كتب: خالد عاصم

الأحسن من أن أطفالك يعتمدوا على أجهزتك الشخصية في التعامل مع الإنترنت وده ممكن يعرض الأجهزة دي للتلف وممكن كمان يعرضهم هما للتعامل مع مواد مش مرغوب فيها، فالأحسن ليهم إنك تجيبلهم الأجهزة المخصصة، ومنها تابلت الأطفال اللي بيتميز بميزات أساسية وهي إنه بيكون بتصميم جذاب ليهم، وإنه محمي بشكل كبير ضد الخبط والوقوع، والأهم هو إن نظام التشغيل مخصص للأطفال يعني مش من السهل إطلاقًا إنهم يقدروا يوصلوا لأي مواد على الإنترنت انت مش عايزهم يوصلولها.

في المقال ده هنتعرف على مجموعة من أبرز أجهزة تابلت الأطفال المتوفرة على ياقوطة واللي بتتميز بإمكانيات مناسبة جدًا للأطفال وبسعر رخيص ومناسب لأي ميزانية، ولو أي جهاز عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أبرز أجهزة تابلت الأطفال على ياقوطة

تابلت الأطفال I-Touch A702

التابلت المميز ده من حيث السعر والإمكانيات بيتميز بشاشة بقطر ٧ بوصة وبيعتمد على ذاكرة عشوائية سعتها ٢ جيجابايت رام وذاكرة داخلية سعتها ١٦ جيجابايت وممكن زيادتها من خلال كروت الميموري اللي بيقبلها التابلت، وبيتمتع التابلت بكاميرا أمامية وكاميرا خلفية ده غير إن فيه منفذ ٣٫٥ مم عشان توصل السماعات بالتابلت، والتابلت تصميمه جذاب جدًا للأطفال وعليه مجموعة من تطبيقات التعليم البسيطة المناسبة ليهم، أما بطاريه فسعتها ٢٦٠٠ ميللي أمبير في الساعة.

اتعرف على عروض أسعار تابلت I-Touch A702 من هنا.

تابلت الأطفال IPO A707

تاني تابلت من اللي هنتكلم عنهم بيعتمد على نفس الإمكانيات تقريبًا واللي متوفرة في أغلب الأجهزة المخصصة للأطفال، والتابلت تصميمه مميز جدًا والإطار بتاعه قوي جدًا ومدعم عشان لما يقع من أطفالك أو لا قد الله حد فيهم يتخبط فيه مش هيتأثر منه خالص وكمان تقدر تحافظ عليه مهما عملوا فيه، التابلت برامات ٢ جيجابايت رام وذاكرة داخلية ١٦ جيجابايت وبيعتمد على الواي فاي وبطاريته سعتها ٢٦٠٠ ميللي أمبير في الساعة.

اتعرف على عروض أسعار تابلت IPO A707 من هنا.

تابلت G-Tab Q2

التابلت اللي تصميمه هيخلي ولادك يمسكوا فيه ومش هيسبيوه، التابلت تصميمه جذاب ولطيف جدًا وكمان فيه مسند من الخلف عشان استخدامه لمشاهدة الفيديوهات وسماعاته الخلفية قوية جدًا وصوتها واضح، التابلت شاشاته قطرها ٧ بوصة وبيعتمد على ذاكرة داخلية سعتها ١٦ جيجابايت رام وعيبه بس إن رامات قليلة شوية سعتها ١ جيجابايت بس البطارية سعتها ٢٨٠٠ ميللي أمبير في الساعة.

اتعرف على عروض أسعار تابلت G-Tab Q2 من هنا.

تابلت Black View BV200

واحد من أرخص أجهزة تابلت الأطفال على ياقوطة واللي بيعتمد على إمكانيات تبدو قليلة شوية بس مناسبة جدًا للأطفال، التابلت بييجي بشاشة ٧ بوصة وبيعتمد على رامات سعتها ٥١٢ ميجابايت ودي سعة قليلة شوية بس الذاكرة الداخلية سعتها ٨ جيجابايت، وبيعتمد التالت على كاميرا أمامية وخلفية دقتها ٠٫٣ ميجا بيكسل.

اتعرف على عروض أسعار تابلت Black View BV200 من هنا.

تابلت Atouch A32

التابلت المميز اللي شبيه جدًا بالأجهزة العادية للكبار بس بيختلف بمجموعة من التصاميم والأشكال والألوان الجذابة للأطفال، التابلت بيعتمد على شاشة ٧ بوصة وراماته ١ جيجابايت رام وذاكرته الداخلية سعتها ٨ جيجابايت، والتابلت فيه كاميرا أمامية وخلفية وكمان بييجي بنضارة ثلاثية الأبعاد عشان مشاهدة فيديوهات 3D اللي بتعتمد على اللونين الأزرق والأحمر.

اتعرف على عروض أسعار تابلت Atouch A32 من هنا.

اتعرف على عروض أسعار مختلف أجهزة التابلت المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.