كتبت: صفاء مجدي

التعامل مع المولود الجديد ممكن تكون تجربة مخيفة ومقلقة لأي أب وأم وخصوصًا لو كان أول طفل ليهم، ومهما حاولوا ممكن يعملوا غلطات هتصيبهم بالارتباك في وقتها لكنها هتكون قصص سعيدة ومضحكة يحكوها لعيالهم لما يكبروا. وتجنب الغلطات دي بيبدأ من أن الأب والأم يكونوا مستعدين بكل الأدوات اللازمة لطفلهم وخصوصًا في الشهور الاولى. ولحسن الحظ أن كل شوية بتطلع منتجات أحسن بتسهل مهمة الأب والأم في تربية الأبناء والعناية بيهم وبتخلي الأمر أكثر متعة.

ولهذا ياقوطة جايبة لكم النهاردة دليل لأهم المنتجات اللي لازم تشتريها لطفلك، وعشان تحصل على أحسن الأسعار ادخل على ياقوطة.كوم وقارن الأسعارو اشتري وأنت قاعد في مكانك بدون لف وفرهدة.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

يرجى استشارة الطبيب قبل استخدام أي مستلزمات تتعلق بصحة الطفل.

1. حفاضات الأطفال

ودي حاجة أساسية ومن أكتر الحاجات اللي طفلكم هيستخدمها في سنواته الاولى، وهيكون أوفر لك أنك تشتريها في كميات لأن الطفل مش هيبطل استخدامها. لكن الأب والأم من دول أول ما ينزل فعليًا يشتري الحفاضات لأول مرة لمولوده غالبًأ هيقف محتار بين الأنواع، والأشكال، والمقاسات والموضوع ممكن جدًا يكون محير. لكن ياقوطة بتقولك متقلقش وجايبة لكم دليل لمقاسات الحفاضات وكمان عدد تقريبي لاحتياجات الطفل في كل سنة:

مع مراعاة أن أحجام الاطفال بتختلف فممكن المقاسات دي متنفعش لطفلك بالضرورة وكمان يجب مراعاة أن الاطفال مش زي بعضها وأن الارقام ممكن تختلف من طفل للتاني ومن نوع حفاضات لنوع تاني لكن دي كلها مجرد أرقام تقريبية تساعدك في تخطيط ميزانيتك.

اختار حفاضات مناسبة ومريحة ومش بتسرب، وممكن تسأل آباء وأمهات عن أنواع الحفاضات المختلفة وأنسبها للطفل وتستفيد من خبراتهم.

ريح بالك واشتري حفاضات طفلك الجديد من على ياقوطة

2. الملابس

• أول قاعدة في الملابس أنها تكون قطنية ومريحة جدًا للطفل عشان متسببش أي حساسية أو أذى لبشرته الرقيقة.
• حاول تشتري ملابس بسوستة بدل الزراير عشان بتكون أسهل في الخلع واللبس وهيسهل عليك حياتك.
• لما تيجي تغسل ملابس الأطفال اغسلها بنوع كويس من المساحيق اللي مش هتسبب له أي نوع من أنواع الحساسية ويُفضل لو نوع ملوش رائحة.
• ملابس الأطفال الصغيرة منها ملابس البيت، والخروج، وطبعًا الملابس الداخلية.
• ننصحك متكترش أوي من ملابس الخروج وملابس البيت وخصوصًا في الشهور الأولى، احنا عارفين أن الأمر ممكن يكون مغري وخصوصًا أن ملابس الاطفال في السنوات الأخيرة شهدت طفرة في الأشكال والالوان ولكن برده الطفرة دي كانت في الأسعار.
  حط في دماغك أن الاطفال بتكبر بسرعة جدًا والحاجة اللي على أد الطفل النهاردة هتضيق عليه بكرة، عشان كده اشتري بحكمة.
• السالوبيتات من أكثر ملابس الأطفال عملية وسهولة في اللبس والخلع، السالوبيتات المقفولة من الرجلين عملية في انها هتدفي رجل الطفل بدل ما تشتري له شرابات غالبًا بتقع من رجله الصغيرة، وفي أطفال مش بيحبوا الشربات وبيفضلوا يحركوا رجلهم لحد ما يخلعوها.
• لكن فيه مدرسة تانية بتفضل السالوبيت المفتوح عشان الطفل بيكبر بسرعة وبمجرد ما مقاسه يزيد هيكون صعب تلبسه السالوبيت المقفول.

اتفرج واشتري ملابس الأطفال من ياقوطة

3. شنطة لمستلزمات الأطفال

دي من الأساسيات لأي أم جديدة، شنطة المستلزمات دي مهم فيها ثلاث حاجات:

تقسيمتها: اشتري حاجة يكون فيها أكتر من جيب تقسمي فيهم متطلبات طفلك ويكون سهل الوصول ليها.

خامتها: تكون قوية وبتستحمل تشيل كتير وتكون من مادة قابلة للغسيل والتنظيف بسهولة.

طريقة حملها: اشتري حاجة تكون دراعاتها مريحة ليكي وتكون مناسبة أنك تشيليها هي والطفل في نفس الوقت في حالة اضطرتك الظروف.

اشتري أحسن شنطة لمستلزمات الأطفال بأحسن الأسعار من هنا

4. فازلين

وبما إننا اتكلمنا عن التسلخات فلازم نتكلم عن الفازلين لأنه من الحاجات الكويسة جدًا لمنع حدوث التسلخات للأطفال، طريقة استعماله هو أنك بعد ما تغير لطفلك وغسلته ونشفته كويس جدًا ادهن جلده بطبقة رقيقة من الفازلين قبل ما تلبسه الحفاضة الجديدة، وده لأن طبقة الفازلين هتعمل على منع السوائل من الوصول لجلد الطفل وبكده الطفل مش هيكون متضايق من حفاضته.

