أيهما أفضل: مراوح السقف ولا مراوح الحائط ؟
كتبت: منى عوض
حر الصيف لا يحتمل، وده بيخلي فئة من الناس تلجأ لشراء تكييف وفئة تانية تلجأ لشراء مراوح، بس خلينا نتكلم دلوقتي عن الفئة اللي بتحب المراوح واللي بيجي في ذهنها سؤال محير بيدور حول المراوح الأفضل السقف ولا الحائط.
ولأننا يهمنا راحتك، ياقوطة هتوضحلك النهارده الفرق بين مراوح السقف ومراوح الحائط، وكمان هتقدملك موديلات من على موقعنا عشان لو حبيت تشتري تقدر تشوف أشهر الموديلات وتختار الأنسب ليك وتطلبه كمان من خلالنا وهيوصلك في أسرع وقت.
*بنفكرك إنك ممكن تشتري المروحة الكهربائية من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة وصورة إيصال مرافق وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
مراوح السقف
المميزات
- مراوح السقف بتوزع الهواء بشكل متساوي وكويس جدًا في جميع أنحاء الغرفة.
- مراوح السقف بتُعتبر آمنة تمامًا خاصة بالنسبة للأطفال اللي مش هيعرفوا يلعبوا فيها خالص، بس أنت خد بالك أنها لازم تتثبت بشكل صحيح في السقف وكمان مستواها مايكونش منخفض.
- مراوح السقف بتُعتبر موفرة في الطاقة بشكل أكبر.
- بعض أنواع مراوح السقف بيكون مزود بإضاءة أو تقنيات أخرى عشان تكون عملية بشكل أكبر.
العيوب
- مراوح السقف بتصعب جدًا فكرة تركيب لمبة أو نجفة في السقف.
- مش هتعرف تركبها بنفسك وهتلاقي نفسك محتاج كهربائي أو حد متخصص يركبهالك.
مراوح الحائط
المميزات
- مروحة الحائط بتختلف عن مروحة السقف تمامًا وفيه ناس بتعتبرها أكثر أمانًا خاصة بالنسبة للأماكن اللي فيها أطفال لأنها بتكون موجودة جوه قفص أو صندوق مغلق بيمنع تعرض الأفراد للشفرات أو إصابتهم منها.
- مراوح الحائط بتثبت بشكل معين على الحائط وهتلاقي إنها بتشتغل بنظام الدوران تجاه اليمين واليسار لتوزيع الهواء من أحد زوايا الغرفة إلى زاوية أخرى.
- مراوح الحائط بتساعد في دفع الهواء في اتجاهات مختلفة في جميع أنحاء الغرفة، وممكن تثبتها في اتجاه واحد فقط لو حابب.
- مراوح الحائط بتعتبر موفرة في المساحة لأنك هتقدر تستخدم السقف في تركيب نجف مثلاً وكمان هتوفر في مساحة الأرض لأنك مش هتحتاج تثبتها في مكان بعينه على الأرض.
- من الممكن تعديل وضعية مروحة الحائط عشان تناسب احتياجاتك.
العيوب
- مراوح الحائط بتعتبر أقل كفاءة أو بمعنى أصح مش بتقدم مقدار جيد من التهوية، خاصة لو هتستخدمها في مكان كبير.
- مراوح الحائط اللي بتشتغل من خلال سلك بيتشد بتُعتبر غير عملية لأن السلك ممكن يبوظ أو يتقطع مع كثرة الاستخدام.
أشهر موديلات المراوح على ياقوطة
مروحة سقف فريش رافال 65 بوصة
المميزات
- المروحة بتتميز بمحرك قوي بيعمل 300 لفة في الدقيقة وده معناه أنك هتستمتع بتدفق قوي للهواء في جميع أنحاء الغرفة.
- المروحة مش بتسبب أي إزعاج طول ما هي شغالة.
- المروحة حجمها 56 بوصة وده حجم كويس جدًا وهيناسب الغرف كبيرة الحجم أيضًا.
- المروحة بتيجي بـ 3 ريش معدنية الصنع.
- المروحة مزودة بخمس سرعات عشان تختار الأنسب بالنسبالك.
