كتبت: نيدهي زالافاديا شاه ويارا الحميلي

القهوة هي كل اللي محتاجينه عشان نبدأ يوم شاق طويل، ويا سلام لو نقدر نشرب قهوة سُخنة لسه مطحونة في البيت. شُرب القهوة بريحتها الرائعة وانت بتقرا كتاب في نهاية يوم متعب طويل أو وانت بتدردش مع صديق ليك يُعتبر نعمة.

في قصص كتير قوي لاكتشاف القهوة، وأصل أول فنجان قهوة في العالم بيعود للفترة ما بين القرن التاسع والحادي عشر. البن نفسه معروف إن تم اكتشافه عن طريق راعي المعيز «كالكي»، اللي لاحظ تأثير البن الإيجابي على طاقة المعيز اللي استهلكوه، وراح بلّغ الرهبان في الدير، لكنهم ما وافقوش على استخدامه ورموه في النار، لما عملوا كده الريحة الجميلة اللي طلعت لما البن داب في المياه السُخنة عملت أول فنجان قهوة في العالم.

حكايات كتيرة بتدور حوالين اكتشاف القهوة وانتشارها في أنحاء العالم، النهارده صناعة القهوة هي صناعة ضخمة متعلقة بالبن، الجرابات، صانعي القهوة، المقاهي وغيرها. وبالرغم إن القهوة اكتُشفت قبل كده بكتير، بس من أول القرن الـ ١٩ بدأ تصنيع اَلات القهوة زي أجهزة التحميص واَلات الإسبريسو. السوق دلوقتي مليان اَلات صانعة للقهوة متنوعة من حيث الوظايف، وبالتالي من الضروري إنك تختار صانعة القهوة اللي بتناسب ذوقك، ميزانيتك ومتطلباتك. عشان كدة ياقوطة وفرتلك المقال ده اللي هنشرح فيه معايير اختيار صانعة القهوة وأفضل الأنواع المُتاحة في السوق، زائد المواصفات الخاصة بكل نوع.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

المعايير المُثلي لشراء أنسب صانعة قهوة بالنسبة لك

عدد الفناجين اللي هتعملها في المرة

لو انت بتحتاج فنجان قهوة واحد، بننصحك تفكر في  النوع اللي بيقدم فنجان واحد أو ١-٢ فنجان بالتنقيط. لكن لو بتحتاج عدد أكبر من الفناجين كل دفعة، فكر في حاجة قدرتها أعلى، زي صانعة القهوة متعددة الخدمة. دلوقتي في صانعات قهوة بتوفر عدد كبير من الفناجين، معظم صانعات القهوة القياسية بتعمل من ٨-١٢ فنجان لكل دفعة. بعض الصانعات فيهم خاصية تحضير دفعة أصغر من القدرة الفعلية.

سرعة تحضير القهوة

في بعض الناس بتعشق القهوة لدرجة إنها ما بتقبلش إنها تشرب أقل من فنجان طازة سخن جدًا. بس في ناس مش كده، وبتبقى عايزة حل سريع بالذات الصبح بحيث إنها ما تضيّعش وقت طويل في إنها تملى الجهاز. النوع الأول هيبقى أنسب له الآلات اليدوية أو الشبه أوتوماتيك، أما النوع التاني فهيناسبه أكتر الآلات اللي ممكن يملى منها في أي وقت وممكن يختار on أو off بالتايمر. الآلات دي كويسة بالنسبة للناس اللي على طول مشغولين وممكن ينسوا يقفلوا الجهاز.

نوع القهوة اللي انت حابب تشربها

أهم عامل تاخده في اعتبارك هو نوع القهوة اللي انت حابب تشربها. في أجهزة صنع قهوة مختلفة لكل نوع، بس بالنسبة للي بيحبوا يجربوا أنواع مختلفة، هيلاقوا إن صانعة القهوة الإسبريسو مناسبة لأنواع كتير.

ميزانيتك

من أهم العوامل اللي لازم تراعيها حتى قبل ما تبدأ تبص على الأنواع المختلفة، المبلغ اللي انت مستعد تدفعه في الجهاز.

حجم و أبعاد صانعة القهوة

الحجم لازم يُراعى على حسب المساحة المتاحة.

مواصفات إضافية

على عكس زمان لما الناس كانوا بيضطروا يطحنوا القهوة في الحلل، صانعات القهوة الجديدة بتدي مجموعة كبيرة من المواصفات اللي بتخلي عملية طحن القهوة عملية أسهل من زمان، بس ممكن يكون في مواصفات انت مش محتاجها خالص، عشان كده مهم جدًا إنك تعرف المواصفات المناسبة على حسب حاجتك.

