كتبت: ميّ نور

كتير من الناس لما بتروح للحلاق علشان تظبط حاجات بسيطة في شعرها ودقنها بتمشي من عنده وهي عاملة حاجة تانية خالص، ومهمًا حاولت تشرح للحلاق طلبك في الغالب مش هيفهمك بالظبط، علشان كده فيه ناس كتير بتفضل إنها تشتري ماكينة حلاقة خاصة بيها علشان تظبط بيها شعرها ودقنها، وده له مميزات كتير أولًا إنك بتعرف تعمل اللي إنت عاوزه في شعرك بالظبط، كمان أنضف من المكنة اللي عند الحلاق واللي بيستخدمها أكثر من شخص، كمان الموضوع أفضل صحيًا بالنسبة لك ولأولادك، وممكن تتعلم الحلاقة بسهولة من فيديوهات اليوتيوب وتعلمها لمراتك وأولادك وتساعدوا بعض في البيت بدل ما تروحوا للحلاق، وده هيوفر عليكوا فلوس وهيبقى أفضل صحيًا للأسرة كلها.

عشان كده النهارده في ياقوطة بنقدملكم مراجعة لواحدة من أفضل ماكينات الحلاقة وقص الشعر في الأسواق، وهي ماكينة موسر اللي هنتعرف على مواصفاتها ومميزاتها وعيوبها، وتقدر تلاقي ماكينة قص الشعر على ياقوطة، وتقدروا تعرفوا أحسن الأسعار ليها وتقارنوا بينهم كمان. ولو عجبتكم وعاوزين تشتروها تقدروا تطلبوها من خلالنا وهتوصل لغاية عندكم في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

الوصف

بتتميز الماكينة بجودتها العالية وشفراتها القوية المطلية بالكروم المقاوم للصدأ مع دعمها لقطع إضافية بتقوم بتهذيب الشعر عشان تقدر تعمل اللوك اللي انت محتاجة لشعرك مظبوط، كمان بتتميز الماكينة بإنها سهلة الاستخدام وموفرة للوقت وللجهد، كمان الماكينة بتدعم أطوال الشعر من ٠٫٥ إلى ٢٣ ملم، وكل اللي عليك بس إنك تحدد الطول اللي هتحتاجه في شعرك وتركب القطعة الخاصة بيها وتنطلق.

المميزات

• محرك بيشتغل عن طريق الذبذبات، وده بيخليه ينجز في وقت أسرع وكفاءة ودقة أعلى.
• الماكينة سهلة الاستخدام.
• موفرة للوقت وللمجهود
• الماكينة بتيجي مع ٥ أوضاع لحلاقة الشعر بتتراوح من ٠٫٥ إلى ٢٣ ملم، وتقدر من خلالهم تختار المقاس المفضل بالنسبة ليك وتبدأ في تطبيق الشكل اللي إنت عايزه على شعرك.
• الماكينة مناسبة لحلاقة مناطق تانية في الوجه والجسم، زي منطقة السوالف والآندر ارد على سبيل المثال.
• ما بتسببش أي إصابة أو تعاوير.
• الماكينة سعرها مناسب جدًا بالنسبة لإمكانياتها.

العيوب

• ريفيوهات كتيرة للمستخدمين اتكررت حوالين ضعف قوة الماكينة.
• بعض الريفيوهات للمستخدمين كذلك أكدت على ضعف الشفرات الخاصة بالماكينة، وإنها مش بتقدر تشيل كل الشعر.
• صوتها مزعج بعض الشيء.
• للأسف مش بتشتغل تحت المية.
• ما تقدرش تحلق الدقن أو الشنب بشكل الكامل.
• الشعر لازم يكون ليه طول معين عشان يرضى يتقص.
• ساعات بتسبب الهرش والحساسية لأصحاب البشرة الحساسة.
• كمان مش بتدعم التشغيل اللاسلكي أو الشحن.
• للأسف مفيش أي ضمان على الماكينة.
• وزنها تقيل شوية والتحكم فيها بيكون صعب، والمستخدم هيحتاج وقت على ما يتعود عليها.

تقدر تشوف ماكينة حلاقة موسر لقص الشعر من هنا.
وتقدر تشوف المزيد من ماكينات حلاقة الشعر من هنا.
وكمان بنفدملك دليل ياقوطة للحلاقة من هنا.