مواصفات وأسعار أفضل أنواع المكانس الكهربائية المتوفرة على ياقوطة
كتب: خالد عاصم
مع بداية موسم الربيع، بتزيد العواصف الترابية وبينتشر التراب والغبار في كل حته في البيت، وعشان كده بيكون من الضروري جدًا وجود مكنسة في البيت، لأن أساليب التنضيف العادية مش هتقدر تقوم بالمهمة الكاملة وهيفضل فيه تراب وغبار على المفروشات والخشب وتقريبًا في كل حته في بيتك، وده هيتسبب في أضرار كبير على كل أفراد الأسرة وخصوصًا الأطفال وكبار السن ومرضى الحساسية.
على ياقوطة بتتوفر مجموعة كبيرة من مختلف أنواع المكانس سواء كانت بكيس أو من غير كيس وعلى حسب التقنيات اللي بتعتمد عليها، ده غير كمان المكانس الكهربائية اللي انتشرت خلال الفترة اللي فاتت، وده ممكن يتسبب في حيرة كبيرة للاختيار ما بين الأنواع المختلفة دي، والنهاردة هنسهل المهمة وهنريحك من الحيرة وهنتكلم عن مجموعة من أفضل المكانس الكهربائية على ياقوطة واللي بتتنوع على حسب نوعها وعلى حسب فئتها السعرية.
ولو أي مكنسة من المكانس اللي هنتكلم عنها عجبتكم هتقدروا تطلبوها من خلالنا في ياقوطة وهتوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
أفضل أنواع المكانس الكهربائية من مختلف الفئات
مكنسة بلاك آند ديكر ٢٠٠٠ وات بكيس
مكنسة كهربائية قوية جدًا من بلاك اند ديكر بمحرك بقوة ٢٠٠٠ وات وبتعتمد على كيس بسعة ٣٫٥ لتر ودي سعة كبيرة كافية إنها تخليها عملية جدًا في الاستخدام اليومي ومش هتحتاج إنك تفضي الكيس مع كل غرفة أو كل شوية، المكنسة كمان فيها فلتر مخصص للذرات الصغيرة جدًا وبتقدر تشيل الذرات المسببة للحساسية.
اتعرف على عروض أسعار مختلف مكانس بلاك اند دير المتوفرة على ياقوطة من هنا.
مكنسة سامسونج الكهربائية ٢٠٠٠ واط بكيس
مكنسة كهربائية من سامسونج بقوة ٢٠٠٠ وات وبتعتمد في تجميع الغبار والأتربة على كيس من القماش سعة ٢٫٥ لتر، ورغم القوة دي والسعة الكبيرة نسبيًا دي إلا ان المكنسة بتتمتع بوزن خفيف وسهلة كبيرة في الاستخدام والتعامل، وبتتمتع المكنسة كمان بقوة شفط شبيهة بالمكانس الصناعية القوية، وكمان بتتميز المكنسة بخاصية EZClean Cyclone ودي خاصية بتخلي من السهل جدًا تحديد مدى امتلاء الكيس وكمان سهولة إفراغه، وبتقدر المكنسة إنها تلقط أصغر الذرات ده غير إن فيها ملحقات بتساعد على استخدامها مع حاجات كتير.
اتعرف على عروض أسعار مكنسة سامسونج 2000 وات بكيس من هنا.
مكنسة سامسونج ١٨٠٠ وات بدون كيس
بسعر قريب من سعر المكنسة اللي فاتت تقدر تحصل على مكنسة بدون كيس بالقوة اللي بتبلغ هنا ١٨٠٠ وات وبالسعة اللي بتبلغ ١٫٥ لتر بس، بس هتاخد قصاد كده مميزات كتير منها مثلًا التمتع بخاصية Anti-Tangle Turbine ودي خاصية بتعمل على الحفاظ على قوة الشفط في المكنسة ومنع ضعف القوة دي بسبب الشعر البشري أو شعر الحيوانات الأليفة أو الأتربة كبيرة الذرات، ورغم إنها مش بتعتمد على كيس إلا إن طريقه افراغها وكمان تنضيفها سهلة جدًا ومش بتاخد وقت طويل، المكنسة كمان بتتميز بخفة الوزن والتصميم المدمج وسهولة الاستعمال.
