كتبت: ميّ نور

كتير من الستات عارفين قد إيه فصل الصيف بيكون صعب جدًا بالنسبة للعناية بالجسم والبشرة والشعر والنضافة الشخصية عمومًا، وده لأن معظمنا بيعاني من ارتفاع درجات الحرارة وأشعة الشمس القوية والرطوبة اللي بيزيدوا جدًا في الصيف وبيأذوا الشعر والبشرة، أنا شخصيًا مع بداية كل صيف بعاني جدًا بسبب شعري اللي بيبتدي يهيش وبشرتي اللي بتتأذي جدًا بسبب الشمس، عشان كده الصيف دايمًا بيكون له منتجاته الخاصة بيه للعناية بنضافة الجسم والبشرة والشعر، ولأننا في ياقوطة بنحاول نجيبلكم كل اللي بتحتاجوه، معانا النهارده مجموعة من أهم مستلزمات التجميل والعناية الشخصية للسيدات في الصيف، واللي مفيش ست هتقدر تتخلى عنها، ولو عجبكم أي منتج منهم وعاوزين تشتروه تقدروا من خلالنا تعرفوا أحسن الأسعار ليه، وتطلبوه ويوصل لغاية عندكم في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

جهاز تنظيف بشرة الوجه سكين برو

بدأت مؤخرًا تنتشر ثقافة استخدام جهاز فرشاة تنضيف البشرة، وده بعد ما أثبتت فاعليتها مع كتير من الناس، وعشان كده بنعتبره من أهم منتجات العناية بالبشرة في الصيف، عشان ده الفصل اللي بتزيد فيه التراكمات والشوائب اللي بتؤدي لطلوع الحبوب في الوش والجسم، عشان كده وجود منظف البشرة شيء مهم لإزالة التراب والشوائب والميك اب والزيوت الزايدة عن حاجة البشرة، الجهاز بييجي مع سرعتين مختلفتين، وبيقدم نتيجة هايلة مع بشرة نضيفة وناعمة ومنورة بشكل ملحوظ.

شوف جهاز تنظيف بشرة الوجه سكين برو من هنا.

جل استحمام مقشر ومنعش بخلاصة الليمون والفراولة

كتير مننا بيعاني من ريحة البشرة والجسم في الصيف بسبب العرق، وبنحتاج دايمًا نحافظ على نضافة جسمنا وريحته وترطيبه، عشان كده جبالكم النهارده شاور جل ومقشر بريحة الليمون والفراولة من أوريفليم، وأنا شخصيًا ليا تجربة استخدام معاه كان حقيقي ممتازفي تنضيف البشرة وريحته بتستمر في الجسم لفترة طويلة بعد الشاور، وكونه مقشر برضه ده بيساعد في إزالة الطبقات الميتة في الجلد، في نفس الوقت مش بيرهق الجلد ولا بيسبب أي جفاف، وبيدوب في الميّة بكل سهولة.

شوف جل إستحمام مقشر ومنعش بخلاصة الليمون والفراولة من هنا.

تونر منعش للوجه بخلاصة شجرة الشاي

أكيد كلنا بنسمع عن فوايد زيت شجرة الشاية للبشرة والشعر، وقد ايه بتساهم في نضافة البشرة وانتعاشها ونعومتها وريحتها، والنهارده جبنالكم تونر البشرة بخلاصة زيت شجرة الشاي اللي بيساعد في تنضيف البشرة من الدهون وغلق المسام بعد استخدام الغسول اليومي، وقبل وضع اللوشن أو الميك اب.

شوف تونر منعش للوجه بخلاصة شجرة الشاي من هنا.

مجموعة غسول للبشرة ومزيل للميك اب ومناديل مبللة من جونسون

المجموعة دي من جونسون بتقدم غسول مقشر ناعم للبشرة بحجم ١٥٠ ملم، ومعاه غسول لإزالة الميك اب للوش والعينين (وده بيكون هدية في العرض ده) ومعاهم مناديل مبللة من جونسون للبشرة العادية بعدد ٢٥ منديل، وكل ده بسعر مناسب جدًا، أولًا الغسول هيكون مناسب جدًا لتنضيف البشرة يوميًا، والمناديل المبللة هتحافظ على ترطيبها طول اليوم بره البيت، وكمان بتتميز بريحة ونعومة رائعة، ومعاهم مزيل الميك اب للوش والعيون، وكلهم هيحافظوا على ترطيب بشرتك على مدار اليوم، يعني مجموعة كاملة تستخميها من الصبح لغاية بالليل بسعر مغري جدًا.

شوف مجموعة غسول للبشرة ومزيل للميك اب ومناديل مبللة من جونسون من هنا.

كريم أساس The One بعامل حماية ٢٠

كريم أساس The One من أوريفلام من أشهر الأنواع المنتشرة في السوق، وده لأنه قدر يثبت نجاحه مع كتير من البنات باختلاف أنواع بشرتهم، وده لأنه خفيف جدًا على البشرة، وبيقدم تغطية من متوسة لعالية، يعني مش هيكون تقيل على وشك في فصل الصيف، كمان بيساعد على التقليل من لمعان البشرة، ودي من أكبر المشكلات اللي بتواجه البنات، وخصوصًا أصحاب البشرة الدهنية، وأخيرًا، الكريم بييجي بحجم ٣٠ ملم، مع معامل حماية ضد الشمس بنسبة ٢٠ درجة، وتقدري تختاري الدرجة المناسبة لبشرتك من أوريفلام قبل الطلب.

