أشهر أجهزة التابلت المتحولة من مختلف الفئات السعرية

كتب: خالد عاصم

في التقرير ده هنستعرض مجموعة من أبرز أجهزة التابلت المتحولة اللي بتبتشغل بنظام تشغيل ويندوز 10 واللي بتتنوع في مختلف الفئات السعرية المتوفرة على ياقوطة، ولو أي جهاز عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أشهر وأبرز أجهزة التابلت المتحولة في مختلف الفئات السعرية

تابلت Sary Tab 2 بقطر ١٠٫١ بوصة

أول جهاز من أجهزة التابلت المتحولة اللي هنتكلم عنها وأرخصها من بين أجهزة النهاردة هو جهاز Sary Tab 2 اللي بييجي بشاشة بقطر ١٠٫١ بوصة وبيتميز بأبعاد مدمجة وتصميم جذاب رغم سعره المنخفض، التابلت بيعتمد على شاشة بمعدل ١٦:١٠ بدقة ١٢٨٠ × ٨٠٠ بيكسل وبسعة لمس ١٠ نقط، أما إمكانياته الداخلية فبتتكون من معالج انتل اتوم بتردد ١٫٨٤ جيجا هيرتز اما الرامات فسعتها ٢ جيجبايت رام والذاكرة الداخلية سعتها ٣٢ جيجابايت، التابلت فيه كاميرا أمامية وكاميرا خلفية كل واحدة فيهم بدقة ٢ ميجا بيكسل وبيتميز بمكبر صوت قوي وبطارية سعتها ٥٨٠٠ ميللي أمبير وبيشتغل التابلت بنظام تشغيل ويندوز ١٠.

اتعرف على عروض أسعار تابلت Sary Tab 2 من هنا.

تابلت ولاب توب Sherry ZE06G بقطر ١٠٫١ بوصة

الجهاز التاين من أجهزة التابلت المتحولة أو اللاب توب المتحولة من ناحية تانية هو جهاز شيري ZE06G اللي بيتمتع بشهرة كبيرة في السوق المصري، والتابلت بيعتمد على شاشة قابلة للانفصال بقطر ١٠٫١ بوصة بدقة ١٢٨٠ × ٨٠٠ بيكسل وبعشر نقط لمس وبتركيبها على الكيبورد بتتحول لكمبيوتر بمعالج انتل اتوم بتردد ١٫٩٢ جيجا هيرتز برامات سعتها ٢ جيجابايت رام وذاكرة سعتها ٣٢ جيجابايت وبطارية سعتها ٥٠٠٠ ميللي أمبير في الساعة، والتابلت فيه كاميرا أمامية دقته ٢ ميجا بيكسل وكاميرا خلفية دقتها ٥ ميجا بيكسل، وبيشتغل بنظام تشغيل ويندوز ١٠.

اتعرف على عروض أسعار تابلت ولابتوب Sherry ZE06G من هنا.

لابتوب وتابلت Sary Twist بقطر ١١٫٦ بوصة

بيتميز الجهاز ده من أجهزة التابلت المتحولة عن الأجهزة اللي قبله أولًا بقطر الشاشة اللي بيبلغ ١١٫٦ بوصة والجهاز يعتبر لابتوب متحول أكتر لان الكيبورد موجودة فيه فعليًا والشاشة بتقبل التدوير بزاوية ٣٦٠ درجة لتحويله لتابلت، وبيعتمد الجهاز على معالج انتل شيري تريل رباعي النواة برامات سعتها ٢ جيجابايت رام وذاكرة داخلية سعتها ٣٢ جيجابايت وبيشتغل الجهاز بنظام تشغيل ويندوز ١٠.

اتعرف على عروض أسعار لابتوب وتابلت Sary Twist من هنا.

تابلت ولابتوب RCA Cambio بقطر ١٠ بوصة

من بين نفس الفئة السعرية اخترنا جهاز RCA Cambio اللي بيعتمد على شاشة قابلة للفك والتركيب قطرها ١٠ بوصة ووراها فيه معالج انتل اتوم Z8350 المدعوم برامات سعتها 2 جيجابايت رام وذاكرة داخلية سعتها ٣٢ جيجابايت مع لاعتماد على نظام تشغيل ويندوز ١٠ المدعوم بمجموعة مختلفة من تطبيقات مايكروسوفت، التابلت كمان بيقبل كروت الميموري لحد ١٢٨ جيجابايت وفيه كاميرات أمامية وخلفية دقتها ٢ ميجا بيكسل.

اتعرف على عروض أسعار تابلت ولابتوب RCA Cambio من هنا.

تابلت ولابتوب ZedBook II بشاشة ١١٫٦ بوصة

من أفضل أجهزة التابلت المتحولة أو اللابتوب المتحولة في الفئة السعرية ٤٠٠٠ جنيه مصري جهاز ZedBook II بنظام تشغيل ويندوز ١٠ اللي بيعتمد على شاشة ممتازة بقطر ١١٫٦ بوصة بتتميز بجودة ممتازة وكمان بتدعم اللمس بالأصابع أو من خلال القلم، وبيعتمد التابلت على معالج انتل اتوم المدعوم برامات سعتها ٢ جيجابايت رام وذاكرة داخلية سعتها ٣٢ جيجابايت فئة SSD وكمان فيه معالج رسوميات HD 400 لأقوى من الأجهزة السابقة، ده غير إن فيه نظام صوتي قوي وبيقبل التوصيل بالشاشات عن طريق منفذ HDMI Mini.

اتعرف على عروض أسعار تابلت ولابتوب ZedBook II من هنا.

لابتوب وتابلت Dell Venue 10 Pro

في الفئة السعرية الأعلى هنتكلم عن لابتوب وتابلت Dell Venue 10 Pro اللي بيعتمد على معالج انتل Core M المدعوم برامات سعتها ٤ جيجابايت رام وذاكرة داخلية قوية سعتها ١٢٨ جيجابايت فئة SSD، وبيتميز التابلت بشاشة Full HD قوية بقطر ١٠٫٨ بوصة، وبكاميرا خلفية سعتها ٥ ميجا بيكسل وأمامية سعتها ٢ ميجا بيكسل والتابلت بيتميز كمان بإنه بفيه إصدار يقبل كروت الاتصال SIM وبيدعم تقنية 4G.

اتعرف على عروض أسعار تابلت ولابتوب Dell Venue 10 Pro من هنا.

لابتوب وتابلت Lenovo Yoga Book

رغم إن إمكانياته مش كبيرة أوي مقارنة بأجهزة الكمبيوتر اللي بالسعر ده إلا أن جهاز Lenovo Yoga Book أكتر من مجرد واحد من أجهزة التابلت المتحولة أو اللابتوب المتحولة، فالجهاز بييجي فعليًا بشاشتين، شاشة منهم فعلية عادية بقطر ١٠٫١ بوصة وبجودة FHD والتانية ممكن تتحول ما بين لوحة مفاتيح بتشتغل باللمس وما بين لوجة رسم وكتابة متطورة ممكن استخدامها من خلال القلم، الجهاز بيعتمد على معالج انتل اتوم X5 برامات سعتها ٤ جيجابايت رام وذاكرة داخلية سعتها ١٢٨ جيجابايت وبيشتغل بنظام تشغيل ويندوز ١٠.

اتعرف على عروض أسعار تابلت ولابتوب Lenovo Yoga Book من هنا.

اتعرف على عروض أسعار مختلف أجهزة التابلت المتوفرة على ياقوطة من هنا.

اتعرف على عروض أسعار مختلف أجهزة اللابتوب المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *