لا يزال صفقة رابحة … مزايا وعيوب Samsung Galaxy A51
كتب: خالد عاصم
على الرغم من مرور أكتر من سنة على وجودة في السوق المصري، لسا قادر موبايل Samsung Galaxy A51 غنه يحقق النجاح لحد دلوقتي ولسا قادر يكون واحد من أنجح الموبايلات في السوق المصري وواحد من أكتر موبايلات سامسونج شهرة على ياقوطة، بس ياترى هل بتتوافق الشهرة الحالية دي مع الوضع الفعلي الحالي للموبايل بعد ظهور موبايلات كتير جديدة وقوية في السوق، ده اللي هنعرفه النهاردة وهنحاول نوصل لإجابته.
ولو الموبايل عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
موبايل Samsung Galaxy A51
المواصفات
- أبعاد الموبايل: ٧.٩ × ٧٣.٦ × ١٥٨٫٥ مم.
- وزن الموبايل: ١٧٢ جرام.
- البناء والصناعة: هيكل وظهر من البلاستيك بزجاج أمامي.
- شرائح الاتصال: إصدار أحادي الشريحة وإصدار ثنائي الشريحة.
- شاشة الموبايل: شاشة موبايل Samsung Galaxy A51 كاملة بثقب في المنتصف قطرها ٦.٥ بوصة ومعدلها ٢٠:٩ وده بيخليها تشغل حوالي ٨٧.٤ في الميه من مساحة الموبايل الأمامية. والشاشة بتقدم دقة عرض ٢٤٠٠ × ١٠٨٠ بيكسل بكثافة ٤٠٥ بيكسل لكل بوصة والشاشة مصنوعة من شرائح Super AMOLED ومحمية بزجاج كورنينج جوريلا جلاس الإصدار التالت.
- أداء الموبايل: معالج Exynos 9611 ثماني النواة وسرعته ٢٫٣ جيجا هيرتز لأربع شرائح من Cortex-A73 وبسرعة ١٫٧ جيجا هيرتز لأربع شرايح Cortex-A53 والمعالج مدمج بمعالج جرافيكس Mali-G72 MP3. والموبايل بيصدر بإصدارات بذاكرة عشوائية ٤ جيجابايت رام أو ٦ جيجابايت رام وبذاكرة داخلية سعتها ٦٤ جيجابايت أو ١٢٨ جيجابايت وممكن زيادة مساحة الموبايل التخزينية بكروت الذاكرة الخارجية من خلال منفذ مستقل.
- نظام التشغيل: الموبايل بيشتغل بنظام تشغيل أندرويد ١٠ بواجهة مستخدم One UI 2
- الكاميرا: الموبايل الكاميرا الخلفية بتاعته رباعية العدسات بقوة ٤٨ ميجا بيكسل وفتحة مستشعر f/2.0 للعدسة الأولانية العريضة وبقوة ١٢ ميجا بيكسل بفتحة مستشعر f/2.2 للعدسة التانية فائقة العرض وبقوة ٥ ميجا بيكسل بفتحة مستشعر f/2.2 للعدسة التالتة الخاصة بتصوير صور الماكرو وبقوة ٥ ميجا بيكسل بفتحة f/2.2 للعسة الخاصة باستشعار عمق الصورة والكاميرا مدعومة بتقنية التركيز التلقائي PDAF وتقنية HDR ومدعومة بإضاءة فلاش ليد فردية وبتقدر تصور الفيديو بجودة 2160p بمعدل ٣٠ إطار في الثانية وبجودة 1080p بمعدلات ٣٠/١٢٠ إطار في الثانية، أما الكاميرا الأمامية فعدستها عريضة بقوة ٣٢ ميجا بيكسل وفتحة مستشعر f/2.2 والكاميرا مدعومة بتقنية HDR وبتقدر تصور الفيديو بجودة 1080p بمعدل ٣٠ إطار في الثانية.
- منفذ توصيل السماعات السلكية ٣٫٥ مم: متوفر.
- منفذ الشحن ونقل البيانات: USB Type-C.
- ماسح البصمة: مدمج أسفل الشاشة.
- المستشعرات: التسارع – الدوران – التقارب – البوصلة.
- البطارية: بطارية الموبايل غير قابلة للإزالة سعتها ٤٠٠٠ مللي أمبير في الساعة وبتدعم تقنية الشحن السريع بقوة ١٥ وات.