العيوب
- المروحة مش مزودة بتايمر يخليها تشتغل وتفصل في الوقت اللي تحدده.
ممكن تشوف مروحة سقف فريش رافال من هنا.
مروحة سقف فريش الباشا
المميزات
- المروحة معلقة في السقف عشان تقدر توزع الهواء بشكل متساوي وكويس في جميع أنحاء الغرفة.
- المروحة بتيجي بـ 4 ريش عشان تساعد في توزيع الهواء بشكل أفضل.
- المروحة بتيجي بـ 3 سرعات مختلفة لاختيار الأنسب بينها.
- المروحة مزود بأربع لمبات مدمجة فيها ومن الممكن تشغيلها أو قفلها من خلال زرار الكهرباء أو من خلال سلك معلق في المروحة.
العيوب
- السلك اللي بييجي لتشغيل إضاءة المروحة ممكن يتقطع بكل سهولة.
- المروحة مش مزودة بتايمر يخليها تشتغل وتفصل في الوقت اللي تحدده.
ممكن تشوف مروحة سقف فريش الباشا من هنا.
مروحة سقف ATA الـ 65 بوصة
المميزات
- المروحة بتيجي بحجم 56 بوصة وده حجم كويس ومناسب بالنسبة للغرف كبيرة الحجم.
- المروحة بتيجي بـ 3 ريش حجمها طويل عشان توزع الهواء لمساحات أكبر وبشكل كويس.
- المروحة بتيجي بـ 3 سرعات لتدفق الهواء.
- المروحة مش بتعمل أي صوت طول ما هي شغالة.
العيوب
- المروحة بتفتقر لوجود تايمر يخليها تشتغل وتفصل في الوقت اللي أنت عايزه.
ممكن تشوف مروحة سقف ATA من هنا.
مروحة حائط فريش شبح 18 بوصة
المميزات
- المروحة بتيجي بحجم 20 بوصة وده حجم مناسب للأماكن الكبيرة.
- المروحة مزودة بـ 3 ريش رفبعة عشان توزع الهواء بشكل كويس في جميع أنحاء الغرفة.
- المروحة مزودة بـ 3 سرعات لاختيار الأنسب منهم.
- المروحة هادية جدًا ومش بتسبب أي إزعاج بس لو شغالة على السرعات المنخفضة فقط.
- من السهل تركيب المروحة وإعادة فكها وتنظيفها وتركيبها مرة أخرى من غير اللجوء لكهربائي.
العيوب
- المروحة مش مزودة بريموت كنترول للتحكم فيها عن بعد.
- ممكن تلاحظ صوت عالي طالع من المروحة لو شغالة على السرعات العالية.
ممكن تشوف مروحة حائط فريش شبح من هنا.
مروحة حائط ألترا – 18 بوصة
المميزات
- المروحة بتبجي بحجم كبير بيصل إلى 18 بوصة عشان توفر كفاءة أعلى في توزيع الهواء في جميع أنحاء الغرفة.
- المروحة بتيجي بـ 3 سرعات مختلفة.
- المروحة بتيجي بـ 5 ريش مصنوعة من البلاستيك لتوزيع الهواء بشكل فعال في جميع أنحاء الغرفة.
- المروحة مش بتصدر أي ضوضاء طول ما هي شغالة.
- المروحة فيها تايمر وكمان بتيجي بريموت كنترول للتحكم فيها عن بعد.
العيوب
- الموتور بتاعها عمره قصير شوية مقارنة بالموديلات الأشهر منه.
ممكن تشوف مروحة حائط ألترا – UFN18WR من هنا.
مروحة حائط من تورنيدو 18 بوصة
المميزات
- المروحة بتيجي بحجم 16 بوصة وبتيجي بـ 4 ريش لتوزيع الهواء بشكل كويس في جميع أنحاء المكان.
- المروحة بتيجي بـ 3 سرعات مختلفة للاختيار بينها.
- الموتور هادئ ومش بيسبب إزعاج طول ما المروحة شغالة.
العيوب
- المروحة بتفتقر لوجود تايمر.
ممكن تشوف مروحة حائط من تورنيدو EPS-18 من هنا.
ممكن تشوف دليل ياقوطة لشراء مروحة الصيف.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.