شوف كريم أساس The One بعامل حماية ٢٠ من هنا.

سيروم ١٠٠ مل المقاوم للشعر التالف وحماية من الشمس من إيفا كيراتين

السيروم الأحمر من إيفا كيراتين بيساعد في تقليل أضرار التقصف والتحكم في الشعر الجاف والمجعد، وبيخلي الشعر طري جدًا وناعم، لكن بالنسبة ليا برضه من أهم استخداماته في الصيف إنه بييجي مع درجة حماية ووقاية للشعر من أضرار الشمس، ودي حاجة مهمة جدًا في فصل الصيف، وكمان بيعيد بناء الشعر التالف.

شوف سيروم ١٠٠ مل المقاوم للشعر التالف وحماية من الشمس من إيفا كيراتين من هنا.

صن بلوك La Roche Posay بمعامل حماية +٥٠

طبعًا مفيش صيف من غير صن بلوك للناس اللي بتنزل الصبح من البيت والناس اللي بتروح مصايف، عشان كده جبنالم النهارده واحد من أحسم أنواع الصن بلوك في الأسواق، واللي انا شخصيًا ليا تجربة استخدام هايلة معاه، وبنصح بيه كتير من الناس، خصوصًا أصحاب البشرة الدهنية، لأنه خالي من الزيوت والدهون، يعني هيمنع لمعان البشرة اللي بيسببه الأنواع العادية، كمان مقاوم للمية، وتقدروا تستخدموه في المصايف من غير قلق، و بيجي مع معامل حماية فقوق الـ ٥٠ درجة، يعني مافيش قلق أبدًا على بشرتك في الصيف معاه، كمان الجلد بيتشربه بسهولة جدًا ومش بيسبب أي تراكمات أو شحوب في البشرة.

شوف صن بلوك La Roche Posay بمعامل حماية +٥٠ من هنا.

جل منظف للمناطق الحساسة يقضي علي الروائح الكريهة

من أهم منتجات المرأة في كل الفصول عمومًا هو منضف العناية الخاص للمناطق الحساسة، واللي بتزيد أهميته أكتر مع فصل الصيف وزيادة نسبة الرطوبة والعرق والبكتريا، وعشان كده الغسول ده من أوريفلام بييجي مع تركيبة DEO اللي بتساهم في انتعاش البشرة وحمايتها من أضرار البكتيريا والفطريات وتكون الروائح الكريهة، وفي نفس الوقت بيحافظ على التوازن الطبيعي والترطيب للبشرة.

شوف جل منظف للمناطق الحساسة يقضي علي الروائح الكريهة من هنا.

بريمروز مزيل عرق طبيعى برائحة المسك ٢١٠ جرام

بالتأكيد مزيل العرق من أساسيات منتجات الصيف، لكن مش أي نوع، وللأسف كتير من الناس مش بتفرق بين الأنواع المقاومة للتعرق، واللي ممكن تؤذي البشرة والجسم، والأنواع المزيلة لريحة العرق، واللي مش بتمنع العرق في حد ذاته لكن بتمنع الروايح الكريهة الناتجة عنه، وده النوع الصحي أكتر، وعشان كده اخترنالك النهارده مزيل لريحة العرق بمواد طبيعية، تقدروا تستخدموها بعد الشاور لحماية تدوم ٢٤ ساعة، مع روايح طبيعية وجذابة جدًا.

شوف بريمروز مزيل عرق طبيعى برائحه المسك ٢١٠ جرام من هنا.

HiForm Cosmetics مجموعة هاى فورم للزيوت الطبيعية للشعر

زيوت الشعر الطبيعية من أهم المنتجات اللي هتحتاجيها لشعرك في الصيف باختلاف أنواعها وفوايدها على فروة الراس والبشرة، وبعيدًا عن إنها بتساهم في منع التقصف وزيادة نعومة ولمعان الشعر، بشوف إن أهم استخداماتها في الصيف إنها بتساهم في تنضيف الفروة من التراكمات والقشرة وبتساهم في انتعاشها وتعطيرها، كمان فيه منها أنواع بتحمي شعرك من أضرار أشعة الشمس بالنهار، لكن بالنسبالي، أهم استخدام للزيت في فصل الصيف هو قبل نزول الميّة في المصايف، لأنه بيحمي الشعر من أضرار ميّة البحر والبسين، اللي كتر التعرض ليها ممكن يتلف الشعر.

شوف HiForm Cosmetics مجموعة هاى فورم للزيوت الطبيعية للشعر من هنا.

 ودلوقتي مع مجموعة متنوعة من مقالاتنا عن مستلزمات العناية الخاصة بالسيدات

ممكن تشوفوا أهم ماكينات إزالة الشعر على ياقوطة من هنا.

وكمان ممكن تشوفوا مجموعة متنوعة من العطور الحريمي من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.