كتبت: مي نور

كتير من الناس بتسألنا دايمًا عن أحسن موبايلات الفئة الاقتصادية، واللي أصبحت مطلوبة جدًا في بعض الأسواق العالمية زي السوق المصري، وعشان كده شركات كتيرة بدأت تهتم بموبايلات الفئة دي وتحاول تنافس بيهم في الأسواق اللي بتطلبها، ومن أهم الشركات اللي بتنافس بقوة في الفئة الاقتصادية على شركة انفينكس، اللي قدرت تطرح موبايلات كتير ناجحة ف الشوق من الفئة المتوسطة والفئة الاقتصادية، والنهارده هنتكلم عن واحد من أشهر موبايلاتها الجديدة في الفئة الاقتصادية، وهنستعرض مواصفاته ومميزاته وعيوبه، وهو موبايل Infinix Hot 5، ولو عجبك وعاوز تشتريه تقدر من خلالنا في ياقوطة تعرف أحسن الأسعار ليه وتقارن بينهم وتطلبه وهيوصل لغاية عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

المميزات

• تصميم الموبايل مميز، وخصوصًا في الواجهة الخلفية اللي فيها نقشة جميلة.
• جودة الشاشة HD، وتعتبر معقولة بالمقارنة مع الموبايلات التانية من نفس الفئة.
• حجم الشاشة ٥٫٥ بوصة، وحجمها يعتبر متوسط، ومناسبة جدًا لمشاهدة الفيديوهات والأفلام.
• الموبايل بييجي مع سماعات Dirac 3D Stereo Surrounding، واللي بتخلي درجة الصوت عالية، وكمان جودته معقولة.
• نظام تشغيل الأندرويد نوجا من أحسن وأكتر أنظمة التشغيل انتشارًا، وحتى الآن مافيش منه شكاوى كتيرة.
• سعر الموبايل مناسب بالنظر لمواصفاته ومميزاته.
• بطارية الموبايل قوية جدًا، وبتيجي بسعة كبيرة بالمقارنة مع الموبايلات في نفس الفئة أو حتى الفئات الأعلى.
• بيدعم منفذ لتركيب السماعات الخارجية بقطر 3.5 ملليمتر.
• بيدعم منفذ USB للشحن.
• الموبايل بيدعم تشغيل نظارات الـ VR أو الواقع الافتراضي.

العيوب

• سُمك الهاتف كبير شوية.
• سعة الذاكرة الداخلية في الموبايل قليلة جدًا، وكمان مش كلها متاحة للاستخدام.
• فتحة العدسة الخاصة بالكاميرا f/2.0، ودي تعتبر ضيقة، وبالتالي مش هتقدر تلقط كمية كبيرة من الضوء في الصور.
• المعالج ضعيف للأسف وتردده 1.3 جيجاهرتز بس، وده قليل بالمقارنة مع موبايلات كتيرة في نفس الفئة دي.
• الموبايل بييجي مع هيكل بلاستيك معرض للكسر.
• الموبايل مش بيدعم تقنية الـ NFC للنقل السريع.
• مش بيدعم شبكات الجيل الرابع.
• البطارية مش بتدعم خاصية الشحن السريع، ودي مشكلة كبيرة، لأن سعة البطارية كبيرة وهتاخد وقت في الشحن.

تجربة المستخدم

• باختصار لو بتدور على موبايل سريع في أداءه والكاميرا بتاعته عالي، مش بنصحك بالموبيل ده على الإطلاق لأن أداءه ضعيف وكتير من المستخدمين اشتكوا من تكرر حالات البطئ والتهنيج وسخونة الجهاز بشكل مستمر، في حين فيه أجهزة تانية كتيرة من نفس الفئة مش بتعاني من المشاكل دي، كمان الكاميرا الخاصة بالجهاز صعيفة جدًا، وخصوصًا في ظروف الإضاءة الضعيفة.
• لكن لو بتدور على موبايل للاستهلاك البسيط ببطارية قوية جدًا تخليك مش مضطر تشحنه كل شوية، فالموبايل ده هيكون أنسب حاجة بالنسبالك لأنه بيتمتع ببصارية كبير جدًا بالمقارنة مع غيره من موبايلات الفئة دي.

شوف موبايل Infinix HOT 5 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.