أشهر أنواع الطابعات الواي فاي المتوفرة على ياقوطة
كتب: خالد عاصم
لما بقت الطابعات Printer بتتوصل الكمبيوتر من خلال كابل USB ده عمل ثورة في عالم سهولة الطباعة واستخدام الطابعات، لان قبل كده كانت بتعتمد على توصيلات مختلفة وماكنش كل الناس بتعرف تستخدمها ولا كل الأجهزة بتكون فيها أماكن للتوصيلات دي وخصوصًا لو بتستخدم لابتوب، وطبعًا كان مستحيل الطباعة من خلال الموبايل.
بس دلوقتي الموضوع اختلف تمامًا، الطابعات الواي فاي أو الطابعات اللي بتقبل الاتصال اللاسلكي عن طريق والوي-فاي، بقيت مش محتاج لأي توصيلات وتقدر تطبع من أي جهاز فيه واي-فاي، يعني تقدر تطبع من الموبايل أو اللاب توب أو التابلت أو أي جهاز تاني من خلال توصيل الأجهزة دي من الطابعة على نفس الشبكة.
وخلال الفترة اللي فاتت انتشرت جدًا الطابعات الواي فاي بشكل كبير، وفي المقال ده هنتعرف على مجموعة من أبرزها وأفضل أنواعها المتوفرة على ياقوطة في مختلف الفئات السعرية.
ولو أي طابعة من اللي هنتكلم عنها عجبتكم هتقدروا تطلبوها من خلالنا في ياقوطة وهتوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
أفضل الطابعات الواي فاي على ياقوطة
طابعة Canon PIXMA G3411
الطابعة المتميزة من كانون اللي بتتميز بمجموعة متميزة من الإمكانيات، أولًا الطباعة من فئة الكل في واحد يعني بتضم طابعة وماسح ضوئي وناسخ، وبتتميز بإنها موفرة جدًا للحبر، يعني بتقدر تطبع لحد ١٢٠٠٠ صفحة بعبتين حبر أسود ولحد ٧٠٠٠ صفحة بمجموعة الأحبار الملونة، وبفضل تقنيات Fine اللي بتقدمها كانون بتقدر الطابعة تطلع أعلى جودة ممكنة سواء على مستوى الأسود أو الألوان في الصور لحد مقاس A4.
الطابع بتدعم واي-فاي وممكن استخدامها من خلال تطبيق Canon Print المطابق لانظمة تشغيل انرويد وiOS وكمان تطبيق PIXMA Cloud Link المتوافق مع نظام تشغيل اندرويد، وكمان بتدعم الطباعة من خلال خدمات التخزين السحابية.
اتعرف على عروض أسعار طابعة كانون بيكسما G3411 من هنا.
طابعة Epson EcoTank L3156
واحدة من أفضل الطابعات الواي فاي في فئتها السعرية واللي بتتميز بتصميم مدمج بيخليها مناسبة للبيت أو المكاتب الصغيرة، بس مع الحجم الصغير ده فيها إمكانيات ممتاز ة، زي إنها موفرة جدًا فمع كل علبة حبر واحدة بتقدر تطبع لحد ٤٥٠٠ صفحة ألوان لحد حوالي ٧٥٠٠ صفحة أسود.
وبفضل اعتمادها على الاتصال اللاسلكي بتقدر تطبع عليها من الكمبيوتر أو الموبايل وبتقدر إنها تتصل لحد ٨ أجهزة مباشرة ومن غير الحاجة حتى لاروتر بفضل خاصية Wi-Fi Direct، والطابعة بنظام الكل في واحد يعني تقدر تطبع من خلالها أو تعمل سكان أو تنسخ مستندات أو صور وممكن التحكم فيها والطباعة عليها من خلال الإنترنت والميل وغيرها من السبل اللاسلكية.
اتعرف على عروض أسعار طابعة Epson EcoTank L3156 من هنا.
طابعة HP DeskJet Advantage 3788
من أفضل الطابعات الواي فاي المتكاملة اللي بتجمع بين الطباعة والنسخ والمسح الضوئي، واللي بتتميز بدعمها لتقنية HP Thermal Inkjet المتميزة، وبتتميز الطابعة بسرعة طباعة بتوصل لحد ٥٫٥ ورقة في الدقيقة في الألوان ولحد ٨ أوراق في الدقيقة في الطباعة أحادية الليون، أما إنتاجية الطباعة فحوالي ١٠٠٠ صفحة شهريًا بمقاس A4، وبتقبل الطابعة لحد ٦٠ ورقة في درج الإدخال ولحد 25 ورقة في درج الورق المطبوع.
وبتعتمد الطابعة على بروسيسور ورامات قوية وفيها شاشة LCD مقسمة لسبع أقسام بتقدر من خلالها تتحكم في الطابعة وبرامجها المتنوعة، وبتتميز الطابعة بدعمها لاتصال واي فاي وللاتصال من خلال USB عالي السرعة.
اتعرف على عروض أسعار طابعة HP DeskJet Advantage 3788 من هنا.
طابعة HP Smart Tank 515
طابة تانية من الطابعات الواي فاي من HP واللي بتعتمد على الاتصال اللاسلكي عن طريق واي-فاي عشان تطبع عليها من خلال أي جهاز ذكي من غير الحاجة لأي أسلاك، الطابعة برضه من فئة All-in-one يعني تقدر من خلالها تطبيق وتسكان وتنسخ، وبتقدر توصل لحد جودة طباعة ١٢٠٠ × ١٢٠٠ dpi، وسرعتها لحد ٥ ورقات في الدقيقة ألوان ولحد ١١ ورقة في الدقيقة في الأسود، وبتقدر توصل لحد دقة ١٢٠٠ dpi في النسخ الضوئي ولحد ٦٠٠ dpi في التصوير.
اتعرف على عروض أسعار طابعة HP Smart Tank 515 من هنا.
طابعة Brother DCP-T420W
طابعة تانية من الطابعات الواي فاي متعددة المهام واللي بتقوم بدور الطابعة والسكانر والتصوير الضوئي، وبتتميز الطابعة بجودة طباعة بتوصل لحد ١٢٠٠ × ٦٠٠٠ نقطة في البوصة، وبدقة مسح ضوئي لحد ٢٤٠٠ × ١٢٠٠ نقطة في البوصة، ودقة تصوير متغيرة في ويندوز لحد ٦٠٠٠ × ١٢٠٠ نقطة في البوصة، وفي ماك لحد ٣٦٠٠ × ١٢٠٠ نقطة في البوصة، أما سرعة الطباعة فعالية جدا بتوصل لحد ٩ ورقات في الألوان و١٦ ورقة في الأسود، وبتقدر تشيل لحد ١٥٠ ورقة في درج الإدخال، أما درج الإخراج فبيشيل لحد ٥٠ ورقة.
اتعرف على عروض أسعار طابعة Brother DCP-T420W من هنا.
اتعرف على عروض أسعار مختلف الطابعات المتوفرة على ياقوطة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.