مواصفات معينة للأخذ في الاعتبار

• قوة التحكم في الطحن: الميزة دي بتساعدك على ظبط القوة.
• اختيار درجة الحرارة: في بعض الأجهزة بتتحكم في درجة حرارة المياه عشان تحصل على أفضل تشبع ونكهة.
• ميزة «أوقف» و«قدّم»: بعض الأجهزة بتسمحلك توقف الطحن وتقدم القهوة وده بيساعد في منع إنها تتدلق.
• الخدمة الذاتية: في موديلات بتقدم القهوة على قضبان، وفي موديلات تانية بتخلي القهوة جوة الجهاز، وده بيضمن إنها تفضل سُخنة طول الوقت.
• تنقية المياه: بيحسّن نوعية المياه عن طريق إزالة الروايح، الكلور أو أي نوع تاني من الشوائب. الفلتر بيحتاج تنضيف أو استبدال بشكل دوري، والفلاتر القابلة لإعادة الاستخدام مش بتتطلب شراء فلتر جديد كل مرة.
• وجود محمصة مدمجة: لمحبي القهوة اللي بيحبوا القهوة الطازة ومش عايزين يستخدموا محمصة منفصلة، المحمصة المدمجة تعتبر في الحالة دي الخيار الأمثل. بس الأجهزة دي ممكن تكون مزعجة وبتحتاج تنضيف بصورة مملة.
• الشاشة الرقمية: وجود شاشة رقمية بيساعد على فهم الأوامر أحسن من أضواء المؤشرات.
• مؤشر الوقت: بلمسة زرار واحدة، ممكن تسجل ميعاد لبدأ تحميص قهوتك، وفي أجهزة فيها خيار الإيقاف الأوتوماتيكي.
• التنظيف الذاتي: في أجهزة فيها دورات تنضيف ذاتي للشفشق.
• مؤشر للتنضيف: في أجهزة بتبين الوقت المناسب لتنضيف صانعة القهوة.
• صانع الفقاقيع المدمج: الخاصية دي موجودة في مكنة الإسبريسو وبتساعد على إنتاج تيار هواء في الحليب، وده بيكون طبقة رفيعة ودسمة على القهوة.

عشان تعرف أكتر عن أفضل صانعات قهوة في مصر، اقرا مقالنا عن ١١ صانعة قهوة لمحبي القهوة.

بعض أنواع صانعات القهوة المتاحة في السوق

1- صانعة القهوة بالفلتر

القهوة المفلترة هي القهوة الكلاسيكية الغنية المصنوعة عن طريق تقطير المياه ببطء من خلال طبقة بن مطحون في المج اللي تحتها.

المميزات

• الأجهزة دي بتنتج قهوة سوداء غنية.
• مثالية لصناعة أكواب متعددة في وقت واحد.

العيوب

• لازم تستخدم معاها محمصة بن أو تستخدم بن مطحون.
• بتعمل بس القهوة السوداء.

شوف Mienta CM31216A Fresh Brew Coffee Maker من هنا.

Mienta CM31216A Fresh Brew Coffee Maker

المواصفات

• الطاقة: ١٠٠٠ وات.
• السعة: ١٢ فنجان/١٫٢٥ لتر.
• نظام مكافحة التنقيط.
• وظيفة الحفاظ على الدفء.
• فلتر دائم وفيه معلقة للمعايير.
• مطابق لمستوى المياه مع جرعة البن.

ممكن تشوف Mienta CM31216A Fresh Brew Coffee Maker من هنا.

Percolators

في النوع ده من الأجهزة البن بيتحط فوق والمياه بتتحط في غرفة تحت، وكل ما بتسخدم إبريق المياه بتبدأ تغلي وتطلع لفوق من خلال أنبوب في غرفة البن بسبب الضغط، وبتنزل المياه في البن وبترجع للغرفة اللي تحت وتستمر الدورة. كل ما الدورات كترت، كل ما القهوة كانت أقوى.

المميزات

• الأجهزة دي بتعمل قهوة أقوى.
• مثالية لصنع أكواب كتيرة في وقت واحد.
• في منها اليدوي والأوتوماتيك.

العيوب

• لازم تكون عندك مطحنة قهوة أو تستخدم مطحون.
• بتعمل القهوة العادية بس.

النوع الأكتر شعبية هو: بياليتي موكا صانع القهوة الإيطالية.

