كتبت: صفاء مجدي

الشفاطات من الأجهزة الأساسية واللي مابقتش رفاهية لأي بيت مهما كان مستواه، لأنك لو عاوز تحافظ على جدران وسقف مطبخك وحمامك لأكبر فترة ممكنة لازم تركب شفاط. والسؤال حالياً ما أصبحش أنا محتاج أركب شفاط ولا لأ، لكن أصبح أنا إزاي ألاقي الشفاط المناسب لإمكانياتي واحتياجاتي وهنا ييجي دور ياقوطة اللي هتساعدك تعرف إيه أهم الحاجات اللي تدور عليها في الشفاط.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

بس الأول حابين نعرفك أهمية الجهاز العبقري ده وليه لازم يكون موجود في مطبخك وحمامك:

1. أولاً الشفاط وجوده في المطبخ ضروري جداً للتخلص من الروائح أول بأول ومايخليش أي ريحة تملى البيت كله.
2. ثانياً هيتخلص من الأبخرة أو الدخان اللي بتطلع من الأكل.
3. ثالثاً كمان هيتخلص من الزيوت اللي بتكون طايرة في الهواء من الأكل ويطلعها برة بدل ما تتراكم على الحيطة.
4. رابعاً وجود الشفاط في الحمام أساسي وخصوصاً لو كنت من هواة الحمام السخن وبتحب تشبر المراية لأن الرطوبة بتأثر على الحيطة. نقطة تانية مهمة كمان، البخار الزايد ممكن يسبب خنقة في الحمام وارتفاع في درجة الحرارة واللي يستخدم الحمام بعدك مش هيحب الرطوبة دي ولهذا لازم تركب شفاط في حمامك.

أنواع الشفاطات:

• أشهر أنواع الشفاطات وأكثرها انتشاراً هو الشفاط المنزلي المربع اللي بيتركب في الحيطة وده بينفع في الحمام والمطبخ.

• فيه نوع جديد ظهر مؤخراً مع ظهور البوتاجازات البيلت-إن في المطابخ الحديثة وهو الشفاط اللي بيتركب فوق البوتاجازات مباشرة.
• ده طبعاً غير الشفاطات المركزية اللي بتحتاج بنية أساسية مختلفة تماماً في بيتك أو شقتك ودي مش موضوعنا النهاردة.

اختيار الشفاطات التقليدية

اختيار المقاسات المناسبة:

الشفاطات التقليدية اختلافاتها في المقاسات اختلافات بسيطة لكن لازم تكون عارف كويس أبعاد الشفاط اللي عاوز تشتريه وتوفر له المكان المناسب.

مكان الشفاط:

• لما تعمل فتحة في الحيطة عشان الشفاط لازم طبعا تختار فتحة على مكان مفتوح. غالبا بتكون فتحة الشفاط في بيوتنا بتطل على مسقط أو منور لكننا بنقولك لو فيه إمكانية إن الفتحة تطل على مكان مفتوح خالص ومش مكتوم يكون أفضل لسببين؛ الأول إن الهواء الفاسد يتنشر وميلاقيش حتة تانية في البيت يتسرب منها. والتاني إن الشفاط زي ما اتفقنا بيطلع الرطوبة والبخار من جوة البيت لبراه عشان يحمي جدران البيت. فانت لو كان شفاطك بيطل على مكان مكتوم شوية ومفيهوش تهوية كافية فانت كده هتكون بس نقلت الرطوبة من وش الجدار الداخلي لوشه الخارجي وبرضه هيتأثر بالرطوبة والأبخرة.

مستوى الصوت:

• الشفاطات زيها زي المراوح كده ممكن تكون مزعجة جداً لو مستوى الصوت فيها زاد عن حد معين.
• مستوي الصوت في الشفاطات بيتقاس بوحدة اسمها sone.
• لو مستوى الصوت في شفاطك 2 sones  أو أقل فده كده نوع هادي من الشفاطات.
• الشفاطات المزعجة ممكن توصل لحوالي 4 sones.
• وفي أنواع هادية جداً زي النسمة ودي مستوى الصوت فيها بيكون حوالي 0.3 sones.

قوة الشفاط:

• كفاءة الشفاط بتتقاس بوحدة اسمها cfm واللي بتقيس حجم الهواء اللي الشفاط بيشفطه في الدقيقة.
• كل ما كانت مساحة مطبخك أو حمامك كبيرة كل ما تزيد القيمة دي.
• الحمامات الصغيرة بتحتاج إن الرقم ده تكون قيمته 50 cfm على الأقل و 100 على الأكتر.

