كتبت: ميّ نور

النهارده معانا واحد من موبايلات شاومي في الفئة المتوسطة، وهو موبايل Xiaomi Redmi Note 3، اللي بيتميز ببطارية قوية جدًا وبروسيسور عالي سداسي النواة، وأسعار على قد الإيد، وهنستعرض معاكم أهم مميزاته وعيوبه وأسعاره في السوق، ولو عجبكوا الموبايل  وعاوزين تشتروه تقدروا من خلالنا في ياقوطة تعرفوا أحسن الأسعار ليه وتقارنوا بينهم وتطلبوه وهيوصل لغاية عندكم في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

 المميزات

• بطارية الموبايل قوية جدًا، وهي جاية بحجم ٤٠٥٠ مللى أمبير.
• الموبايل بيدعم إضافة كارت ميموري لحد ٢٥٦ جيجابايت.
• الموبايل جاي مع معالج قوي نوعه Qualcomm MSM8956 Snapdragon 650.
• الكاميرا الخلفية كويسة وممكن تصور بيها صور جميلة.
• البطارية بتدعم خاصية الشحن السريع ودي حاجة كويسة جدا.
• الـ USB بيجي مع خاصية الـ OTG اللي بتسمح للموبايل إنه يتصل بأي فلاشة خارجية أو بعض الأجهزة اللي بتشتغل بوصلة USB.

العيوب

• معالج الرسوميات ضعيف شوية وهو من نوع Adreno 510 وده ممكن يأثر على أداء الموبايل في الألعاب.
• نظام التشغيل قديم وهو الإصدار رقم 6 في الأندرويد.
• الموبايل مش مقاوم للمياه.

تجربة المستخدم

• لو إنت بتحب تتفرج على أفلام ومقاطع يوتيوب كتير على الموبايل فممكن تعمل ده بسهولة مع Xiaomi Redmi Note 3 صحيح هو مش أحسن حاجة، لكنه هيفي بالغرض، وده بسبب الشاشة متوسطة الحجم اللي جاي بيها ٥٫٥ بوصة، كمان دقة الشاشة عالية وألوانها جميلة وطبيعية.
• أداء الموبايل كويس جدًا، والتنقل بين التطبيقات اللي إنت فاتحها سهل وبسيط ومش بياخد وقت والموبايل مش بيهنج، بس المشكلة ممكن تكون موجودة بشكل واضح شوية في الألعاب اللي الجرافيك بتاعها عالى واللي الموبايل هيواجه صعوبة كبيرة إنه يشغلها.
• المساحة الداخلية بتاعة الموبايل ١٦ جيجابايت قليلة ومش هتكفي،لإنها مساحة قليلة جدًا وهتتملى منك بسهولة، مجرد ما تنزّل التطبيقات الأساسية وشوية صور هتلاقيها اتملت، فالأحسن تشتري كارت ميموري علشان تقدر تحمل تطبيقات وألعاب وصور براحتك.
• البطارية قوية جدًا وهي جاية بسعة ٤٠٥٠ مللى أمبير وده معناه إنها هتقدر تكمل معاك يوم كامل بسهولة وتقدر تكمل معاك يومين كمان مع الاستخدام المتوسط، وهي بتدعم خاصية الشحن السريع، علشان كده مش هتاخد وقت طويل علشان تشحنها.
• الكاميرا الأمامية ضعيفة شوية وصعب تاخد بيها صور سيلفي كويسة، لكن لو في إضاءة الشمس ممكن تقدر تتصور بيها صور مقبولة نوعًا ما.
• كاميرا الموبايل الخلفية كويسة وهي جاية بدقة ١٦ ميجابكسل، وفتحة عدسة f/2.0 علشان كدا تقدر تاخد بيها صور كويسة والكاميرا قادرة تلقط تفاصيل كتير موجودة في الكادر، كمان معاها فلاش LED مزدوج وده بيخليها تصور بشكل كويس لما الإضاءة تبقى قليلة، وكمان ممكن تصور مقاطع فيديو بجودة كويسة ١٠٨٠ بكسل.
• أداء البصمة في الموبايل كويسة ومش بتهنج أو تقف وبتقدر تتعرف على صباعك من أول مرة.
• الموبايل مابقاش ينزله تحديثات خلاص، هو أول مرة كان نازل كان بيشغل بأندرويد لولي بوب وبعد كده اتحدث وبقى شغال بأندرويد مارشيملو بس وقف لحد هنا، وماوصلوش أندرويد نوجا وأكيد مش هيوصله أندرويد أوريو.

شوف موبايل Xiaomi Note 3 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.