اتعرف على عروض أسعار مكنسة سامسونج ١٨٠٠ وات بدون كيس وسعة ١٫٥ لتر من هنا.
مكنسة فيلبس باور برو كومباكت المدمجة من غير كيس
بتصميم مدمج وشيك وحجم صغير ووزن خفيف، بتقدم مكنسة فيليبس دي نموذج مثالي للمكانس اللي من غير كيس، المكنسة رغم حجمها الصغير دي بتتمتع بموتور بقوة ١٧٠٠ واط قادر على توليد قوة شفط ٣٣٠ واط يعني أداء قوي جدًا لمكنسة بالحجم ده، المكنسة من غير كيس وفيها وحدة تخزين للغبار سعة ١٫٥ لتر وبتقدر المكنسة إنها تخزن الغبار في جانب معين من الوحدة دي عشان سهولة تفريفها من غير ما الغبار ده يطير أو يتناثر تاني، المكنسة كمان بتتمتع بفلتر متميز بيقدر يلتقط أصغر ذرات الميكروبات والجراثيم المسببة للحساسية، وبيتمتع الفلتر ده بإمكانية تنضيفه بسهولة جدًا.
اتعرف على عروض أسعار مكانس فيليبس المتوفرة على ياقوطة من هنا.
مكنسة باناسونيك ٢١٠٠ واط بكيس
شركة باناسونيك اليابانية واحدة من أعرق الشركات في العالم وكمان بتتمتع بقدرة تصنيع في غاية الإتقان والمهارة وعشان كده أسعار منتجاتها بتكون غالية شوية بس بتتمتع بكفاءة استثنائية، المكنسة دي بكيس وبتتميز بإن سعتها التخزينية ٦ لتر يعني تقدر توفر وقت كبير جدًا في التنضيف لأنها بتقدر تجمع أكبر قدر ممكن من الغبار والأتربة، وكمان بتتمتع المكنسة بنظام ترشيح من خلال فلتر قوي جدًا وفعال، وده من بين مجموعة كبيرة من المميزات التانية اللي تخلي المكنسة دي واحدة من أفضل المكانس اللي ممكن تحصل عليها.
اتعرف على عروض أسعار مكانس باناسونيك المتوفرة على ياقوطة من هنا.
مكنسة LG بقوة ٢٠٠٠ وات بدون كيس
مكنسة LG المتميزة بدون كيس بقوة ٢٠٠٠ وات واللي بتتميز بنظام سايكلون اللي بيفصل الغبار عن الهواء النضيف بكفاءة وده اللي بيخلي المكنسة قادرة تقدم أداء شفط قوي لمدة طويلة، وكمان بتدعم نظام تيبرو سايكلون اللي بيزود قوة الشفط دي أكتر، المكنسة سهلة الاستخدام وسهلة التنضيف جدًا، وبتتميز بإنها بتقدر تضغط كل الفضلات اللي بتجمعها عشان تقلل نسبة تعرضك للفضلات دي.
اتعرف على عروض أسعار مكنسة LG بقوة ٢٠٠٠ وات بدون كيس من هنا.
المكنسة الروبوتية Boostiq Robovac من يوفي
المنتج الأذكي لتنضيف بيتك بالشفط والكنس وفيه موديلات تانية بتقدر تقوم بعملية المسح كمان، المكنسة الروبوت بتتميز بإمكانيات عديدة زي إنها ذاتية الشحن وقوة الشفط فيها عالية وبتميز بصوت هادي جدًا، ده غير إنك ممكن تتحكم فيها بالموبايل لأنها بتتوصل بالواي فاي.
اتعرف على عرض أسعار المكنسة الروبوت Boostiq Robovac من هنا.
اتعرف على عروض أسعار مختلف المكانس الكهربائية المتوفرة على ياقوطة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.