بياليتي موكا صانع القهوة الإيطالية

المواصفات

• ٣ فناجين.
• ألومنيوم.
• ممكن يُستخدم فيه أي بن إسبرسو مطحون.
• سهل وسريع في تحضير القهوة.
• مقبض وزراير مريحة في الاستخدام.

شوف بياليتي موكا صانع القهوة الإيطالية من هنا.

2- صانعة القهوة بالتنقيط

صانعة القهوة دي أكتر واحدة منتشرة في البيوت. في صانعة القهوة دي، اللي بيحصل إن المياه بتتسخن في الخزان وبتتدلق على البن المطحون اللي محطوط على الفلتر، وبعدين في الإبريق.

المميزات

• ممكن تعمل أكتر من فنجان على حسب حجم الشفشق بتاعها.

السلبيات

.بتاخد وقت عشان تحمص القهوة

أشهر موديلات النوع ده: Black & Decker [DCM600] 10-Cups Coffee Maker

Black & Decker [DCM600] 10-Cups Coffee Maker

المواصفات

• ٨-١٠ فناجين قهوة مع قدرة ١٫٢٥ لتر، مثالية للعائلات المتوسطة والكبيرة.
• شفشق زجاجي مع نظام وقف التنقيط عشان النضافة والشكل الأنيق.
• خزان شفاف لعرض مستوى المياه.
• ميزة البقاء دافئًا بتحتفظ بالقهوة سُخنة على طول.
• فلتر قابل للإزالة لسهولة التنضيف.
• سلة تصفية متأرجحة.
• الطاقة: ٨٠٠ وات.
• جهد التشغيل: ٢٢٠-٢٤٠ فولت.

شوف Black & Decker [DCM600] 10-Cups Coffee Maker من هنا.

صانعة القهوة عن طريق الجراب والكبسول

دي أجدد أنواع الأجهزة المتاحة في السوق. على عكس الأنواع اللي فاتت، مش لازم تكون متخصص في عمل القهوة عشان تستخدم الجهاز ده. في الجراب، بيتم ضغط البن بين ورق الفلتر في حين إن الكبسولات بتحتوي على كمية من البن. انت بس محتاج تحط الجراب أو الكبسولة في الجهاز وتضغط على الزرار. الكبسولة بتتخرم والمياه السخنة بتنزل عليها، وفي ثواني القهوة الإسبرسو السخنة بتكون جاهزة.

المميزات

• سريعة ومريحة لعمل القهوة بشكل فوري.
• مثالية لعدد ١-٢ أشخاص.

العيوب

• بتعمل إسبريسو بس.
• لازم تستخدم الكبسولات أوالجرابات المصنوعة مخصوص للجهاز ده.
• بعض عشاق القهوة ممكن يحسوا إن جودتها مش زي القهوة المطحونة طازة.

أكتر الموديلات شعبية في مصر في النوع ده الموديلات التالية:

Nespresso D500-EU-WH-NE Maestria Coffee Machine

المواصفات

• سهولة تركيب وفك الكبسولات.
• تكنولوجيا وحدة التحميص المدمجة.
• عنصر التدفئة thermoblock.
• رف بيستوعب الفناجين والكوبايات الطويلة.
• خامات ذات جودة عالية وجسم ألومنيوم.

ممكن تشوف Nespresso D500-EU-WH-NE Maestria Coffee Machine من هنا.

Nespresso D40-EU2-BK-NE Inissia Espresso Maker

المواصفات

• إيقاف التدفق: زرارين قابلين للبرمجة.
• تسخين سريع بسرعة تصل إلى ٢٥ ثانية.
• فصل للجهاز تلقائي بعد ٩ دقايق.
• وعاء تنقيط قابل للطي.
• خزان ماء قابل للإزالة: ٠٫٧ لتر.
• خزان الكبسولات: ٩-١١ كبسولة.
• نظام الضغط بـ ١٩ بار.
• معاها صانعة فقاعات اللبن Aeroccino3.
• وحدة تحميص مدمجة.
• نظام تدفئة thermoblock.
• ممكن تستمتع برغوة الحليب السخنة.
• درجو حرارة القهوة ٨٦ °.
• بتوفر حجمين من القهوة (إسبريسو ولونجو) مع زرار لكل حجم.

ممكن تشوف Nespresso D40-EU2-BK-NE Inissia Espresso Maker من هنا.