مزايا وعيوب Samsung Galaxy A51
مزايا Samsung Galaxy A51
- موبايل Samsung Galaxy A51 من الموبايلات اللي بدأت في نقل تصميم الثقب أعلى منتصف الشاشة للفئة المتوسطة ودي ميزة تحسه لحد دلوقتي لعدم ظهور أي تصميمات جديدة مختلفة سواء في سامسونج أو غيرها
- بيتميز الموبايل بشاشة Super AMOLED ودي ميزة من مميزات سامسونج القوية ولكن في الوقت نفسه موبايلات كتير منافسة في الفئة السعرية دي بقت تعتمد على نفس الشاشات، فعلى الرغم من إن دي ميزة إلا إنها مش حالة فريدة
- شاشة الموبايل قطرها مقبول جدًا مش كبير أوي زي موبايلات كتير دلوقتي وكمان مش صغير ومع الحواف النحيفة للشاشة فهي بتستحوذ على نسبة كبير من المساحدة الأمامية ودي ميزة مهمة جدًا
- الشاشة ممتازة على مستوى الحدة والوضوح في مختلف ظروف الإضاءة المحيطة بفضل اعتمادها على شرائح Super AMOLED
- الشاشة عليها طبقة حماية من زجاج كورنينج جوريلا جلاس
- بيعتمد الموبايل على بروسيسور نقدر نقول عليه كويس في حالة عزله عن باقي البروسيسورات المتوفرة في الموبايلات المنافسة في الفئة السعرية نفسها، لأنه مبقاش الأفضل ولكنه لا يزال مقبول وهنعرف ده بالتفصيل في العيوب
- الإصدار ده قوي لأنه بيعتمد على رامات 6 جيجابايت رام وكمان بيعتمد على ذاكرة داخلية 128 جيجابايت من فئة UFS 2.0
- الموبايل بيقبل كروت الميموري لحد ١ تيرابايت كاملة وكمان من خلال منفذ مستقل يعني مش بيأثر على استخدام شريحة اتصال تانية
- العدسات المساعدة للكاميرا الخلفية كويسة جدا ويمكن أفضل من موبايلات كتير منافسة وخصوصًا على مستوى دقة العدستين التالتة والرابعة اللي غالبًا بتكون 2 ميجا بيكسل بس في الموبايلات المنافسة
- الكاميرا الأمامية لموبايل Samsung Galaxy A51 ممتازة سواء على مستوى القوة أو فتحة المستشعر أو كون زاويتها عريضة أو إنها مدعومة بتقنية HDR
- الموبايل بيتميز بماسح بصمة مدمج أسفل الشاشة بفضل اعتماده على شاشة AMOLED
- الموبايل فيه كل المستشعرات الأساسية بما فيها مستشعر الدوران اللي بيدعم تطبيقات وألعاب الواقع الافتراضي
عيوب Samsung Galaxy A51
- الموبايل معمول من البلاستيك سواء الهيكل أو الجزء الخلفي
- الموبايل مش بيتمتع بأي حماية ضد الغبار أو المياه
- بتعتمد شاشة الموبايل على طبقة كورنينج جوريلا جلاس الإصدار التالت ودي مش ميزة أوي قصاد منافسين بيعتمدوا على الإصدار الخامس
- شاشة الموبايل بتكتفي بمعدل تحديث 60 هيرتز في الوقت اللي موبايلات تانية كتير دلوقتي في نفس الفئة وصلت لمعدل تحديث 90 هيرتز
- شاشة الموبايل مش بتدعم عرض محتوى الفيديو بتقنية HDR
- زي ما قلنا إن المعالج المستخدم كويس وأداءه جيد جدًا كمان بس في نفس الفئة دي أو أعلى بحاجة بسيطة بقى ممكن تحصل على معالجات أقوى وأفضل خصوصًا على مستوى الألعاب
- العدسة الرئيسية للكاميرا الخلفية كويسة جدًا بس بالنسبة للوقت اللي ظهر فيه الموبايل لأول مرة لأن نفس الفئة دي دلوقتي بقت كاميراتها أقوى بشكل واضح
- بطارية الموبايل مقبولة بس مش الأفضل في الفئة دي وكمان تقنية الشحن السريع قديمة شوية
اتعرف على عروض أسعار موبايل Samsung Galaxy A51 من هنا.
اتعرف على عروض أسعار موبايلات سامسونج المختلفة المتوفرة على ياقوطة من هنا.
اتعرف على عروض أسعار مختلف الموبايلات المتوفرة على ياقوطة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.