كتبت: أمنية عزمي

طبيعة عملك هي اللي بتحدد المواصفات المناسبة للكمبيوتر المكتبي اللي بتحتاجه في شغلك، ومن الأساسيات دي وحدة المعالجة المركزية وذاكرة الوصول العشوائي، لو بتقوم بأعمال متخصصة زي شغل المحاسبة أو شئون موظفين أو سكرتارية  وبتستخدم برمجيات متخصصة لأداء شغلك يبقى فاضل تحدد نوع الجهاز اللي هتشتغل عليه، HP بتقدم كمبيوتر مكتبي Core i5 رباعي النوى مع رسومات إنتل عالية الدقة HD 2500 وذاكرة تخزين مؤقت 4 ميجابايت، وحدة معالجة مركزية بسرعة 3.20 جيجاهيرتز وقرص صلب بسعة 500 جيجابايت، بالإضافة لمواصفات ومميزات هنتعرف عليها من خلال مراجعتنا.

هنتكلم بالتفصيل مع ياقوطة على أهم مواصفات ومميزات وكمان عيوب كمبيوتر مكتبي إتش بي- HP PRO 3500 C5X65EA– 500 جيجابايت وهنتعرف كمان على رأي المستخدم، ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وممكن كمان تطلبه من خلالنا ويوصلك في أسرع وقت.

بنفكرك إنك ممكن تشتري كمبيوتر مكتبي إتش بي- HP PRO 3500 C5X65EA- 500 جيجابايت من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• نظام التشغيل: 0 مايكروسوفت ويندوز.
• سعة القرص الصلب: 500 جيجابايت.
• حجم الذاكرة: 4 جيجابايت.
• سرعة ال CPU: 20 جيجا هيرتز.
• عائلة المعالج: إنتل كور i5
• النوع: جهاز كمبيوتر مكتبي.
• معالج الرسومات: HD Graph 2500
• نوع مشغل أقراص DVD: كاتب DVD
• اللون: أسود.

المميزات

• أداء فائق مع معالج Intel Core i5-3470 من الجيل الثالث رباعي النوى بيوفر أداء عالي تقدر تعتمد عليه كليا في المهام العادية، مع كارت شاشة مدمج من2500 Intel HD بذاكرة 4 ميجابايت 1333 ميجا هيرتز DDR3 SDRAM بتوصل الأداء لمستوى جيد في أعمال الجرافيكس والألعاب الحديثة.
• وحدة معالجة مركزية CPU بسرعة 20 جيجاهيرتز بتوفر استجابة سريعة وقدرة على فتح عدة تطبيقات في نفس الوقت وتأدية المهام بسهولة توفر وقتك.
• ذاكرة الوصول العشوائي بحجم 4 جيجابايت كفيلة بتأدية المهام بشكل سلس وسريع.
• بيحتوي على محرك أقراص ثابتة SATA بسعة تخزينية 500 جيجابايت بسرعة 7200 لفة في الدقيقة علشان يكون عندك المساحة الكافية اللي تحتفظ فيها بصورك وأفلامك وأي حاجة تحب تخزنها.
• يعمل بنظام تشغيل مايكروسوفت ويندوز 10.0.
• صوت أوديو DTS ستوديو مع جميع منافذ الاستريو ومكبر صوت متكامل.
• متعدد المنافذ، مزود ب 6 منافذ USB 2.0هيساعدك تنقل البيانات بينه وبين الأجهزة الأخرى، بالإضافة لمنفذ ميكروفون ومنفذ لسماعات الرأس ومنفذ RJ-45 و VGA، ومنافذ إدخال وإخراج اختياري عبارة عن 4 منافذ USB 3.0 عبر بطاقة PCIe x1 اختيارية فائقة السرعة.
• مزود ب DVD كاتب تقدر تشوف من خلاله أي محتوى سواء أفلام أو موسيقى.
• مزود بمطاط من الغطاء الأسفل بيسمح بتهويته ويمنع ارتفاع حرارته لو اشتغلت عليه أوقات طويلة.
• مميز بشكله الأنيق البسيط وبمتانة صنعه.

العيوب

• ذاكرة الوصول العشوائي 4 جيجا غير كافية لمستخدمين مونتاج الفيديو والأفلام والمصممين والمعماريين.
• كارت الشاشة المدمج غير مناسب للألعاب اللي بتحتاج دقة ووضوح أو العمل في المنتاج ومصممين الجرافيكس.
• مش بيحتوي على واي فاي لكن في اتصال شبكة إنتل بتوفر بطاقة LAN لاسلكية اختيارية.
• مش بييجي معاه شاشة ولا لوحة مفاتيح وبتشتريها لوحدها بشكل منفصل.
• غير مزود بمخرج HDMI وبيحتاج Adapter .
• لا يحتوي على بلوتوث.
• لا يحتوي على منافذ Thunderbolt.

خدمة العملاء

• أحسن وكيل لصيانة أجهزة إتش بي في مصر هو شركة ماس إيجيبت Mas Egypt، عنوانهم 27 شارع المروة من محي الدين أبو العز ت 33381250
• بيوفروا قطع الغيار بالضمان.

 تجربة المستخدم

• مناسب للأعمال التقليدية وسرعته معقولة لكن بيبطأ لما تفتح تطبيقات متعددة في وقت واحد، مش بينفع مع الألعاب اللي بتحتاج جرافيكس ودقة عالية وأكيد مش مناسب لمصممي الجرافيكس والناس اللي بتعمل مونتاج للأفلام، غير كدا مناسب للمستخدم العادي.

شوف كمبيوتر مكتبي إتش بي- HP PRO 3500 C5X65EA– ٥٠٠ جيجابايت من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

أمنية عزمي، بكتب من سنتين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.