ماكينة تحضير القهوة والإسبرسو ديجيتال من موديكس ١٨٥٠ وات

المواصفات

• ضغط ١٥ بار.
• ١٢ فنجان.
• سخانين منفصلين.
• وظيفة البرمجة الرقمية المسبقة LCD.
• براءة اختراع الوظيفة المزدوجة للفلتر.
• ملائمة للبن المطحون وكل أنواع الجرابات.
• وظيفة تكوين الفقاعات عن طريق الضغط العالي.
• تحكم بالبخار.
• ممكن تفصل حنفية المزج.
• فلتر دائم.
• مفتاح للطاقة مع مؤشر الضوء.
• وعاء التنقيط.
• لوحة التدفئة الذكية.
• تكنولوجيا التحسس.
• ٢ ترموستات مياه وبخار.
• وظيفة مكافحة التنقيط.
• نظام سلامة الضغط الزائد.
• إيقاف التشغيل التلقائي.

شوف ماكينة تحضير القهوة والإسبرسو ديجيتال من موديكس ١٨٥٠ وات من هنا.

صانعة الإسبرسو المضخة

الأجهزة دي عندها سخان مياه متسيطر على درجة حرارته، السخان بيسخن المياه لحد ما توصل للدرجة المطلوبة، وبعدين المياه بتمر من خلال البن تحت ضغط. الأجهزة دي عادةً بيكون عندها موزع للحليب السخن وكمان للاتيه والكابتشينو.

المميزات

• سهلة في الاستخدام.
• بتستخدم البن الطازة المطحون، وده بيخليها تحافظ على نكهة القهوة الأصلية.

العيوب

• سعرها أعلى من صانعات القهوة التانية.

أكتر الأنواع شعبية هي:

DeLonghi EC221 Pump Espresso & Coffee Machine 1.4 Liter

المواصفات

• طاقة استهلاك قصوى: ١١٠٠ وات.
• ضغط القهوة الأقصى: ١٥ بار.
• مادة التصنيع: البلاستيك.
• صنع الكابتشينو: نعم.
• نوع البن اللي بيتوافق معاها: جرابات البن والبن المطحون.
• إعداد فنجانين في نفس الوقت.
• سعة خزان المياه: ٤٣ فلو (١ لتر).
• نظام التدفئة: مسخن المياه.

شوف DeLonghi EC221 Pump Espresso & Coffee Machine 1.4 Liter من هنا.

Nespresso D040BK آلة تحضير القهوة انيسيا

المواصفات

• زرارين يمكن برمجتهم لإعداد الإسبرسو واللونجو.
• إيقاف التشغيل التلقائي بعد ٩ دقايق من غير أي نشاط (ممكن تغيرها لـ ٣٠ دقيقة).
• الوقت التحضيري قبل تدفئة القهوة: ٢٥ ثانية.
• أعلى فئة طاقة: فئة أ.

شوف Nespresso D040BK آلة تحضير القهوة انيسيا من هنا.

الضغطة الفرنسية

النوع ده له أحجام مختلفة، في بعض منهم بيعملوا فنجان قهوة أو أكتر من فنجان في المرة الواحدة. في الأجهزة دي البن الطازة المطحون بيتم تعبئته في الإبريق وبيتدلق عليه مياه سخنة، لما المكبس اللي في الإبريق بيتزق لتحت بيفلتر البن المطحون وبيزقه لتحت.

المميزات

• بتعمل قهوة عادية قوية.
• ممكن تظبط قوة القهوة زي ما تحب.

العيوب

• لازم يكون عندك محمصة قهوة أو تستخدم بن مطحون.
• بيعمل القهوة السادة بس.

جهاز من بن إلى فنجان قهوة

النوع ده من الأجهزة قريب لصانعة القهوة المضخة، الفرق الوحيد هو إن فيها مطحنة بن مدمجة. كل اللي مطلوب منك إنك تحط البن في الجهاز من غير ما يكون مطحون وتستمتع بالقهوة بتاعتك على الطريقة اللي بتفضلها.

المميزات

• بتعمل كل أنواع القهوة الإسبرسو.
• بتحصل على فنجان قهوة مباشرةً عن طريق إنك تحط البن زي ما هو، كل ده في جهاز واحد.
• قهوة سريعة وفورية.

العيوب

• أغلى سعرًا.
• تنضيفها ممكن يكون ممل.

بعد ما فهمت المواصفات اللي لازم تاخد بالك منها وانت بتشتري صانعة القهوة، دلوقتي ممكن تستمتع بتجربة عمل القهوة وتتبسط بفنجان قهوتك المفضل!