستاند بالشحن فانسي من هنا.

٧- مروحة أكمي إن سي إف – 305

المميزات

• مروحة قابلة للشحن ببطارية تصل مدتها إلى ١٢٠ ساعة.
• الحجم: ١٢ بوصة.
• عدد الريش: ٣ ريش.
• مزودة بـ ٢ لمبة ليد.
• مش بتتسبب في أي إزعاج لمستخدميها.
• مدة شحن البطارية: ٧ ساعات.
• عدد ساعات عمل المروحة: ٢ – ٣ ساعات.

العيوب

• صعوبة تركيب أجزائها في المرة الأولى لاستخدامها.
• الإضاءة اللي بتوفرها المروحة صعب اللجوء ليها في عملية القراءة.

تجربة المُستخدم

عادةً بتاخد المروحة أكمي حوالي ٧ ساعات عشان تعيد شحن بطاريتها مرة تانية، وبتاخد بين ٢ إلى ٣ ساعات عشان تخلص الشحن ده تاني لما بتستخدمها. بالإضافة لكده، المروحة دي بتتمتع بـ ٢ لمبة ليد بس صعب الاعتماد عليهم في القراءة وده عشان الإضاءة اللي بتوفرها بتكون ضعيفة.

من جهة تانية، فيه بعض المُستخدمين اشتكوا من صعوبة تركيب أجزاء المروحة في المرة الأولى عند استخدامها.

شوف المروحة أكمي إن سي إف من هنا.

٨- مروحة تليمصر القابلة للشحن TE-160LC8

المميزات

• مروحة مكتب قابلة للشحن.
• قابلة للحمل.
• الحجم: ١٦ بوصة.
• عدد الريش: ٣ ريش.
• عدد السرعات: ٣ سرعات.
• مزودة بلمبة ليد.
• مصنوعة من البلاستيك.
• عدد ساعات عمل المروحة: حتى ٧ ساعات.

العيوب

• مفيهاش أي عيوب ملحوظة بالمقارنة مع مميزاتها وسعرها.

تجربة المُستخدم

المروحة دي ممكن تنقذك من الحر وقطع الكهرباء وده لإنها بتتمتع بتلات سرعات مختلفة وتلات ريش ولمبة ليد ممكن استخدامهم يدوم حتى ٧ ساعات بعد انقطاع التيار الكهربائي، ده غير إنها مروحة مكتب وزنها خفيف وسهل أنك تشيلها بكل سهولة.

شوف مروحة تليمصر القابلة للشحن TE-160LC8 من هنا.

٩- مروحة فاست فورورد دبليو القابلة للشحن

المميزات

• مروحة قابلة للشحن ببطارية ١٢ فولت.
• الحجم: ١٨ بوصة.
• التحكم عن بعد بالريموت كنترول.
• عدد الريش: ٥ ريش.
• عدد السرعات: ٣ سرعات.
• إضاءة ليد: يدعم بقوة ٣٠ واط.

تجربة المُستخدم

ممكن تتحكم في عملية ضبط السرعة اللي انت عايزها للمروحة دي أو إن كنت عايز الشبكة بتاعتها ثابتة أو بتتحرك أو لو عايز تشغل اللمبة الليد المزودة بيها بكل سهولة ويسر من خلال الريموت كنترول المتواجد مع المروحة.

شوف مروحة فاست فورورد من هنا.

١٠- مروحة جينيريك متعددة الاستخدامات القابلة للشحن

المميزات

• مروحة قابلة للشحن.
• الحجم: ١٠ بوصة.
• المحرك عالي الجودة، ومش بيصدر ضجيج.
• تدفق أكبر للهواء.
• الإضاءة الليد: يدعم ١٨ لمبة ليد.
• عدد السرعات: سرعتين.
• عدد ساعات عمل المروحة: بين ٤ – ٨ ساعات.
• عدد ساعات عمل المروحة والإضاءة سوا:  ساعات تقريبًا.
• ضوء أحمر كمؤشر على الشحن وأخضر كمؤشر على اكتمال عملية شحن المروحة.
• ممكن تشحن موبايلك من خلال منفذ اليو أس بي الموجود في المروحة.

العيوب

• مقارنة بكل المميزات دي وسعرها المناسب هتلاقي أن المروحة مفيهاش عيوب تُذكر.

تجربة المُستخدم

النسخة اللي نزلت في السوق من المروحة دي متوافرة بسرعتين وبـ ١٨ لمبة ليد وبإمكانية عمل المروحة لمدة تبدأ من ٤ ساعات وحتى ٨ ساعات متواصلة ده لو المروحة بس اللي شغالة، لكن لو المروحة والإضاءة شغالين سوا فمدى شحن المروحة هتوصل لحوالي ٤ ساعات بس.

بالإضافة لكده، هتقدر تستمتع بالهدوء والراحة طول ما انت بتستخدم المروحة جينيريك القابلة للشحن، ده لأنها مزودة بمحرك عالي الجودة ومش بيصدر أي ضوضاء في المكان، ده غير أن الشبكة الدائرية الموجودة على وش المروحة بتساعد في توزيع الهواء في كل أنحاء المكان بشكل كويس جدًا.

ودلوقتي كمان تقدر تشحن موبايلك حتى لو الكهرباء قاطعة، أيوه ده حقيقي ده لأن المروحة دي بتوفرلك منفذ اليو أس بي ممكن من خلاله تشحن موبايلك أو أي بتوصل بكابل يو إس بي.

وهتقدر تعرف إذا كانت المروحة خلصت شحن أو لأ من خلال لمبة صغيرة، لما بتكون اللمبة دي لونها أحمر فده بيدل على إن المروحة لسه في مرحلة الشحن أما لو كان لونها أخضر فده دليل على إنها خلصت شحن وجاهزة لإنك تستخدمها في أي وقت خلاص.

شوف المروحة جينيريك متعددة الاستخدامات القابلة للشحن من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.