اشتري الفازلين أونلاين من هنا

5. جهاز تعقيم بالبخار

ده جهاز بيعقم أدوات طفلك زي البزازة أو كوباية المية في مرحلة متقدمة والببرونة كويس جدًا بالبخار. فيه ناس بتعتمد على الميكروويف في المهمة دي لكن المشكلة أن الميكروويف نفسه ممكن ميكونش معقم كفاية لطفلك. لاحظ أن مناعة الطفل في الشهور الأولى مش بتكون في أحسن حالاتها بطبيعة الحال وعشان كده بنتعامل مع أي حاجة تخصه بحذر شديد جدًا.

شوف جهاز التعقيم بالبخار على ياقوطة

6. فرشاة تنظيف

دي فرشاة مخصوصة لتنظيف بزازة الطفل. بشكل عام ايا كان اللي هتستخدمه تنظيف ادوات الطفل لازم يكون مخصوص بس لحاجات الطفل يعني مينفعش تنظف بزازة الطفل او الببرونة بليفة المواعين العادية.

شوف الفرشاة من هنا

7. أدوات النظافة الشخصية

قصافة

اشتري لطفلك قصافة مخصوصة لأظافر الأطفال أو حتى مقص صغير. اوعي تغامر وتقص لطفلك بأدوات الكبار لأن أظافر الطفل بتكون رقيقة جدا ومتستحملش قصافة الكبار. ضروري ان ظوافر طفلك متكونش طويلة عشان متعورهوش او تلم تراب. اشتري القصافة من هنا، يبدأ السعر من جنيه مصري.

فرشاة شعر

مش معنى ان طفلك عنده شوية شعر صغير تقوم تهملهم لأنه هيجيلهم يوم ويكبروا. دلع طفلك وهات له فرشاة ناعمة جدا لشوية الشعر الصغيرين دول.

صابون وشامبو

حاول تشتري منتجات طبيعية بدون كمياويات كتير وتكون آمنة على بشرة الطفل.

 اشتري شامبو الأطفال من هنا

اشتري صابون الأطفال من هنا

حوض استحمام

اشتري لطفلك حوض استحمام صغير على اده يساعدك في اداء المهمة دي ويفضل وجود فردين للقيام بالمهمة دي عشان لازم الطفل يكون حد ماسكه طول ما هو في المياه.

اشتري حوض استحمام لطفلك من هنا

8. حامل للأطفال

الاختراع ده كويس جدا في انه هيخليكي تشيلي طفلك وفي نفس الوقت تكون ايديك الاتنين فاضية تعملي حاجات تانية. لكنه ممكن يسبب مشاكل في الضهر او ممكن يضايق الطفل لو مكانش مقاسه مظبوط. عشان كده يفضل تقيسيه وتجربيه الاول قبل ما تشتريه. واشتري نوع يكون مرن من عند الدراع والوسط وتقدري تحركيه وتعدليه بالشكل اللي يريحك انتي وطفلك.

هتلاقي حمالة الأطفال على ياقوطة

9. كوفرتة

هاتي لطفلك كوفرتتين يتلف فيهم، لما تلف طفلك في كوفرتة ده بيساعده يهدى لو كان بيعيط وكمان هيساعده ينام أسرع. المهم أنك تلفيه في وضع مريح لأطرافه من غير ما تكتفيه أو تتني رجله أو ايده وأوعي تغطي وشه عشان يعرف يتنفس.

اشتري كوفرتة لطفلك من هنا

10. مخدة الرضاعة

ودي اختراع رائع ظهر في الفترة الأخيرة وبيريح الأم والطفل أثناء الرضاعة لأنه بيخلي جسمك وذراعك ورقبتك في وضع مريح وهيخلي وضع الرضاعة أريح، كمان هتكون لطيفة ومريحة للآباء لما ييجوا ينيموا أطفالهم.

ريح ضهرك ورقبتك واشتري مخدة الرضاعة من هنا

11. عضاضة

اول ما ابنك يبدأ يسنن لازم تجيب له عضاضة تكون من مواد صحية مش مؤذية، وكمان تكون شكلها جذاب لطفلك عشان يستخدمها وتكون سهلة المسك،  وصغيرة ومناسبة لايديه الصغيرة.

اشتري عضاضة لطفلك من هنا

12. زجاجة تغذية الطفل ( ببرونة)

المثل بيقول اسأل مجرب وعشان كده بننصحكم تتكلموا مع آباء وأمهات تانيين عن اللي بتمروا بيه مع أطفالكم، الكلام كمان مع ناس بيمروا بنفس تجربتكم قبل الولادة هيخلي الأمور أفضل وهتكونوا عارفين كويس أنتم داخلين على ايه، وده هيخلي التجربة أسهل بكتير عليكم، ولو واجهكم موقف صعب يفضل طبعًا التوجه بالسؤال لدكتور الأطفال قبل القيام بأي خطوة.

اشتري زجاجة تغذية الطفل من هنا

وأخيرًا، بنفكرك أنك تقدر تشتري كل المنتجات اللي في المقال ده وأكتر من على ياقوطة وأنت قاعد في البيت عشان عندنا في ياقوطة قسم كامل للأطفال فيه مستلزمات الأطفال من ملابس، ومستلزمات الحموم، واكسسوارات الأطفال ومستلزمات تغذية الأطفال.

ومبروك ما جالك ويتربى في عزك!

قد تنفذ المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com في فيسبوك.