كتب: خالد عاصم

قدر موبايل Samsung Galaxy A20 إنه يحقق كبير في الفترة القصيرة نسبيًا اللي مرت من سعة ما ظهر في الأسواق المصرية، وده لان الموبايل قدر يعيد تقديم موبايلات سامسونج الاقتصادية بشكل ممتاز جدًا، وقدر يجمع بين مجموعة كبيرة من المميزات الرائعة وبسعر منخفض جدًا، ده بالإضافة لإن وجود علامة سامسونج التجارية بيدي المستخدمين ثقة كبيرة جدًا في أي منتج بتقدمه.

النهارده من خلال المقال ده هنتعرف أكتر على موبايل Samsung Galaxy A20 وهنتعرف من خلال مراجعتنا ليه ولمواصفته على أبرز مميزاته وعيوبه ونقاط قوته وضعفه، ولو عجبكم الموبايل هتقدروا تطلبوه من خلالنا في ياقوطة وهيوصلكم لحد باب البيت أو مكان ما تحبوا بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Samsung Galaxy A20

المواصفات

• أبعاد الموبايل: ٧.٨ × ٧٤.٧ × ١٥٨.٤ مم.
• وزن الموبايل: ١٦٩ جرام.
• البناء والصناعة: جسم من البلاستيك بزجاج أمامي.
• شرائح الاتصال:  إصدار أحادي الشريحة وإصدار ثنائي الشريحة.
• شاشة الموبايل: شاشة موبايل Samsung Galaxy A20 كاملة بشق قطرة المياه قطرها ٦.٤ بوصة بمعدل ١٩:٥:٩ بتشغل حوالي ٨٥.٠ % من مساحة الموبايل الأمامية. والشاشة بتقدم دقة عرض ١٥٦٠ × ٧٢٠ بيكسل بكثافة ٢٦٨ بيكسل لكل بوصة والشاشة مصنوعة من شرائح Super AMOLED.
• أداء الموبايل: معالج Exynos 7884 ثماني النواة وسرعته ١.٦ جيجا هيرتز لشريحتين وبسرعة ١٫٣٥ لست شرايح. والموبايل بيصدر بإصدار واحد بذاكرة عشوائية سعتها ٣ جيجابايت رام وبذاكرة داخلية سعتها ٣٢ جيجابايت وممكن زيادة مساحة الموبايل التخزينية بكروت الذاكرة الخارجية لحد ٥١٢ جيجابايت.
• نظام التشغيل: الموبايل بيشتغل بنظام تشغيل أندرويد ٩ باي بواجهة مستخدم ONE UI
• الكاميرا: الموبايل الكاميرا الخلفية بتاعته ثنائية بقوة ١٣ ميجا بيكسل وفتحة مستشعر f/1.9 للعدسة الأولى العريضة وبقوة 5 ميجا بيكسل وبفتحة مستشعر f/2.2 للعجسة التانية فائقة العرض والكاميرا مدعومة بتقنية التركيز التلقائي وتقنية HDR ومدعومة بإضاءة فلاش ليد فردية وبتقدر تصور الفيديو بجودة 1080p بمعدل ٣٠ إطار في الثانية، أما الكاميرا الأمامية فعدستها بقوة ٨ ميجا بيكسل وفتحة مستشعر f/2.0.
• منفذ توصيل السماعات السلكية ٣٫٥ مم: متوفر.
• منفذ الشحن ونقل البيانات: USB Type-C.
• ماسح البصمة: خلفي.
• المستشعرات: التسارع – التقارب – الدوران – البوصلة
• البطارية: بطارية الموبايل غير قابلة للإزالة سعتها ٤٠٠٠ مللي أمبير في الساعة تدعم الشحن السريع بقوة ١٥ وات.
• ألوان الموبايل: الأسود – الأزرق – الأحمر – البرتقالي.

مميزات وعيوب Samsung Galaxy A20

مميزات Samsung Galaxy A20

• بيتميز الموبايل بتصميم رائع جدًا سواء على مستوى الشاشة أو الضهر وده بيخليه ينتمي شكليًا لموبايلات تانية أغلى كتير في السعر.
• بفضل اعتماده على تصميم شق قطرة المياه وبفضل الحواف النحيفة جدا المحيطة بالشاشة، قدر Samsung Galaxy A20 إنه يوصل لنسبة ٨٥٫٠ من احتلال الشاشة للمساحة الأمامية ودي نسبه موصلتلهاش موبايلات تانيه كتير أعلى منه في السعر.
• شاشة الموبايل كبيرة وبتدي مساحة رؤية ممتازة جدًا وبتخليه مثالي في الفرجة على الأفلام
• شاشة معمولة من شرائح Super AMOLED يعني بتتميز بوضوح عالي جدا ودحدة ممتازة حتى عند استخدامه تحت ضوء الشمس المباشر.
• رامات الموبايل مقبولة وبتقدر تدعمه إنه يقدم أداء كويس جدًا في المهام الاعتيادية وكمان جزء من المتوسطة
• الموبايل بيقبل كروت الميموري لحد ٥١٢ جيجابايت، كمان ليها منفذ مخصص يعني مش بتأثر على شريحة الاتصال التانية في حالة شرا الموبايل بالإصدار ثنائي الشريحة.
• بيعتمد على نظام تشغيل اندرويد 9 باي
• بيعتمد على واجهة مستخدم One UI الأحدث من سامسونج
• كاميرا Samsung Galaxy A20 الخلفية ممتازة بفضل اعتمادها على عدسة رئيسية قوية من ناحية وبفضل إن عدسة عريضة والتانية بالغة العرض يعني كادر صورة كبير وواضح
• أداء الكاميرا الأمامية مقبول جدًا بالنسبة لسعر الموبايل.
• الموبايل فيه منفذ ٣٫٥ مم لتوصيل السماعات السلكية وسماعات الرأس.
• الموبايل فيه راديو إف إم.
• بيعتمد Samsung Galaxy A20 على منفذ USB Type-C في الشحن ونقل البيانات وده منفذ قليل جدًا توفره في الفئة الاقتصادية.
• الموبايل فيه ماسح بصمة خلفي.
• بيتضمن الموبايل مستشعر الدوران الخاص بدعم تطبيقات وألعاب وفيديوهات الواقع الافتراضي ودي كمان حاجة قليل لما نشوفها في الفئة دي.
• بطارية الموبايل ضخمة سعتها ٤٠٠٠ ميللي أمبير في الساعة.
• الموبايل بيدعم تقنية الشحن السريع بقوة ١٥ وات.

عيوب موبايل Samsung Galaxy A20

• Samsung Galaxy A20 بيعتمد على البلاستيك كليًا في صناعته وده بيخليه ضعيف شويه
• شاشة الموبايل مش محمية بأي إصدار من إصدارات زجاج كورنينج جوريلا جلاس.
• شاشة الموبايل ضعيفة على مستوى الدقة.
• الموبايل بيعتمد على بروسيسور ثماني بس سرعته محدودة وكمان مش معروف معالج الرسوميات الخاص بيه فمنقدرش نحكم على أداءه.
• الذاكرة الداخلية للموبايل محدودة وغالبًا هتحتاج تجيب كارت ميموري.
• الكاميرا الخلفية مش مدعومة بتقنية التركيز التلقائي PDAF اللي بقت موجودة دلوقتي في كل الموبايلات حتى في الفئات الاقتصادية
• الكاميرا الأمامية مش مدعومة بتقنية HDR
• الموبايل مفيهوش أي تقنيات صوتية مميزة

شوف موبايل Samsung Galaxy A20 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.