تقدر تدخل على ياقوطة وتشوف أسعار وأشكال الشفاطات يبدأ السعر من 190 جنيه مصري.

اختيار شفاطات المطابخ الحديثة

المقاس:

• مقاسها  بيتوقف على مقاس البوتاجاز اللي عندك.
• يفضل يكون الشفاط على مقاس البوتاجاز بالظبط او أكبر منه بحوالي 15 سم من كل اتجاه ومش هتحتاج مقاس أكبر من كده.

أنواع شفاطات المطابخ الحديثة:

• نوع بيتركب فوق البوتاجاز ومدمج في أرفف المطبخ. وده بيكون فوقه طبعاً رف فاضي بيمر منه أنابيب مجرى الهواء اللي بيسرب منه الشفاط.
• النوع التاني بيتركب في الحيطة فوق البوتاجاز وبيكون فوقه أنبوبة مجرى الهواء واللي بيكون عامل زي المدخنة.
• لو كان بوتاجازك في وسط المطبخ مش بجوار أي حيطة فانت هتحتاج شفاط يناسبه وده نوع مختلف عن النوعين الأوليين والنوع ده بالذات يفضل يكون مقاساته أكبر من مقاسات البوتاجاز وغالباً كمان بيكون ارتفاعه أكبر من الأنواع التانية وكمان قوة وكفاءة أكبر.

هتلاقي عندنا على ياقوطة تشيكلة كبيرة من الشفاطات بأشكال وستايلات مختلفة تليق على ديكور مطبخك مهما كان. يبدا السعر من 1299 جنيه مصري.

ارتفاع الشفاط اللي فوق البوتاجاز:

الشفاط اللي فوق البوتاجاز لازم تكون المسافة بينهم بتتراوح بين 45-60 سم.

مستوى الصوت:

النوع ده  اللي فوق البوتاجاز  بيكون مستوى الصوت فيه عالي شوية وأقل مستوى صوت ممكن تلاقيه هو 4.5 sones.

إذا كنت هتشتري شفاط مطبخ من اللي بيتعلق فوق البوتاجاز فانت لازم تراعي شكل الشفاط وخصوصاً لو كنت هتدمجه في رفوف المطبخ.

هتلاقي عندنا على ياقوطة تشيكلة كبيرة من الشفاطات بأشكال وستايلات مختلفة تليق على ديكور مطبخك مهما كان. يبدأ السعر من 1299 جنيه مصري.

قوة الشفاط:

• شفاط المطبخ لازم يكون قوته أعلى بكتير من شفاط الحمام لأنه مش بس بيشفط شوية بخار لكنه بيشفط دخان وكمان زيوت ودهون وغيرها، فلو كنت بتطبخ كل يوم أكل كتير وريحته قوية فهتحتاجي شفاط قوته ما بين 160-350 cfm.

لو حددت مواصفات شفاط مطبخك الجديد ادخل اشتريه من ياقوطة بأحسن الأسعار وأكبر تشكيلة أونلاين يبدأ السعر من 999 جنيه مصري.

مميزات إضافية:

• فيه أنواع من الشفاطات فيها مجسات تحس بوجود الأفراد في المكان وتشتغل وتبطل على الأساس ده.
• فيه كمان شفاطات بمجسات للرطوبة تشتغل لما الرطوبة تزيد.
• هتلاقي في شفاطات المطابخ بالذات ميزة إنه يطفي بعد وقت معين انت بتحدده وده كويس لأننا كتير بننسى نطفي الشفاط بعد ما نخلص طبخ.
• كمان في شفاطات المطابخ خاصية التنبيه عند الحاجة للتنظيف.
• هتلاقي كمان ميزة زيادة سرعة العمل تلقائياً مع ارتفاع الحرارة والرطوبة.
• وكذلك تقريباً في كل شفاطات المطابخ هتلاقي لمبات إضاءة.

بعد ما تدخل تشتري الشفاط من على ياقوطة بأحسن الأسعار الموجودة اونلاين تقدر تشوفدليل ياقوطة لتنظيف الأجهزة الكهربائية واللي فيه خطوات تنظيف وصيانة الشفاط.

قد تنفذ المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com في فيسبوك.