مزايا وعيوب موبايل Xiaomi متوسط الفئة المتميز Redmi Note 9

مزايا وعيوب موبايل Xiaomi متوسط الفئة المتميز Redmi Note 9

كتب: خالد عاصم

هنتكلم النهارده عن واحد من أبرز موبايلات الفئة المتوسطة من Xiaomi وهو موبايل Redmi Note 9 اللي هنتعرف على مواصفاته وكمان على مميزاته وعيوبه ومتوسط سعره في السوق، ولو الموبايل عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Redmi Note 9

المواصفات

  • أبعاد الموبايل: ٨.٩ × ٧٧.٢ × ١٦٢.٣ مم.
  • وزن الموبايل: ١٩٩ جرام.
  • البناء والصناعة: هيكل من البلاستيك بزجاج كورنينج جوريلا جلاس الإصدار الخامس من الأمام
  • شاشة الموبايل: شاشة IPS LCD بثقب أعلى يسار الموبايل للكاميرا الأمامية، قطر الشاشة ٦.٣٥ بوصة ومعدلها ١٩.٥:٩ وده بيخليها تشغل حوالي ٨٣.٥ % من مساحة الموبايل الأمامية. والشاشة بتقدم دقة عرض ٢٣٤٠ × ١٠٨٠ بيكسل بكثافة ٣٩٥ بيكسل لكل بوصة
  • أداء الموبايل: معالج MediaTek Helio G85 بمعمارية ١٢ نانوميتر ثماني النواة وسرعته ٢.٠ جيجا هيرتز لشريحتين شرايح Cortex-A75 وبسرعة ١.٨ جيجا هيرتز لست شرايح Cortex-A55 والمعالج مدمج بمعالج جرافيكس Mali-G52 MC2. والموبايل بيصدر بإصدارين بذاكرة عشوائية سعتها ٤ جيجابايت رام بذاكرة داخلية سعتها ٦٤ جيجابايت و١٢٨ جيجابايت وإصدار بذكرة عشوائية سعتها ٣ جيجابايت رام باكرة داخلية سعتها ٦٤ جيجابايت والموبايل بيدعم بطاقات الذاكرة الخارجية من خلال منفذ مستقل.
  • نظام التشغيل: الموبايل بيشتغل بنظام تشغيل أندرويد ١٠ بواجهة مستخدم MIUI 11.
  • الكاميرا: الموبايل الكاميرا الخلفية بتاعته رباعية العدسات بقوة ٤٨ ميجا بيكسل وفتحة مستشعر f/1.8 للعدسة الأولانية العريضة وبقوة ٨ ميجا بيكسل بفتحة f/2.2 للعدسة الثانية بالغة العرض وبقوة ٢ ميجا بيكسل بفتحة f/2.4 للعدستين التالتة والرابعة الخاصة بالتقاط صور الماكرو وباستشعار عمق الصورة والكاميرا مدعومة بتقنية التركيز التلقائي PDAF وكمان بتقنية HDR ومدعومة بإضاءة فلاش ليد فردية وبتقدر تصور الفيديو ببجودة 1080p بمعدل ٣٠ إطار في الثانية.
  • كاميرا السيلفي : عدسة قوتها ١٣ ميجا بيكسل بفتحة مستشعر f/2.3 وكاميرا الموبايل الأمامية مدعومة بتقنية HDR وبتصور فيديو بجودة 1080p بمعدل ٣٠ إطار في الثانية.
  • منفذ توصيل السماعات السلكية ٣٫٥ مم: متوفر.
  • منفذ الشحن ونقل البيانات: USB Type-C.
  • ماسح البصمة: خلفي.
  • المستشعرات: التسارع – الدوران – التقارب – البوصلة.
  • البطارية: بطارية الموبايل غير قابلة للإزالة سعتها ٥٠٢٠ مللي أمبير في الساعة مدعومة بتقنية الشحن السريع بقوة ١٨ واتوبتقنية الشحن العكسي بقوة ٩ وات.

مزايا وعيوب موبايل Redmi Note 9

مزايا موبايل Redmi Note 9

  • الموبايل بيعتمد على حماية من طبقة زجاج كورنينج جوريلا جلاس الإصدار الخامس على الشاشة.
  • الموبايل تصميمه ممتاز جدًا سواء من حيث الشاشة أو الضهر، فالشاشة بتعتمد على تصميم الثقب الصغير أعلى يسار الشاشة اللي بتتميز بيه مجموعة من الموبايلات الرائدة حاليًا، وكمان الضهر بيتميز بتصميم الكاميرا الخلفية الفريد واللي بيبتعد عن التصميمات المنتشرة بشكل كبير حاليًا.
  • قطر الشاشة صغير نسبيًا ودي ممكن تكون ميزة للمستخدمين اللي مش بيفضلوا الموبايلات الكبيرة قوي المتوفرة دلوقتي
  • الشاشة بتتميز بدقة عالية وكثافة عالية.
  • بتتميز الشاشة بمستوى سطوع عالي وكمان ألوان دقيقة جدًا.
  • بيعتمد الموبايل على معالج مركزي جديد وقدر يقدم أرقام كويسة على مستوى الأداء في الفئة السعرية دي.
  • بيتوفر الموبايل بإصدارات متنوعة على مستوى الرامات والذاكرة الداخلية.
  • الموبايل بيدعم كروت الميموري من خلال منفذ مستقل مش بيأثر على استخدام شريحتي الاتصال.
  • الموبايل بيشتغل بنظام تشغيل اندرويد ١٠
  • كاميرا الموبايل الخلفية مقبولة في الفئة المتوسطة دي ووظائفها متعددة ومستواها كويس جدًا في الصور اللي في إضاءة محيطة منخفضة.
  • الموبايل فيه منفذ ٣٫٥ مم.
  • الموبايل بيتميز بدعمه لتقنية بلوتوث إصدار ٥.٠
  • الموبايل بيدعم تقنية NFC في عدد من الأسواق.
  • الموبايل بيتميز بمرسل الأشعة تحت الحمراء.
  • الموبايل بيعتمد على منفذ USB Type-C
  • بطارية قوية سعتها ضخمة بتدعم تقنية الشحن السريع.
  • الموبايل بيدعم تقنية الشحن العكسي بقوة ٩ وات.

عيوب موبايل Redmi Note 9

  • هيكل الموبايل معمول من البلاستيك.
  • الموبايل مش بيتمع بأي حماية ضد التعرق أو قطرات المياه.
  • الشاشة بتفتقد مجموعة كبيرة من التقنيات اللي بقت متوفرة في الفئة السعرية دي.
  • الكاميرا الخلفية مفيهاش عدسة مقربة.
  • الكاميرا الخلفية مش بتدعم تصوير الفيديو بجودة 4K
  • الكاميرا الأمامية مش الأفضل في الفئة دي.
  • المعالج المركزي كويس بس من الأفضل في الفئة دي على مستوى المعمارية وده بيخليه اعلى من حيث استهلاك الطاقة.
  • البطارية بتدعم تقنية الشحن السريع بس بقوة ١٨ وات بس.

اتعرف على عروض أسعار موبايل Redmi Note 9 من هنا.

اتعرف على عروض أسعار مختلف موبايلات Xiaomi المتوفرة على ياقوطة من هنا.

اتعرف على عروض أسعار مختلف الموبايلات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *